Информация по подвозу в 2021-2022 учебном году

2021-2022 оқу жылындағы № 12, 18, 20, 22, 30, 32, 38, 48 мектеп оқушыларының күнделікті тасымалының ұйымдастырылуы туралы мәлімет

«Білім беру ұйымдары желісінің кепілдік берілген мемлекеттік нормативін бекіту туралы» Қазақстан Республикасы Үкіметінің 2007 жылғы 21 желтоқсандағы №1256 Қаулысы талаптарына сәйкес жалпы білім беретін оқу орындары жоқ ауылдық елді мекендерде тұратын балаларды жақын орналасқан жалпы білім беретін мектептерге дейін және кері күнделікті тегін тасу жолымен азаматтардың тегін мектепалды және орта білім (мектепалды, бастауыш, негізгі орта және жалпы орта) алуын қамтамасыз ету тиісті мектептері жоқ елді-мекендерден 8 жалпы білім беретін мектептерге 2937 оқушы күнделікті тасымалданады.

Күнделікті  тасымалданатын оқушылар саны:

        Оқушыларды тасымалдауға арналған автокөлік саны – 16 бірлікті құрап отыр. № 12, 20, 32, 48 мектептерінде мектеп балансындағы автокөліктермен тасымалдануда. № 18 мектепте «Олжас», № 22 мектепте «Аделина», № 30 мектепте «Ернар», № 38 мектепте «Арғын» жеке кәсіпкерліктерінің автокөліктерімен тасымалдануда.

        Мектептер бойынша оқушылардың күнделікті тасымалын ұйымдастыруда Қазақстан Республикасы Инвестициялар және даму министрлігінің 2015 жылғы 26 наурыздағы №349 бұйрығымен бекітілген «Автомобиль көлігімен жолаушылар мен багажды тасымалдау қағидаларын бекіту туралы» Қағиданың талаптары басшылыққа алынады.

• Мектеп басшылығы бекіткен балалардың мініп-түсуіне оңтайлы орындары белгіленген маршрут бар.
• Мектептерде күнделікті тасымал кестесі, тасымалға жауаптылар туралы мәлімет оқу жылының басында мектеп директорының бұйрығымен шығарылып, бекітілген.
• Маршруттағы қозғалыс және жұмыс тәртібі, шарттары және есепке алу журналында арнайы нұсқаманың жүргізілгені  және нұсқамадан өткен жүргізушінің қолы туралы белгі тіркелген.
• Балаларды тасымалдайтын әрбір автобуста балаларды жеткізу орнына дейін алып жүретін кезекшілер бекітілген.
• Барлық тасымалдайтын автобустарда «Балаларды тасымалдау» деген белгі бар.