Қаржы лизингіне беру үшін ауыл шаруашылығы жануарларын сатып алу туралы хабарландыру

Алматы облыстық мәслихатының 2023 жылғы 17 қаңтардағы шешімімен Алматы облысында мал шаруашылығын дамытудың 2023-2027 жылдарға арналған жоспары бекітілді.

2023 - 2027 жылдарға арналған мал шаруашылығын дамыту жоспарын іске асыру шеңберінде "Қонаев" ӘКК " АҚ АӨК субъектілерінің өтінімдері негізінде ауыл шаруашылығы жануарларын қаржы лизингіне беру үшін сатып алуды келесі шарттармен жүзеге асырады:

- Пайыздық мөлшерлеме 3,5% жылдық ;

- Қаржы лизингінің мерзімі - 5 жыл;

- Негізгі борышты өтеу бойынша жеңілдікті кезең -1 жыл (жеңілдікті кезеңде төленбеген негізгі борыш жеңілдікті кезеңнен кейінгі жылы төленеді);

- Сыйақыны өтеу бойынша жеңілдікті кезең - жоқ;

- Лизингтік төлемдерді жылына бір рет ағымдағы жылдың 30 қарашасына дейін төлеу;

- Кепілмен қамтамасыз ету - лизинг нысанасы құнының 30% ;

- Лизинг шартының қолданылу кезеңінде ауыл шаруашылығы жануарларын сақтандыру.

- Лизинг шартының қолданылу кезеңінде ай сайынғы мониторинг жүргізіледі және лизинг нысанасының болу фактісі ӨИС анықтамасымен расталады.

- Лизинг шартының қолданылу кезеңінде лизинг нысанасын үшінші тұлғаларға өткізуге тыйым салынады.

- Мал шаруашылығын дамыту жоспарының қолданылу кезеңінде етті бағыттағы ІҚМ және ұсақ мал төлінің 50%  және сүтті бағыттағы ірі-қара малдың 100% -и (айналым қаражаты және лизингтік төлемдерді өтеу) іске асыру көзделген. Төлді сату сатып алу-сату шартымен және өткізілген малды ӨИС-те тіркеудің болуымен расталуы тиіс;

- Асыл тұқымды ауыл шаруашылығы жануарларын сатушыларды таңдауды АӨК субъектілері жүзеге асырады.

АӨК субъектілеріне қойылатын талаптар:

Жоспарға АӨК саласындағы қызмет түрлерін жүзеге асыратын субъектілер қатысады. Лизинг алушыларға қойылатын негізгі талаптар:

төлем қабілеттілігі және қаржылық тұрақтылық;

банктер мен басқа қаржы институттары алдында салықтар бойынша мерзімі өткен берешектің болмауы, теріс кредиттік тарихтың болмауы;

ауыл шаруашылығы жануарларын ұстау үшін қажетті инфрақұрылымның болуы;

азық базасының қамтамасыз етілуі немесе оларды сатып алуға ақшалай қаражаттың болуы;

жайылым алаңдарының, оның ішінде бірлескен қызмет туралы шарттар бойынша болуы;

шаруашылықта ветеринариялық-санитариялық саламаттылықтың болуы.

Барлық өтініштер 2023 жылғы 20 қаңтарға дейінгі мерзімде Қонаев қаласы, 2 шағын аудан, 41 ғимарат мекенжайында орналасқан "Қонаев "ӘКК" АҚ ғимаратында қабылданады.

Анықтама телефондары: 8-705-505-57-20, 8-771-413-08-15 8-747-430-11-73