Кресло-арбаларды жөндеу орталығы

2022 жылдан бастап Алматы қаласы әкімінің хаттамалық тапсырмасын орындау үшін (23.12.2021 ж. №2021-418,1) Алматы қаласында мүгедектігі бар адамдарға арналған кресло-арбаларды жөндеу бойынша тегін орталық жобасы іске асырылуда.

2024 жылға мемлекеттік әлеуметтік тапсырыс шеңберінде мүгедектігі бар адамдарға арналған кресло-арбаларды жөндеу орталығы жобасын іске асыруды жалғастыру жоспарлануда.                   2024 жылға жобаны іске асыруға жергілікті бюджеттен жылына кемінде 600 қызмет көрсетуге 32 771 мың теңге бөлінді.

Орталықтың мақсаты - мүгедектігі бар адамдарды әртүрлі үлгідегі кресло-арбаларды жөндеу және қызмет көрсету бойынша тегін қызметтермен қамтамасыз ету

Орталықтың міндеттері:

-кресло-арбаларды жөндеу;

-кресло-арбалардағы бөлшектерді ауыстыру;

- кресло-арбаларға техникалық қызмет көрсету.