Алматы облысы білім басқармасының экономика және бюджетті жоспарлау, мемлекеттік сатып алу бөлімінің бас маманы. Индексі 05-2

Функционалдық міндеттері: Аудандық,  қалалық  білім  бөлімдерінің  қаржы  жоспарларын  жинақтап, облыстық қазынашылық басқармасына ұсыну; Аудандық, қалалық білім бөлімдерінің қаржы жоспарларына ай сайын 2 рет өзгерістер енгізуге анықтама дайындау үшін бюджетке талдау жүргізу; Ай сайын жинақталған анықтаманы облыстық Қазынашылық басқармасына К2 бағдарламасына енгізіп, жолдау; Ай  сайын  бюджеттің  орындалуына  бақылау  жасау  және  басшылыққа ақпарат ұсыну; Тоқсан  сайын  облыстық  қаржы  басқармасына  тапсырылатын  бухгалтерлік балансты талдау, уақытында және дұрыс жасалуын тексеру; Қаржы  жоспарында  қаралған  қаржының  есебін  қадағалау,  дұрыс толтырылуын бақылау; Аудандық,  қалалық  білім  бөлімдерінен  бюджет  қаражаты  туралы  ақпарат жинап, тиісті мекемелерге ұсыну; Жаңа нормативтік құжаттар дайындауға қатысу; Білім  ұйымдарының  қызметкерлерінің  қаржы  жұмыстарына  және  еңбек жалақысына байланысты шағым, арыздарын қарау; Қазақстан  Республикасының  Оқу-ағарту  Министірлігінің  және  де  басқа жоғары  ұйымдардың,  облыс  әкімінің  қаулысы  мен  шешімінің,  облыстық білім  басқармасының  шешімі  мен  бұйрықтарының  орындалуына  бақылау жүргізу; Белгіленген уақытта өзінің кәсіби және құқықтық біліктілігін жетілдіру; Облыстық  қаржы  басқармасымен,  облыстық  экономика  және  бюджетті жоспарлау  басқармасымен  және  Қазақстан  Республикасының  Оқу-ағарту Министрлігімен өзара қарым-қатынаста болу. Сыбайлас жемқорлыққа қарсы заңнаманы және этикалық нормаларды қатаң сақтауы тиіс. Ол өзінің қызметтік міндеттерін атқару кезінде қандай да бір пайда  немесе  артықшылық  алу  үшін  заңсыз  әрекеттер  жасауға  немесе осындай әрекеттерді ұйымдастыруға тыйым салынады. Сыбайлас  жемқорлыққа  қарсы  күреске  белсенді  қатысуы  керек  және сыбайлас  жемқорлыққа  байланысты  күдік  тудырған  жағдайларды  дереу тиісті органдарға хабарлауы тиіс. Қызмет  барысында  өз  өкілеттігін  жеке  мүдде  үшін  пайдалануға  немесе басқалардың жеке мүдделеріне қызмет етуге жол берілмейді. Осы тармақты бұзу  мемлекеттік  қызметшіге  тәртіптік  жауапкершілікке  тартылуға  негіз болады. Сыбайлас  жемқорлыққа  қарсы  күрес  жөніндегі  сыртқы  және  ішкі  талдау нәтижелері  бойынша  анықталған  сыбайлас  жемқорлық  құқық бұзушылықтарға ықпал ететін себептер мен жағдайларды жою жөніндегі іс-шаралар  жоспарының  орындалуының  тиімділігін  қамтамасыз  ету мақсатында барлық қажетті ақпаратты және құжаттарды ұсынуға міндетті. Мемлекеттік қызметшінің қаржылық жағдайы мен мүліктік декларациялары әрдайым ашық және тексеруге дайын болуы тиіс. Бұл талаптарды орындамау немесе  декларацияда  қателіктер  мен  жасырын  ақпараттың  болуы  сыбайлас жемқорлық  әрекеттерінің  белгісі  ретінде  қаралады. «В» - функционалдық блогы.

Хабарландыруда көрсетілген лауазымдық айлықақы нақты қызметшінің жұмыс өтіліне байланысты өзгеше болуы мүмкін.

«Қазақстан Республикасының мемлекеттік қызметі туралы» Заңның 28-бабы 3-тармағына сәйкес жалпы конкурсқа қатысуға тесттен алдын ала өткен азаматтар жіберіледі.

Азаматтардың құқықтары мен міндеттері