Қазақстан Республикасы Стратегиялық жоспарлау және реформалар агенттігінің Қоғамдық кеңесі туралы ереже
- Жалпы ережелер
- Қазақстан Республикасы Стратегиялық жоспарлау және реформалар агенттігінің Қоғамдық кеңесі (бұдан әрі – Қоғамдық кеңес) «Қоғамдық кеңестер туралы» 2015 жылғы 2 қарашадағы Қазақстан Республикасының Заңында (бұдан әрі – Заң) көзделген тәртіппен Қазақстан Республикасының Стратегиялық жоспарлау және реформалар агенттігі құратын консультативтік – кеңесші, байқаушы орган болып табылады.
- Қоғамдық кеңес Қазақстан Республикасының Стратегиялық жоспарлау және реформалар агенттігінің (бұдан әрі – Агенттік) халық алдында есеп беретін мемлекетті қалыптастыру жөніндегі мемлекеттік саясатты іске асыру үшін азаматтық қоғаммен өзара іс-қимылын қамтамасыз етеді.
- Қоғамдық кеңес өз қызметінде Қазақстан Республикасының Конституциясын, «Қоғамдық кеңестер туралы» 2015 жылғы 2 қарашадағы Қазақстан Республикасының Заңын (бұдан әрі – Заң), Қазақстан Республикасы Президентінің, Қазақстан Республикасы Үкіметінің актілерін, Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.