Х А Б А Р Л А Н Д Ы Р У!!!
2026 жылғы 19 қазанына сағат 16-00-де Атырау облысы жұмыспен қамтуды үйлестіру және әлеуметтік бағдарламалар басқармасында (мекен-жайы: Азаттық 31а, жастарға кредиттерді беру бағытында құрылған бизнес-жобаларды іріктеу бойынша конкурс комиссиясының отырысы өтетінін хабарлаймыз.
Атырау облысы жұмыспен қамтуды үйлестіру және әлеуметтік бағдарламалар басқармасы
Астана қаласында Президенттік орталықта Еңбек күніне арналған «Еңбек – ел мұраты» республикалық форумы өтті.
Қазақстан Республикасы Президентінің 2013 жылғы 22 қарашадағы Жарлығымен қыркүйек айының соңғы жексенбісі елімізде «Еңбек күні» ретінде белгіленген.
Бұл – күнделікті қажырлы еңбегімен еліміздің дамуына үлес қосып жүрген адал азаматтарды ұлықтайтын, еңбек құндылығын дәріптейтін айрықша мереке.
Форумға жиналған азаматтарды әртүрлі кәсіп пен өңір ғана емес, өз ісіне ондаған жыл бойы адалдық танытқан еңбек жолы біріктірді.
Шара аясында Президент Қасым-Жомарт Тоқаевтың атынан түрлі мамандық өкілдеріне мемлекеттік марапаттар табысталды.
Олардың қатарында Атырау облысынан «Ерен еңбегі үшін» медалімен:
- Орынбасар Құжантаев – «АтырауНефтеМаш» ЖШС газ кескіші, еңбек өтілі – 44 жыл;
Сонымен қатар, Қазақстан Республикасының Еңбек және халықты әлеуметтік қорғау министрлігі 2016 жылдан бері еңбек әулеттері мен өндіріс жұмысшыларының арасында «Еңбек Жолы» республикалық конкурсын ұйымдастыруда. Оның басты міндеті – еңбек адамдары жайлы оң қоғамдық пікір қалыптастыру және кәсіпорындар мен мекемелерде жаңа еңбек әулеттерінің қалыптасуына жағдай жасау болып табылады.
Аталмыш конкурс жыл сайын ҚР Еңбек және халықты әлеуметтік қорғау министрлігінің бастамасымен ұйымдастырылып, «Үздік еңбек әулеті», «Жұмыс істейтін жастардың үздік тәлімгері» және «Өндірістің үздік жас маманы» атты номинациялары бойынша жеңімпаздарды анықтап, марапаттайды.
Форумда «Еңбек жолы» республикалық байқауының жеңімпаздарын марапаттау рәсімі өтті.
Облысымыздан «Үздік еңбек әулеті» номинациясы бойынша Кошбағанбетовтер әулеті республика деңгейде 3-ші орынды иеленді.
Конкурс жеңімпаздарын салтанатты түрде Қазақстан Республикасы Еңбек және халықты әлеуметтік қорғау министрі Дипломмен марапаттап, сыйлықтар табыстады.
Н. Жантөрин атындағы облыстық филармонияда Еңбек күніне орайластырылған салтанатты іс-шара өтті. Оған Атырау облысының әкімі Болат Ақшолақов, еңбек ардагерлері, кәсіпорын өкілдері мен жас мамандар қатысты.
— Бұл мерекеде ең алдымен Тәуелсіздік алғаннан кейінгі бастапқы жылдарда еліміздің дамуына елеулі үлес қосқан аға буынның ерен еңбегін еске аламыз. Әрқайсыңыздың еңбек жолыңыз — жастарға үлгі- өнеге.
Еңбек адамы — еліміздің тірегі. Қол жеткен белестің артында маңдай терімен, жауапкершілігімен, кәсіби шеберлігімен жылдар бойы түрлі салада абыройлы қызмет етіп жүрген азаматтардың еңбегі тұр. Облысымыздың дамуына үлес қосып жүрген баршаға ризашылығымды білдіріп, жаңа жетістіктер тілеймін,— деді Болат Ақшолақов.
Мерекелік іс-шарада “Еңбек жолы” байқауының облыстық кезеңі қорытындыланды. “Үздік еңбек әулеті” номинациясында Қызылқоға ауданынан Көшбағанбетовтер отбасы жеңімпаз атанып, республикалық байқауға жолдама алды.
“Жұмысшы жастардың үздік тәлімгері” номинациясы бойынша Қызылқоға ауданының тұрғыны, “Ембімұнайгаз” АҚ “Қайнармұнайгаз” мұнай және газ өндіру учаскесінің шебері Жұмабай Аманов жеңімпаз деп танылды.
Өндірістің үздік жас маманы атағына Мақат ауданында тұратын Арайлым Мақашова ие болды. Ол “Қазақстан темір жолы ”ҰК” АҚ Мақат локомотив пайдалану депосында қоршаған ортаны қорғау жөніндегі инженер-технолог болып жұмыс істейді.
Жиында аймақтың дамуына үлес қосқан еңбек ардагерлеріне облыс әкімінің Алғысхаты табысталды.
Іс-шара концерттік бағдарламамен жалғасты.
Х А Б А Р Л А Н Д Ы Р У!!!
2026 жылғы 7 қыркүйегіне сағат 16:00-де Атырау облысы жұмыспен қамтуды үйлестіру және әлеуметтік бағдарламалар басқармасында (мекен-жайы: Азаттық 31а, жастарға кредиттерді беру бағытында құрылған бизнес-жобаларды іріктеу бойынша конкурс комиссиясының отырысы өтетінін хабарлаймыз.
Атырау облысы жұмыспен қамтуды үйлестіру және әлеуметтік бағдарламалар басқармасы
Мекеме, кәсіпорындарға, жеке кәсіпкерлер назарына!!!
Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 30 маусымдағы №274 «Қазақстан Республикасына шетелдік жұмыс күшін тартуға арналған квотаны белгілеу және оны облыстар, республикалық маңызы бар қалалар, астана арасында бөлу қағидаларын бекіту туралы» бұйрығының 6 тармағына сәйкес,жұмыс берушілер жыл сайын 1 қазанға дейін шетелдік жұмыс күшін тартуға арналған өтінімдерді (квота) ұсынады.
Осыған сәйкес, Атырау облысы Жұмыспен қамтуды үйлестіру және әлеуметтік бағдарламалар басқармасы 2027 жылға шетелдік жұмыс күшін тарту үшін квотаға өтінімдер қабылдау басталғанын хабарлайды.
2027 жылға шетелдік жұмыс күшін тарту үшін жұмыс беруші мекемелер жоғарыда көрсетілген Қағиданың 1-ші қосымшасына сәйкес нысан бойынша өтініштер толтырып және мекеменің арнайы хатымен Басқарманың кеңсе бөліміне (мекен-жайы: Атырау қаласы, Азаттық даңғылы 31 А, 1-қабат, кеңсе бөлімі, электрондық пошта: a.zhakytova@atyrau.gov.kz, Ukzsp@atyrau.gov.kz) тапсыруы қажет.
Ескертпе: арнайы хатта жауапты маманның аты-жөні, телефон нөмірі, электрондық поштасы және 1-ші қосымшадағы нысан қолданыстағы заңға сәйкес толтырылуы қажет.
Жалпыға Ортақ Еңбек Қоғамы идеясын ілгерілету мақсатында 2016 жылдан бастап еңбек әулеттері мен өндіріс жұмыскерлері арасында өткізілетін «Еңбек жолы» республикалық конкурсы белгіленді.
«Еңбек жолы» конкурсы жастарды еңбекті құрметтеу рухында тәрбиелеу, еңбек дәстүрлерін сақтау және көбейту мүмкіндігін береді, үздік еңбек әулеттері мен өндіріс жұмыскерлерін айқындайды. Онда «Үздік еңбек әулеті», «Өндірістің үздік жас маманы», «Жұмыс істейтін жастардың үздік тәлімгері» номинациялары бойынша жеңімпаздары марапатталады.
Әлеуметтік әріптестік пен әлеуметтік және еңбек қатынастарын реттеу жөніндегі облыстық комиссияның шешімімен Облыстық деңгейде «Еңбек жолы» конкурсының жеңімпаздары айқындалды:
«Үздік еңбек әулеті» номинациясы бойынша Қызылқоға ауданынан Кошбаганбетовтер әулеті;
«Өндірістің үздік жас маманы» номинациясы бойынша Мақат ауданынан Макашева Арайлым Азаматқызы, үздік және белсенді жас маман;
«Жұмыс істейтін жастардың үздік тәлімгері» номинациясы бойынша Қызылқоға ауданынан Аманов Жумабай Исатайұлы, жоғары тиімді жұмыс істейтін тәлімгер.
Ақпараттық хабарлама
Атырау облысы жұмыспен қамтуды үйлестіру және әлеуметтік бағдарламалар басқармасы сыбайлас жемқорлық тәуекелдерін ішкі талдау нәтижелеріне жария талқылау 2026 жылғы 12 маусымда басталғандығын хабарлайды.
Ұсыныс-пікірлеріңіз болған жағдайда 8(7122) 32-22-28 телефонына қоңырау шалуға немесе ukzsp@atyrau.gov.kz электрондық поштасына жолдауға болады.
Хабарландыру
Атырау облысы Жұмыспен қамтуды үйлестіру және әлеуметтік бағдарламалар басқармасы 2026 жылғы сәуір айынан бастап «Қандастар мен қоныс аударушыларды қабылдаудың өңірлік квотасына» енгізу бойынша өтінімдерді қабылдау басталатынын хабарлайды.