Страницы

Статья

Қала әкімі Ерболат Досаевтың Түрксіб ауданының тұрғындарымен кездесуіндегі баяндамасы

Құрметті Түрксіб ауданының тұрғындары!

Сіздерді биылғы біздің бірінші кездесуімізде көргеніме қуаныштымын.

Соңғы рет біз өткен жылдың қыркүйегінде (21.09.2023) кездестік. Желтоқсан айында (07.12.2023.) мен сіздердің ауданыңыздың тұрғындарымен көшпелі кездесулер өткіздім.

Жалпы, 2023 жылдың қорытындысы қаламыздың ең көне ауданының қарқынды дамуын көрсетті.

Мәселен, тұрғын үйді пайдалануға беру көлемі
2,2 есе (96,7 мың шаршы метрден 212,8 мың шаршы метрге дейін), өнеркәсіп 13,3%-ке (357 млрд. теңгеден 390,6 млрд. теңгеге дейін) және инвестициялар 4,7%-ке (186,2 млрд. теңгеден 202,2 млрд. теңгеге дейін) өсті. Жұмыс істейтін бизнес субъектілері санының 24%-ке өскені байқалады (22 178-ден 27 571 субъектіге дейін). Бұл салық түсімдерінің 23%-ке (176,2 млрд. теңгеден 216,3 млрд. теңгеге дейін) ұлғаюына және 5,5 мың жаңа тұрақты жұмыс орнын құруға мүмкіндік берді (өсу – 7%).

Тұрғындардың өтініштеріне жедел әрекет ету және аудан әкімдігінің дербестігін арттыру мақсатында
2023 жылы өкілеттіктерді орталықсыздандыру шеңберінде Түрксіб ауданының бюджеті 5,4 млрд. теңгеден 16,5 млрд. теңгеге дейін 3 есеге ұлғайтылды.

Енді сіздерге атқарған жұмысымыз және биылғы жылы ауданыңызды дамыту жоспарлары туралы хабарлауға рұқсат етіңіздер.

БІРІНШІ. Инженерлік инфрақұрылымды жаңғырту мәселесі Түрксіб ауданының маңызды мәселелердің бірі болып қала бермек.

Өткен жылы «Шуақты» шағын ауданының тұрғындары үшін 17,4 км су құбыры және канализация желілері салынды (су құбыры 10 км, канализация 7,4 км).

2024 жылы 223,7 км сумен жабдықтау және су бұру желілерін салу және іске қосу жоспарлануда, оның ішінде:

- «Әлмерек» (су құбыры 9,8 км, канализация 10,2 км; «Sheber Build» ЖШС) шағын ауданында 20 км су құбыры мен канализация құрылысы бойынша негізгі жұмыстар аяқталды. Тұрғындар сумен қамту желілеріне қосыла алады, жүйе тексерілгеннен кейін осы жылдың қаңтар айының соңында канализация жүйесіне қосылуға мүмкіндік болады;

- Биыл ақпан айының соңына дейін «Жас Қанат» (су құбыры 7,8 км, канализация 8,6 км; «Jasyl El Qurylys» ЖШС) шағын ауданында 16,4 км су құбыры мен канализация құрылысы бойынша жұмыстар аяқталады;

- 2024 жылдың 3-ші тоқсанында «Маяк» (су құбыры
11,5 км, канализация 22,5 км; «Sheber Build» ЖШС), «Нижняя Пятилетка» (су құбыры 115 км, канализация 31,9 км; «Алвис» ЖШС) шағын аудандарында және Закарпатская көшесінде (су құбыры 4,8 км, канализация 1,6 км; «Карасай Kурылыс» ЖШС) 187,3 км су құбыры және канализация құрылысы аяқталады.

Сондай-ақ, 2024 жылдың 2-ші тоқсанында «Қайрат» шағын ауданында 37,2 км сумен қамту және су бұру жаңа желілерінің (сумен қамту 17,3 км/с, су бұру 19,9 км)
2-ші кезегін салу жұмыстарын бастау жоспарланған.

Биыл 6 учаске бойынша су құбыры мен канализация желілерін жобалауды аяқтау көзделген, оның ішінде:

– Ұзындығы 120 км 2 учаске бойынша (мерзімі -
2024 жылдың I-ші тоқсаны): ауданның орталық бөлігінде Сейфуллин даңғылынан батысқа қарай (Рысқұлов-Жансүгіров – Шолохов - Сейфуллин көшелерінің квадраты) (сумен қамту 30 км, канализация 70 км) және Әуежай көлінің маңы (Тоқай - Норильский – Поддубный - Диксон көшелерінің квадраты) (сумен қамту 10 км, канализация 10 км)

– Ұзындығы 50 км 4 учаске бойынша (мерзімі –
2024 жылдың III-ші тоқсаны): ауданның орталық бөлігінде Сейфуллин даңғылынан шығысқа қарай, Шолохов, Ақан сері және Сейфуллин көшелерінің квадратында, сондай-ақ, Красногорская, Сүйінбай, Асылбеков, Соболев, Сарымолдаев көшелеріндегі жекелеген үйлер үшін (Сүйінбай даңғылы 190-220 бойынша канализация құрылысы; Асылбеков, Соболев, Сарымолдаев көшелерінде сумен қамту желісін салу; Красногорская көшесі 31/10 бойынша су құбырының құрылысы, 31/15 Сүйінбай даңғылы, 348-350; Ақан сері, Сейфуллин, Шолохов көшелерінің квадратында канализация құрылысы және сумен қамтуды реконстуркциялау).

Тұрғындарды тұрақты электрмен қамтамасыз ету үшін 2023 жылы «Шуақты» шағын ауданында 5,5 км электр беру желілері модернизацияланды.

2024 жылдың 2-ші тоқсанында «Әлмерек» (23,5 км; мердігер - «Eс Energy» ЖШС), «Нұршашқан» (18 км; мердігер - «АВМ-Building» ЖШС), «Қайрат» (120 км; мердігер - «Электромонтаж» АҚ) шағын аудандарында 161,5 км желіні жаңғырту жұмыстары аяқталады.

Бұдан басқа, бір ай ішінде «Қайрат» шағын ауданының тұрғындары «Кіші Станица» қосалқы станциясы арқылы қалалық желіге ауысады, бұл шағын ауданды үздіксіз электрмен жабдықтауды қамтамасыз етуге мүмкіндік береді.

Аудан тұрғындарды толғандыратын мәселелердің бірі көшелерді сыртқы жарықтандыру болып қала береді.

Бұған дейін айтқанымдай, жарықтандыру желілеріне қызмет көрсету бойынша өкілеттіктер 2023 жылдың күзінен бастап аудандық әкімдіктерге берілді. Өткен жылдың қазан айында аудан әкімдігі «Алматы Қала Жарық» компаниясымен шарт жасасты.

Нәтижесінде, 2023 жылдың қараша-желтоқсан айларында жөндеу бригадаларымен 520 өтінім пысықталып, 872 шам ауыстырылды, сондай-ақ 16 көшенің жарықтандыру тіректерінде энергия үнемдейтін LED шамдары орнатылды. Жалпы, 2024 жылдың соңына дейін аудан бойынша көше жарығын 85% - ға дейін қалпына келтіру жоспарлануда (26 782 жалпы санынан 22 760 жарық нүктесіне дейін). 2025 жылы 100% - ға дейін жеткізіп, барлық көшелерді жарықтандыру жоспарлануда.

ЕКІНШІ. Жол инфрақұрылымын дамыту бойынша белсенді жұмыс жалғастырылады.

2023 жылы Түрксіб ауданында ұзындығы 22 км
17 көшеге жолдардың орташа жөндеуі жүргізілді.

2024 жылы ұзындығы 44,4 км 36 көшені жөндеу жоспарлануда. Ағымдағы жөндеу аясында тағы 40 мың м² жол төсемін қалпына келтіру жоспарлануда.

2023 жылдың қыркүйек айында «Парасат» ТК қарама-қарсы Рысқұлов даңғылына жер үсті жаяу жүргіншілер өткелі салынды. Осы жылдың маусым айдың аяғына дейін Ержанов көшесі бойынша теміржол өткелі арқылы жер үсті жаяу жүргіншілер өткелінің құрылысы аяқталады.
Хмельницкий көшесін «Қайрат» шағын ауданынан Талғар трактісіне дейін ұзарту бойынша ЖСҚ әзірленуде. 2024 жылдың наурыз айында ЖСҚ-ға мемлекеттік сараптама аламыз.
Көліктік қызмет көрсету сапасын арттыру мақсатында 2023 жылы Түрксіб ауданының
5 жаңа бағытына жүру үшін 171 автобус сатып алынды (№ 9, 89, 216, 223, 234; 41 автобус) және 7 маршрут бойынша құрамдар жаңартылды (№ 8, 13, 17, 38, 46, 47, 69; 130 автобустар).

2024 жылы құрамды одан әрі жаңарту және
20 маршрутты күшейту жоспарлануда (№ 2, 3, 30, 34, 50, 56, 59, 71, 73, 74, 77, 79, 86, 92, 113, 120, 121, 123, 135, 138), оның ішінде 5 бағыт бойынша 104 жаңа автобустар осы жылдың
1-ші тоқсанында қатынайтын болады.

Осылайша 2024 жылдың соңына дейін сіздердің ауданыңызға қызмет көрсететін автобус паркі 50%-дан астам жаңартылады.

«Қайрат» шағын ауданы тұрғындарының өтініші бойынша «Восток» автобус паркін «Жетісу Семиречье» базарының аумағынан («Камаз центр» ауданына, Солтүстік айналым көшесі, 47, Жетісу ауданы) көшіру жүргізілуде, ол 2024 жылдың 1-ші тоқсанының соңына дейін аяқталады.

Өткен жылдан бастап қалада «Мектеп автобусы» жобасы жүзеге асырылып жатқаны өздеріңізге мәлім. Түрксіб ауданында 8 мектеп автобусы 6 мектептің оқушыларын тасымалдайды (№20, 32, 89, 115, 162, 195). Жаңа оқу жылының басынан бастап біз 10 мектептің 2 мыңнан астам оқушысын қамту үшін сіздердің ауданыңыздағы автобустардың санын 22 бірлікке дейін арттыруды жоспарлап отырмыз.

Жол қозғалысы мен аудан тұрғындарының қауіпсіздігін қамтамасыз ету үшін өткен жылы 96 «Сергек» кешені (448 камера) орнатылды. 2024 жылы «Сергек» кешендерін және бейнемониторинг жүйесінің 600 камерасын орнату жұмыстары жалғастырылады.

ҮШІНШІ. Әлеуметтік инфрақұрылымның қолжетімділігін кеңейту.

Мектептердегі орын тапшылығын азайту үшін 2023 жылы «Қайрат» шағын ауданында 1500 орындық №211 гимназия пайдалануға берілді.

2024 жылғы наурыз айында №59 мектеп-гимназияға сейсмикалық күшейтумен және 300 орындық кеңейтумен қайта жаңартуды аяқталуы жоспарланған.

№195 мектепке 450 орындық қосымша құрылыс басталды. Аяқталу мерзімі – 2025 жылғы қаңтар айында.

2024 жылы жұмыстар басталады:

- «Жайлы мектеп» Ұлттық жобасы аясында 6100 орынға 4 жаңа мектеп салу бойынша (ҚМЖ басталуы-2024 жылғы ақпан) («Star Land» ЖШС, «Time Group» ЖШС,
«Qazaq Stroy» ЖШС, «SheberBuild» ЖШС);

- №198 мектепке 600 орындық қосымша құрылыс салу бойынша (МЭ – 2024 жылғы сәуір);

- №83 гимназия филиалын реконструкциялау бойынша (МЭ – 2024 жылғы сәуір);

- №50 мектепті сейсмикалық күшейту бойынша (ГЭ - 2024 жылғы сәуір) жұмыстар жоспарлануда.

2024 жылдың маусым айында қолданыстағы ғимараттарын бұзумен Алматы телекоммуникация және машина жасау колледжі жаңа корпусының құрылысы жоспарланып отыр (ЖСҚ сараптамасы – 2024 жылғы наурыз).
Ауданның мектепке дейінгі ұйымдарында орын тапшылығын қысқарту үшін 2024 жылғы 1 тоқсанына дейін «Қайрат» шағын ауданында 260 орындық мемлекеттік балабақшаның құрылысын аяқтау және №70 бөбекжай-балабақша ғимаратын сейсмикалық күшейту жоспарлануда.
Аудан тұрғындарын 2024 жылы сапалы медициналық қызметтермен қамтуды арттыру мақсатында жоспарлануда:

- 2024 жылғы наурыз айында «Нұршашқан» шағын ауданында 100 келушіге және Айбасов көшесінде 200 келушіге арналған 2 дәрігерлік амбулатория құрылысын аяқтау;

- 2024 жылғы наурыз айында 2 емхана «Қайрат» шағын ауданында 340 келушіге арналған және 2024 жылғы желтоқсан айында Наманганская көшесіндегі ескі ғимаратты бұза отырып, ауысымда 500 келушіге арналған, сондай – ақ 2024 жылдың II тоқсанында «РВ-90» шағын ауданында 200 келушіге арналған дәрігерлік амбулатория салуға 3 жобалау-сметалық құжаттаманы әзірлеу жоспарлануда.

Осы жылдың мамыр айына дейін өткізу қабілеті күніне 600 адам болатын «Жас Қанат» шағын ауданында дене шынықтыру-сауықтыру кешенін ашу жоспарланған. Қазір Майлин көшесі бойынша «Авиатор» дене шынықтыру-сауықтыру кешенінің құрылысына жобалау-сметалық құжаттама әзірленуде, сондай-ақ №6 Оқушылар үйін күрделі жөндеу бойынша жобалау-сметалық құжаттама әзірленуде.

ТӨРТІНШІ. Жайлы қалалық ортаны құру әкімдік жұмысының басты бағыттарының бірі болып табылады.

Түрксіб ауданында ескі тұрғын үйлерді қайта жаңарту жұмыстары жалғасуда (1247 үйдің 586-сы).

2023 жылы 5 үй (121 пәтер) салынды, оған жақын маңдағы ескі үйлердің тұрғындары қоныс аударды.

Биылғы жылдың 2-ші тоқсанында тағы 13 үйдің құрылысы аяқталады (2 учаскеде: Кассина-Сефуллина «Қазақстрой» ЖШС - 6 үй және Молдағалиева-Сауранбаева «Айсұлтан» ЖШС - 7 үй).

Сондай-ақ «Алтай-2» шағын ауданында жеке құрылыс салушы («Elif construction» ЖШС) 54 үйді қайта жаңартуды жоспарлап отыр. Бүгінгі таңда 6 үй (43 пәтер) сатып алынып, 2 тоғыз қабатты үйдің (100-ден астам пәтер) құрылысы басталады.

2023 жылы Молдағалиев көшесі мен Чехов көшесіндегі жаяу-серуендеу аймағын жайластыру, №6 Оқушылар үйі мен әуежайдың жанындағы 2 скверді қайта жаңарту сияқты ауданыңызды абаттандыру бойынша бірқатар жаңа жобалар іске асырылды.

Биыл осы бағыттағы жұмыстарды жалғастыруды жоспарлап отырмыз. Осылайша, 60 жылда алғаш рет Әуежай көлінің түбін тазарту, одан әрі абаттандыру, жаяу жүргіншілер көпірінің құрылыс мен түбіндегі су ағызу жұмыстары жүргізіледі.

Бұдан басқа, 2024 жылдың 2-ші тоқсанында: Баум тоғайын; рекреациялық және жағажай аймақтарын жайластыру, жаяу жүргіншілер көпірлерін жаңартумен Үлкен Алматы каналын; сондай-ақ «Кіші Алматы» өзенінің бойындағы жаяу-серуендеу аймағын (Майлин көшесінен қала шекарасына дейін) абаттандыру бойынша жобаларын дайындау аяқталуда.

«Халық қатысатын бюджет» бағдарламасын белсенді іске асыру жалғасуда.

2023 жылы бағдарлама шеңберінде 1,7 млрд. теңге сомасына 81 жоба іске асырылды (Аулаларды жарықтандыру бойынша 33 жоба; балалар алаңдарын салу бойынша 29 жоба; тереңдетілген қоқыс контейнерлерін орнату бойынша 4 жоба; - жаяу жүргіншілер көпірлерін жөндеу бойынша 3 жоба; 5 - тереңдетілген қоқыс контейнерлерін орнату бойынша; жаяу жүргіншілер көпірлерін жөндеу бойынша 5 жоба; жаяу жүргіншілер-серуендеу аймақтарын жайластыру бойынша 2 жоба).

2024 жылға бөлінген сома жаяу жүргіншілер-серуендеу және парк аймақтарын жайластыру, жарықтандыру желілерін салу және т.б. жаңа жобаларды жүзеге асыру үшін 2 млрд. теңгеге дейін ұлғайтылды (35 жоба).