Алматы облысының әкімдігі балық шаруашылығы су айдындарын және (немесе) учаскелерін бекіту жөнінде «Аңшылық алқаптар мен балық шаруашылығы су айдындарын және (немесе) учаскелерін бекітіп беру жөнінде конкурс өткізу қағидаларын және конкурсқа қатысушыларға қойылатын біліктілік талаптарын бекіту туралы» 2015 жылғы 19 наурыздағы № 18-04/245 Қазақстан Республикасы Ауыл шаруашылығы министрінің бұйрығына сәйкес конкурс өткізеді.
Конкурс 29 желтоқсан 2020 жылы сағат 11.00 - де Талдықорған қаласы, Қабанбай батыр көшесі 26, "Алматы облысының табиғи ресурстар және табиғат пайдалануды реттеу басқармасы" ғимараты 3-қабат 305 кабинетте өтеді. Балық шаруашылығы су айдындарын және (немесе) учаскелерін
бекітіп беру жөнінде конкурс өткізу тәртібі «Аңшылық алқаптар мен балық шаруашылығы су айдындарын және (немесе) учаскелерін бекітіп беру жөнінде конкурс өткізу қағидаларын және конкурсқа қатысушыларға қойылатын біліктілік талаптарын бекіту туралы» Ережесінің 3 тарауына сәйкес өтеді.
Конкурсқа көлдегі тауарлы балық шаруашылығын жургізу мақсатында мерзімі 10 жылға Ақсу ауданындағы Қоқышкөл, Алакөл ауданындағы Теренкөл, Сарқан ауданындағы Тазакөл, Балқаш ауданындағы Құмарал көлі, Іле ауданындағы Өгізбай көлі, Талғар ауданындағы Төрекөл көлі және Балқаш ауданындағы Іле өзенінің атырауында әуесқойлық (спорттық) балық аулауды жүзеге асыру мақсатында мерзімі 10 жылға төменгі Наурызбай көлдер жүйесі, Ақдала көлдер жүйесі, Іле өзені (Шарын өзенінен Құндызды өзеніне дейінгі балық шаруашылығы учаскесі) Қапшағай су қоймасында кәсіпшілік балық аулауды жүргізу мақсатында мерзімі 6 жылға №9 балық шаруашылығы учаскесі (1 н/с бастап 2 км төмен жаққа қарай. "Металлург" сан дейін), № 10 балық шаруашылығы учаскесі (сан. "Металлург" 1 н/с жағына 2 км жоғары) №13 балық шаруашылығы учаскесі (6 шығаннан, бастап Күтентай өзеніне дейін (6 шығанақ уч. коспағанда Қаскелең өзеніне дейін), №14 балық шаруашылығы учаскесі (Күтентай өзенінен Қараөзек өзеніне дейін), № 15 балық шаруашылығы учаскесі (Қараөзек өзенінен Есік өзеніне дейін 1 км жоғары) №16 балық шаруашылығы учаскесі (15 өзеннен Есік өзеніне дейін), №18 балық шаруашылығы учаскесі (ҰӨШ сол арнасынан Балтабай өзеніне дейін), №21 балық шаруашылығы учаскесі (Жарсу өзенінен тасжолға дейін), ащы-тұзды су айдындарында кәсіпшілік аулауды жүргізу мақсатында мерзімі 10 жылға Қаратал ауданындағы Қарабас төгілімдердері , тор шаруашылығын жүргізу мақсатында мерзімі 10 жылға Бартоғай су қоймасында (№1,№2 учаскесі).
Конкурстық өтінімдерді қатысушылар конкурстық комиссияның хатшысына 2020 жылдың 22 желтоқсаннан 28 желтоқсанына дейін береді.
Өтінімдер жұмыс күндері сағат 9.00-ден 18.30-ға дейін қабылданады.
Конкурстық құжаттаманы алу орны мен тәртібін жұмыс күндері сағат 9.00-ден 18.30-ға дейін 8(7282) 32-96-85, 32-93-83 байланыс телефондары арқылы білуге болады.