«Адам саудасының құрбандарына көмек»

«Адам саудасының құрбандарына көмек» жобасы

 

Алматы қаласы Қоғамдық даму басқармасы ҮЕҰ үшін мемлекеттік әлеуметтік тапсырысқа «Адам саудасының құрбандарына көмек» жобасын енгізу үшін негіздеме.

«Қазақстан Республикасының Адам құқықтары саласындағы одан әрі шаралары туралы» Қазақстан Республикасы Президентінің 2021 жылғы 9 маусымдағы № 597 Жарлығында жұмыстың мынадай бағыттары айқындалған:

 

* әйелдерге қатысты кемсітушілікті жою;

* ерлер мен әйелдердің тең құқықтары мен мүмкіндіктерін ілгерілету;

* бірлестік бостандығы құқығы;

* мүгедектігі бар адамдарға қатысты Адам құқықтары;

* қылмыстық сот төрелігі саласындағы адам құқықтары, жазаны орындау және

 азаптау мен қатыгездіктің алдын алу;

* адам саудасы құрбандарының құқықтарын қамтамасыз ету;

* мигранттарға, азаматтығы жоқ адамдарға және босқындарға қатысты Адам құқықтары.

Қазіргі уақытта «Адам саудасына қарсы іс – қимыл туралы» Заң жобасы әзірленуде. Заң қабылданғаннан кейін осы заңды ілгерілету, оның орындалуына жағдай жасау қажет болады.

Заң жобасынан

5-бап. Адам саудасына қарсы іс-қимылдың мақсаты мен міндеттері

1. Мақсаты бірыңғай мемлекеттік саясатты адам саудасына қарсы іс-қимыл саласында белгілеу болып табылады.
2. Міндеттері:

1) тиімді ұйымдық-құқықтық кешен құру, жеке тұлғаның және қоғамның құқықтарын, бостандықтары мен заңды мүдделерін адам саудасының барлық түрлерінен және онымен байланысты қылмыстардан қорғаудың іс жүргізу кепілдіктері;

2) адам саудасы құрбандарына көмек көрсетуге және олардың қауіпсіздігі мен жеке өмірінің құпиялылығын қамтамасыз етуге басымдық бере отырып, адам саудасы құрбандарының, әсіресе әйелдер мен балалардың құқықтары мен заңды мүдделерін қорғауды қамтамасыз ету;

3) адам саудасына байланысты қылмыстардың алдын алуға, анықтауға және жолын кесуге және кінәлі адамдарды Қазақстан Республикасының заңнамасында белгіленген жауаптылыққа тартуға, сондай-ақ адам саудасының құрбандарын анықтау мен сәйкестендіруге және оларға көмек көрсетуге бағытталған шараларды қамтитын адам саудасына қарсы іс-қимылдың кешенді жалпымемлекеттік жүйесінің негіздерін құқықтық регламенттеу;

4) адам саудасына қарсы іс-қимыл субъектілерінің күш-жігерін біріктіру;

5) адам саудасына қарсы іс-қимыл және оның өзінің халықаралық міндеттемелерін орындауы жөніндегі мемлекеттің халықаралық ынтымақтастығының ұйымдық-құқықтық негіздерін құру.