ҚР Қаржы нарығын реттеу және дамыту агенттігі (бұдан әрі – Агенттік) кадр резервін қалыптастыра бастағаны жайында хабарлайды.
Үміткерлерді таңдау кезінде жоғары білім, жұмыс тәжірибесі, біліктілік деңгейінің жоғары болуы, сондай-ақ халықаралық қаржы және тіл білу сертификаттарының болуы негізгі өлшемшарттар болып табылады.
Іріктеу кезең-кезеңімен өтетін болады. Үміткерлер резюме мен эссе тапсырады. Бос лауазымды атқаруға қойылатын талаптарға сәйкес келетін кандидаттар Агенттіктің мүдделі бөлімшелерінің басшыларымен әңгімелесуге шақырылады.
Барлық кезеңдерден сәтті өткен кандидаттар кадр резервіне алынады және бір жылдың ішінде Агенттікке жұмысқа орналасуы мүмкін.
2020 жылғы 6 қазан және 5 қараша (қоса алғанда) аралығындағы кезеңде іріктеуге қатысу үшін кандидаттар Агенттіктің (https://www.gov.kz/memleket/entities/ardfm/press/article/details/22830?lang=ru) ресми сайтындағы:
- «Резюменің» электрондық нұсқасының үлгісін (бұдан әрі – үлгі) жүктеуі;
- үлгіні талаптарға сәйкес толтыруы;
- үлгіні және суретіңіз жапсырылған, word форматындағы резюмені cv@finreg.kz электрондық мекенжайына жіберуі қажет.
Жұмысқа орналасу және іріктеу кезеңдері туралы ақпаратты мына телефондар бойынша алуға болады: +7 (727) 237 1228, +7 (727) 237 1236.