Қызылорда облысы делегациясының Алматы облысына жұмыс сапары ⠀

2025 жылғы 18-19 сәуір аралығында Қызылорда облысы әкімдігінің делегациясы Алматы облысына арнайы жұмыс сапарымен келді. Сапар мақсаты – ауыл шаруашылығы саласындағы үздік тәжірибемен танысу, өңіраралық байланыстарды нығайту және инвестициялық ынтымақтастықты кеңейту.

Құрам:

Делегацияны Қызылорда облысы әкімінің орынбасары Ардақ Зебешев бастап келді. Сапарға ауыл шаруашылығы және жер қатынастары басқармасының өкілдері, кәсіпкерлік және инвестиция тарту саласындағы мамандар, сондай-ақ өңірлік бизнес-қоғамдастық пен Қытай Халық Республикасынан келген  инвесторлар қатысты.

Таныстырылған нысандар:

Қызылорда делегациясы Алматы облысының Іле, Қарасай, Талғар, Еңбекшіқазақ аудандарында орналасқан алдыңғы қатарлы агронысандарда болды. Атап айтқанда:

▪«Fruit Art», «LST AGRO» – заманауи жылыжай кешендері;

▪«Eurasian Green Product», «Агро Импэкс Алатау», «Green Eco» – жеміс-жидек пен көкөніс өсіру және өңдеумен айналысатын кәсіпорындар;

▪«АӨК Адал»  – 1200 басқа арналған жоғары технологиялы тауарлы сүт фермасы.

 Нысандарда жаңа агротехнологиялар, автоматтандыру жүйелері, өнімді сақтау мен экспортқа шығару тізбегі, сондай-ақ кооперация механизмдері таныстырылды.

Сапар нәтижесі:

Қызылорда мен Алматы облыстары арасында өзара тиімді ынтымақтастық орнатуға, инвестициялық жобаларды бірлесіп іске асыруға және агросектордағы үздік тәжірибені енгізуге бағытталған нақты келісімдерге жол ашылды. Қытайлық инвесторлар тарапынан агроөндіріс, жылыжай құрылымы және су үнемдеу технологиялары салаларында бірлескен жобаларға қызығушылық танытты. Бұл жұмыс сапары – тәжірибе алмасу, біліммен бөлісу және екі өңірдің агроөнеркәсіптік әлеуетін дамыту жолындағы маңызды әрі нәтижелі қадам болды.