Алматы облысындағы вакцинация және ревакцинация жұмыстары
Қазақстан Республикасының халқы арасында коронавирус инфекциясының таралуының алдын алу мақсатында еліміздің Бас мемлекеттік санитариялық дәрігерінің қаулысына сәйкес облысымызда
коронавирус инфекциясы жөніндегі санитариялық-эпидемияға қарсы және санитариялық-профилактикалық іс-шараларды ұйымдастыру және өткізу жалғасуда.
Атап айтсақ:
– өңірде барлығы 646 854 адам КВИ-ге қарсы ревакцинациялауға жатады.
– ревакцинацияның толық курсын 368 721 (57%) жетісулықтар өтті.
– Оның 64 134- і Pfizer компаниясының Комирнати вакцинасын алды.
Естеріңізге сала кетейік, Алматы облысының аумағында 3 айдан көп тұратын шетел азаматтарын қоса алғанда, барлық тұрғындар КВИ-ге қарсы ревакцинацияға жатады.
КВИ-ге қарсы ревакцинация алдыңғы профилактикалық екпеден кейін 6 ай аралықпен, вакцинацияның толық курсын және бұрын бірінші ревакцинацияны алған адамдарға жүргізіледі. Одан бөлек, КВИ-ді жұқтыру қаупі жоғары топтардың барлығы ревакцинациялауға жатады. Олар, медицина қызметкерлері, медициналық-әлеуметтік мекемелердің контингенті мен персоналы, күш құрылымдарының қызметкерлері, педагогтар, пенитенциарлық (қылмыстық-атқару) жүйе мекемелерінің контингенті, 50 жастан асқан адамдар.
Бүгінгі күні облыста вакцинаның бірінші компонентін 1 042 754 адам алды, бұл иммундауға жататын халықтың 86,9% - ын құрайды. Ал екінші компонентті 986 531 азамат немесе 82,2%-ы алды. Қарасай ауданы мен Текелі қаласының тұрғындары екі компонентті де 100%-ға алды.
Pfizer компаниясының Комирнати вакцинасымен иммундау жұмыстары жасөспірімдер, жүкті және бала емізетін әйелдер арасында да жалғасуда.
Бүгінгі таңда вакцинацияланған халық саны 139 440 (61,8%) адамды құрады. Оның ішінде 109 308 жасөспірім, 4599 жүкті және лактация кезеңіндегі – 17 664 әйел. Вакцинаның екінші компонентін 124 541 азамат алды. Оның ішінде 12 жастан 17 жасқа дейінгі жасөспірімдер – 100 290, 4112-жүкті және 16 406 бала емізетін әйел адам бар.