Нұр-Сұлтан қаласы 2022 жылғы 15 қыркүйек
Төрағалық еткен: Е.Е. Каналимов – Нұр-Сұлтан қаласы мәслихатының хатшысы.
Қатысқандар:
Нұр-Сұлтан қаласы мәслихатының депутаттары, қала тұрғындары, Қоғамдық кеңес мүшелері, қала департаменттері мен басқарма басшылары, қоғамдық ұйымдар мен бұқаралық ақпарат құралдарының өкілдері.
Күн тәртібі:
Қазақстан Республикасының елордасы – Нұр-Сұлтан қаласының атауын Қазақстан Республикасының елордасы – Астана қаласы деп өзгерту туралы.
Төрағалық етуші:
1993 жылғы 8 желтоқсандағы «Қазақстан Республикасының әкімшілік-аумақтық құрылымы туралы» Қазақстан Республикасы Заңының 14-1 бабының 1-тармағын және «Әкімшілік-аумақтық бірліктерге, құрылымдық бөліктерге және елді мекендерге атау беру, қайта атау беру, сондай-ақ олардың атауларының транскрипциясын нақтылау және өзгерту кезінде сол аумақ тұрғындарының пікірін есепке алу Ережесін бекіту туралы» Қазақстан Республикасының 2014 жылғы 24 ақпандағы № 138 Қаулысын басшылыққа ала отырып, осы көпшілік тыңдаулар өткізілуде.
Нұр-Сұлтан қаласының жұртшылығына көпшілік тыңдаулар өткізілетіндігі туралы БАҚ және Нұр-Сұлтан қаласы мәслихатының интернет-ресурсы арқылы ақпарат берілді.
ТЫҢДАҒАНДАР:
Нұр-Сұлтан қаласының Тілдерді дамыту және архив ісі басқармасының басшысы Сәкен Зиябекұлы Есіркеп баяндамасында Нұр-Сұлтан қаласының тұрғындарынан, сондай-ақ Қазақстан Республикасы Парламенті Мәжілісіндегі «Жаңа Қазақстан» депутаттық тобынан Қазақстан Республикасының елордасы – Нұр-Сұлтан қаласының атауын Астана қаласы деп өзгерту туралы ұсыныстар түскендігін атап өтті.
Аталған ұсыныс 2022 жылы 14 қыркүйекте Нұр-Сұлтан қаласы Ономастика комиссиясының кезекті отырысында қаралып, оң шешімін тапты.
Осыған орай, Нұр-Сұлтан қаласының Тілдерді дамыту және архив ісі басқармасының басшысы Сәкен Зиябекұлы Есіркеп Қазақстан Республикасының елордасы – Нұр-Сұлтан қаласының атауын Қазақстан Республикасының елордасы – Астана қаласы деп өзгерту туралы мәселені енгізді.
СӨЗ СӨЙЛЕГЕНДЕР:
Мәселені талқылауға Нұр-Сұлтан қаласы мәслихатының депутаттары, Қоғамдық кеңес мүшелері М.К. Мұстафин, К.А. Құрманәлиев, Нұр-Сұлтан қаласы Ономастика комиссиясының мүшелері - Қазақстан Республикасы Білім және ғылым министрлігі Ғылым комитеті Мемлекет тарихы институты директорының орынбасары, тарих ғылымдарының докторы Б.Ғ.Аяған, Қазақстан Жазушылар одағы Нұр-Сұлтан қаласы бойынша филиалының директоры Дәулеткерей Кәпұлы қатысып, Нұр-Сұлтан қаласының Тілдерді дамыту және архив ісі басқармасының басшысы С.З. Есіркептің ұсынысын толығымен қолдады.
Көпшілік тыңдаулар қорытындысы бойынша Нұр-Сұлтан қаласы мәслихатының тұрақты комиссиясы ҚАУЛЫ ЕТТІ:
Нұр-Сұлтан қаласы мәслихаты
тұрақты комиссияларының
қоғамдық тыңдау төрағасы,
Нұр-Сұлтан қаласы
мәслихатының хатшысы Е. Каналимов