Ағымдағы жылдың 1 маусымынан бастап Президенттік жастар кадр
резервіне кезекті іріктеу басталады. Резервті
қалыптастырудың негізгі міндеті – қоғамдық мүдделерді басшылыққа ала
отырып, еліміздің дамуына өзгерістер енгізгісі келетін жаңа формацияның
көшбасшыларын іздеу болып табылады.
Осыған байланысты, ағымдағы жылдың 19 мамырынан бастап
Агенттік және оның аумақтық органдары Резервке іріктеу тәртібі туралы
ауқымды ақпараттық-түсіндіру жұмысын бастайды.
Жоғарыда айтылғандарды ескере отырып, орталық мемлекеттік органдар
мен жергілікті атқарушы органдар Резервке әлеуетті кандидаттар болып
табылатын қызметкерлер (жоғары білімі және кемінде 5 жыл жұмыс өтілі бар 35
жастан аспаған ҚР азаматтары) арасында түсіндіру жұмыстарын жүргізуді
қамтамасыз етуді сұраймын.
Сондай-ақ, бекітілген үлгіге сәйкес мемлекеттік органдарда, бағынысты
ұйымдарда, қызметкерлер жұмыс істейтін, халықпен мемлекеттік көрсетілетін
қызметтер алуға жүгінетін ақпараттық жүйелерде (мемлекеттік органдардың
интернет-ресурстарының бірыңғай платформасы, Egov.kz – Қазақстан Республикасының
электрондық үкіметі және т.б.) іріктеу туралы көрнекі ақпаратты орналастыру
мәселесін қарастыруды сұраймын (қоса беріледі).
Өз кезегінде, ақпараттық баннерлерді халық көп жиналатын қоғамдық
жерлерде және тағы да басқа орындарда орналастыру қажеттігін ескеру қажет.