Алматы облысында халықтың 53% вакцинацияланды
Алматы облысында 10 тамыздағы коронавирустық инфекция бойынша эпидемиологиялық жағдай тұрақсыз болып қалуда. Облыс қызыл аймақта орналасқан.
Соңғы тәулікте КВИ 270 жағдайы тіркелді, өсу қарқыны-0,8%.
Соңғы 2 аптадағы салыстыру кезінде облыс бойынша КВИ өсімі бір деңгейде қалып отыр – 0,9%. Соңғы аптада ең жоғары өсу қарқыны Алакөл, Балқаш, Ескелді, Қарасай, Қаратал, Кербұлақ, Сарқан аудандарында және Қапшағай қаласында байқалады.
Вакцинаға келетін болсақ, облысқа барлығы 679 255 дозаның 1 компоненті келіп түсті, бүгінгі күні бірінші компонентпен – 588 218 мың адам, екінші компонентпен – 449 564 егілді. Алматы облысында халықтың 53% - ы егілді.
Бизнес субъектілерін толық жабудың баламасы ретінде және шектеулерді ішінара алып тастау үшін 2021 жылдың 14 сәуірінен бастап Алматы облысының аумағында "Ashyq"пилоттық жобасы іске қосылды.
Бүгінгі таңда облыс бойынша 2829 нысан артықшылықпен жұмыс істеуде. Алдымен жобаны енгізу кезінде QR-кодты сканерлеу кезінде облыс бойынша "қызыл" және "сары" мәртебесі бар 314 келуші анықталды, оның ішінде "қызыл" мәртебесі 148-де, "сары" мәртебесі 166 келушіде анықталды.
«Jetisý Media».