Ақмола облысының әкімі Ермек Маржықпаевтың төрағалығымен Ақмола облысы әкімдігінің отырысы өтті

Ақмола облысының әкімі Ермек Маржықпаевтың төрағалығымен Ақмола облысы әкімдігінің отырысы өтті, онда ішкі саясат басқармасы мен кәсіпкерлік және өнеркәсіп басқармасының 2020 жылғы қызметінің қорытындылары және 2021 жылға арналған жоспарлары қаралды.

Ішкі саясат басқармасының басшысы Алтынай Әміренова тіл, дін, жастар, этносаралық, ақпараттық саясат, өңірдегі қоғамдық-саяси ахуал, ауқымды жалпыұлттық жобалар мен «Рухани жаңғыру» бағдарламасын жүзеге асыру салаларындағы өткен жылдың қорытындылары туралы баяндады.

Волонтерлер жылының қорытындылары айтылды, оның шеңберінде волонтерлік қызметке 3 000 жуық ерікті тартылды. ТЖ кезінде барлығы 900 астам волонтер 3 700 астам отбасына көмек көрсетті.

Мемлекеттік әлеуметтік тапсырыс шеңберінде 3,5 млн.теңге сомасына «Еріктілер жылы шеңберінде Ақмола облысында волонтерлік қызметтің рөлін арттыруға және дамытуға бағытталған оқыту іс-шараларын ұйымдастыру» лоты жүзеге асырылды, онда 7 белсенді волонтер «#бізбіргеміз» 7 бағыты бойынша әрқайсысы 145 мың теңге сомасында грант алды.

ІСБ-нің 2021 жылға арналған негізгі міндеттерінің бірі 2025 жылға дейінгі жастарды қолдаудың кешенді жоспары шеңберінде мемлекеттік жастар саясатын іске асыру болып табылады.

Сондай-ақ, биылғы жылдың негізгі оқиғаларының бірі еліміздің Тәуелсіздігінің 30 жылдығын мерекелеу болмақ. Қазақстан Республикасы Тәуелсіздігінің 30 жылдығын мерекелеу тұжырымдамасына сәйкес, 150 астам жобалар мен іс-шаралар, оның ішінде 60 жуық әлеуметтік, өндірістік, тұрғын үй және сауда салаларының объектілерін ашу кіретін тақырыптық іс-шаралар жоспары әзірленіп бекітілді.

Баяндама соңында Ақмола облысының әкімі ішкі саясат саласындағы «Рухани жаңғыру» қоғамдық сананы жаңғырту бағдарламасының тиімді іске асырылуын ерекше бақылауға алу, іс-шаралардың сапалы өткізілуін және халықты, оның ішінде ауылдық жерлерді іске асыруға тартуды қамтамасыз ету; «Туған жер» арнайы жобасы шеңберінде демеушілік және меценаттық көмекті тарту жөніндегі жұмысты жандандыру; «Қазақстанның 100 жаңа есімі» жобасының кезеңдерін іске асыруды қамтамасыз ету»; аудандардың, Көкшетау және Степногорск қалаларының әкімдері ағымдағы жылдың бірінші тоқсанының қорытындысы бойынша бюджеттерде жастар саясатының мемлекеттік әлеуметтік тапсырысына қаржыландыру қарастыру сияқты бірқатар шешімдерге назар аударды.

Ақмола облысы кәсіпкерлік және өнеркәсіп басқармасының басшысы Е.Оспанов басқарманың қызметі мен құрылымы туралы айтып берді.

Қазіргі уақытта, басқарма кәсіпкерлік субъектілеріне мемлекеттік қызметтің 6 түрін көрсетеді.

Өнеркәсіп және СЭҚ бағыты бойынша 2020 жылы 2 нысаналы индикатор бойынша жоспарлар орындалды:

1) өңдеу өнеркәсібінің нақты көлем индексі 109,6% құрады, жоспар бойынша – 104%.

2) өнеркәсіптің НКИ нақты 106,6% құрады, жоспар бойынша – 102%.

2020 жылдың қорытындысы бойынша өнеркәсіп саласында өндіріс көлемі 1,021 трлн. теңгені құрады, НКИ – 106,6%.

2020 жылғы қаңтар-желтоқсанда сыртқы сауда айналымы – 1,2 млрд, АҚШ долларын құрады, оның ішінде экспорт – 718,6 млн. АҚШ доллары, импорт – 521,8 млн.доллар.

2020 жылы ІҚМ етінің экспорттық жеткізілімі 2 есеге, зығыр тұқымы 1,5 есеге, полиэтиленнен жасалған қаптар мен пакеттер 10,5%, ұн 2,8%-ға ұлғайды.

2020 жылғы қаңтар-қарашада шикізаттық емес экспорт 2019 жылдың ұқсас кезеңіне қарағанда 2,4 есе өсіммен 321,4 млн. АҚШ долларын, 2020 жылғы қаңтар-қарашада Ақмола облысы экспортының жалпы көлеміндегі шикізаттық емес экспорттың үлесі 51,5% құрады.

Индустриялық-инновациялық даму, инвестициялар бағыты бойынша 2020 жылы 2 нысаналы индикатор бойынша жоспарлар орындалды:

1) негізгі капиталға инвестициялар (Меморандум), нақты 426 млрд.теңгені құрады, жоспар бойынша – 387 млрд. теңге.

2) өңдеуші өнеркәсіптің негізгі капиталына инвестициялар нақты 61,5 млрд. теңгені құрады, жоспар бойынша – 30,5 млрд. теңге.

Жалпы, 2020 жылы жеке инвестициялар есебінен 148 млрд.теңгеге 120 жоба іске асырылып, 2,7 мың жұмыс орны ашылды.

2020 жылы индустрияландыру бағдарламасының 3-кезеңін орындау басталды. Басқарма материалдар дайындап, индустриялық-инновациялық даму жөніндегі үйлестіру кеңесінің қарауына 73,6 млрд.теңге сомасына 22 жоба ұсынды.

Мәселен, бүгінде 2020-2025 жылдарға арналған ИИДМБ шеңберінде кәсіпкерлікті қолдау картасына 4,7 мың жұмыс орнын аша отырып, инвестициялар көлемі 349,7 млрд.теңге болатын 46 жоба, оның ішінде 2020 жылы 41,3 млрд. теңгеге (1238 жұмыс орны) 15 жоба енгізілді.

Ақмола облысының KPI инновациялары бойынша 2020 жылға өндірілген инновациялық өнімнің үлесі бойынша ЖӨӨ жалпы көлемінде 1,5% құрайды.

Басқарма шағын және орта кәсіпкерлікті дамыту бағыты бойынша «Бизнестің жол картасы 2025» бизнесті қолдау мен дамытудың мемлекеттік бағдарламасының кәсіпкерлер арасында сұранысқа ие болған Өңірлік үйлестірушісі болып табылады.

«Бизнестің жол картасы» бағдарламасының 2010 жылдан бастап 2020 жылға дейінгі қолданылу кезеңінде біздің облыста жалпы құны 176 млрд.теңгеге 1729 жоба мақұлданды.

Ағымдағы жылы 8 жылда алғаш рет облыстық бюджеттен гранттар сомасы ұлғайтылып, 100 млн.теңгеге жеткізілді. Бұл бизнестің 20 жуық инновациялық жобасын қосымша қаржыландыруға мүмкіндік береді.

«Өңдеу өнеркәсібінің өнеркәсіп секторында облыстағы инвестициялық белсенділіктің оң қарқынын сақтау мақсатында аудандар, Көкшетау және Степногорск қалалары әкімдерінің қатысуымен жеке кеңес өткізу қажет. Біз 2025 жылға дейін ілгерлеуімізге мүмкіндік беретін инвестициялық жобаларды, атап айтқанда бағыттарды айқындауға тиіспіз. Бұл инвестициялық жобалар біздің өңір экономикасының драйверіне айналуы қажет», - деп түйіндеді Е. Маржықпаев.