GOV.KZ – Мемлекеттік органдардың цифрлық ресурстарының бірыңғай платформасы
Алматы әкімі Дархан Сатыбалдының азаматтарды жеке мәселесі бойынша қабылдауы барысында қала тұрғындары тұрғын үймен қамтамасыз ету, көріктендіру, инфрақұрылымды дамыту және көппәтерлі тұрғын үйлерді басқару мәселесін көтерді.
Әсіресе, халықтың әлеуметтік осал топтарын баспанамен қамтамасыз ету, жер телімдерін рәсімдеу, жолдар мен инженерлік желілердің жай-күйі, сондай-ақ нысандар құрылысы кезінде белгіленген талаптардың сақталуы мәселелеріне назар аударылды.
Қала тұрғындары көппәтерлі тұрғын үйлердің ортақ мүлкін күтіп-ұстау, кондоминиум нысандарын басқару органдарының қызметі, аулаларды көріктендіру және жасыл желекті сақтау бойынша да жүгінді. Сонымен қатар электрмен жабдықтау және әлеуметтік көмек көрсету жайы назардан тыс қалмады.
Қабылдау барысында жауапты басқармалар мен аудан әкімдіктерінің өкілдері көтерілген сауалдар бойынша түсініктеме берді. Қосымша зерделеуді қажет ететін өтініштерді әкімнің тапсырмасына сәйкес қолданыстағы заңнама аясында тиісті қызметтер қарастырады.
Мемлекеттік қызметшілер күніне орай Алматы қаласында мемлекеттік қызмет саласында адал еңбек етіп жүрген қызметкерлерге құрмет көрсетіліп, мерекелік іс-шара ұйымдастырылды.
Іс-шара барысында мемлекеттік қызметтің дамуына үлес қосып, өздерінің кәсіби біліктілігі мен жауапкершілігін көрсетіп жүрген қызметкерлердің еңбегі атап өтілді. Сондай-ақ, мемлекеттік қызмет саласында табысты еңбек етіп жүрген жас мамандарды тәрбиелеп өсіргені үшін олардың ата-аналарына ерекше құрмет көрсетілді.
Алматы қаласының әкімі Алматы қаласы Мемлекеттік активтер басқармасының жас мамандарының ата-аналарына алғыс хаттар табыстап, ел игілігі жолында қызмет етіп жүрген саналы да білімді ұрпақ тәрбиелегендері үшін ризашылығын білдірді. Бұл бастама мемлекеттік қызметшілердің кәсіби жетістіктерінің негізінде отбасы тәрбиесі мен ата-ананың еңбегі жатқанын көрсетеді.
Мемлекеттік қызметшілер күні – халыққа сапалы қызмет көрсетуді басты міндеті санайтын мемлекеттік қызметшілердің еңбегін бағалап, олардың қоғамдағы маңызды рөлін айқындайтын мереке. Осы орайда мемлекеттік қызмет саласының дамуына үлес қосып жүрген барлық қызметкерлерге алғыс айтылып, алдағы қызметтеріне табыс пен жаңа жетістіктер тілейді.
Мемлекеттік қызметшілер күні құтты болсын! Еліміздің өркендеуі жолындағы еңбектеріңіз жемісті болып, кәсіби жетістіктеріңіз арта берсін!
2026 жылғы 15-17 маусым аралығында Алматы қаласының мемлекеттік активтер басқармасы бюджеттік бағдарламалар әкімшілері мен ведомстволық бағынысты ұйымдардың мамандары үшін мемлекеттік сатып алу саласындағы заңнаманы қолдану мәселелері бойынша оқыту семинарын өткізді.
Іс-шараға спикерлер ретінде Қазақстан Республикасы Қаржы министрлігінің Мемлекеттік сатып алу және квазимемлекеттік сектордың сатып алу заңнамасы департаментінің басқарма басшысы А.Ж. Ағабеков, сондай-ақ мемлекеттік сатып алу саласындағы сарапшылар Н. Ш. Мұқанов пен А. А. Боган қатысты.
Семинар барысында Қазақстан Республикасының «Мемлекеттік сатып алу туралы» Заңына, Мемлекеттік сатып алуды жүзеге асыру қағидаларына енгізілген өзекті өзгерістер, сондай-ақ сатып алу рәсімдерін ұйымдастыру мен өткізуге қатысты практикалық мәселелер қарастырылды. Сатып алу тиімділігін арттыруға, жеңімпаздарды анықтау мерзімдерін қысқартуға және бюджет қаражатының пайдаланылуын бақылау тетіктерін жетілдіруге бағытталған 2026 жылғы жаңалықтарға ерекше назар аударылды.
Оқытудың жеке тақырыптары ретінде Қазақстан Республикасы Оқу-ағарту министрінің №598 бұйрығымен бекітілген Қағидаларға сәйкес білім беру ұйымдарында тамақтандыруды ұйымдастыру мәселелері, сондай-ақ Қазақстан Республикасы Денсаулық сақтау министрінің №110 бұйрығымен бекітілген Қағидаларға сәйкес тегін медициналық көмектің кепілдік берілген көлемі мен міндетті әлеуметтік медициналық сақтандыру жүйесі шеңберінде дәрілік заттар мен медициналық бұйымдарды сатып алудың ерекшеліктері қаралды.
Қатысушыларға заңнаманы іс жүзінде қолдану мәселелері бойынша түсіндірмелер беріліп, проблемалық мәселелер талқыланды және тәжірибе алмасу жүргізілді. Оқыту қорытындысы бойынша барлық қатысушыларға мемлекеттік сатып алу саласындағы біліктілікті арттыру туралы сертификаттар табысталды.
Алматы қаласы әкімі аппаратының Әдеп жөніндегі уәкілі Мамай Қаниұлы Ахетов Алматы қаласы Мемлекеттік активтер басқармасына жаңадан қабылданған қызметкерлермен кездесу өткізіп, сыбайлас жемқорлыққа қарсы іс-қимыл, мемлекеттік қызметтің әдебі, сондай-ақ құмар ойындарға тәуелділіктің алдын алу мәселелері бойынша түсіндіру жұмыстарын жүргізді.
Кездесу барысында мемлекеттік қызметшілердің әдеп нормаларын сақтау, қызметтік тәртіп, мүдделер қақтығысының алдын алу және сыбайлас жемқорлық құқық бұзушылықтарына жол бермеу талаптары кеңінен түсіндірілді. Сонымен қатар, құмар ойындарға тәуелділіктің жеке тұлғаға, отбасыға және қоғамға тигізетін кері әсері, оның мемлекеттік қызметшінің абыройына және қызметтік міндеттерін адал атқаруына келтіретін зияны атап өтілді.
Мамай Қаниұлы Ахетов мемлекеттік қызметшілердің заңнама талаптарын қатаң сақтауы, адалдық пен жауапкершілік қағидаттарын ұстануы, сондай-ақ құқыққа қайшы әрекеттерге, оның ішінде құмар ойындарға қатысуға жол бермеу қажеттігін ерекше атап өтті. Тәуелділіктің алдын алу, салауатты өмір салтын ұстану және жеке жауапкершілікті арттыру мәселелеріне де назар аударылды.
Іс-шараның негізгі мақсаты – жаңадан қабылданған қызметкерлердің құқықтық және әдептік мәдениетін қалыптастыру, сыбайлас жемқорлық тәуекелдерін азайту және мемлекеттік қызметтің беделін нығайту.
2025 жылғы 1 қаңтардан бастап 2024 жылғы 1 шілдеде қабылданған №106-VIII ҚРЗ «Мемлекеттік сатып алу туралы» жаңа Заң күшіне енді. Бұл Заң сатып алу үдерістерін оңтайландыруға, сатып алынатын тауарлар, жұмыстар мен көрсетілетін қызметтердің сапасын арттыруға, мемлекеттік сатып алуға қатысушылардың жауапкершілігін күшейтуге және бәсекелестікті дамытуға бағытталған.
Негізгі өзгерістер мыналарды қамтиды:
- Конкурстық баға ұсынысына әсер ететін критерийлер үшін шартты жеңілдіктер ұлғайды, яғни «Аумақтық белгі» түрі бойынша 2%-ға дейін және «Теріс мәндер» түрі бойынша 0,2%-ға дейін ұлғайды.
- Ұйымда тіркелген қызметкерлердің ЭЦҚ кілттері арқылы еңбек ресурстарын растауы.
- Баға ұсыныстарын сұрату тәсілімен сатып алуда өтінімді қамтамасыз ету мөлшері 3%-ға дейін және шартты қамтамасыз ету 5%-ға дейін ұлғайтылды.
- Бірыңғай ұйымдастырушылар жүзеге асыратын мемлекеттік сатып алудың шектері өзгертілді.
- Электрондық дүкен арқылы мемлекеттік сатып алуда:
- өнімнің электрондық каталогын пайдалану (каталог тек электронды дүкен арқылы тәсілінде қолданылады);
- веб-порталда шартта және тапсырыстарда қорытындылар хаттамасын қалыптастыру және көрсету;
- қаржы жылы ішінде біртекті тауарлар бойынша жылдық көлемді бөлшектеуге тыйым салынды.
- Заңның 7-бабында көзделген негіздер бойынша мемлекеттік сатып алуға қатысу кезінде шектеулер белгіленді, оның ішінде:
- өнім берушілер мен тапсырыс берушілер арасында үлестестіктің болуына;
- екі және одан да көп жеке кәсіпкерден өтінімдер келіп түскен жағдайда мемлекет қатысатын әлеуетті өнім берушілердің өтінімдерін қабылдамауға;
- жалақы төлеу бойынша берешектің бар-жоғына шектеу белгіленді;
- Борышкерлердің бірыңғай тізілімін тексеру шарттары өзгертілді (жүйе ББТ-да өнім берушіні, құрылтайшыны және олармен үлестес тұлғаларды тексереді: қатысу туралы өтінім құру кезінде, қосалқы мердігерді қосу кезінде, консорциум мүшесін қосу кезінде).
- Мемлекеттік сатып алуды өткізу мерзімі қысқартылды:
- алдын ала талқылау – 2 жұмыс күні;
- өтінімдерді қабылдау – 5 жұмыс күні, рейтингтік-балдық жүйе пайдаланылатын конкурста – 3 жұмыс күні;
- өтінімдерді қарау және қорытындылар туралы хаттаманы қалыптастыру – 3 жұмыс күні;
- қорытындыларға шағым жасау – 3 жұмыс күні;
- қорытындыларға жасалған шағымдарды қарау – 3 жұмыс күні;
- тапсырыс берушінің жеңімпазға шарт жобасын жолдауы – 3 жұмыс күні.
- Тікелей шарт жасасу арқылы бір көзден мемлекеттік сатып алуларда:
- есепті қалыптастыру мерзімі 5 жұмыс күніне қысқартылды;
- есеп нысаны өзгертілді;
- шарттың орындалуын қамтамасыз етуді енгізу туралы талап алынып тасталды;
- бір дереккөздің негіздері жаңартылды;
- Қаржы министрлігі қалыптастыратын бір көзден тапсырыс берушілер мен өнім берушілердің тізімі өзектендірілді.
- Өнім беруші қосалқы мердігерлерге беретін жұмыстардың шекті көлемі жұмыстардың жалпы көлемінің 30%-нан аспайтын мөлшерде белгіленді.
- Жұмыс тәжірибесінің тізілімі қалыптастырылды, жұмыс тәжірибесін растау және оны қарау үшін өтінімдер беру тәртібі айқындалды.
- Конкурстағы демпингтік бағалар айқындалды:
- құрылыс-монтаждау жұмыстары – сатып алу сомасының 2%;
- автомобиль жолдарын орташа жөндеу жұмыстары – сатып алу сомасының 5%;
– тауар, жұмыстар, қызметтер, техникалық қадағалау қызметтері, пациенттерді тамақпен қамтамасыз ету – сатып алу сомасының 10%;
– ғимараттар мен құрылыстарды ағымдағы жөндеу жұмыстары – сатып алу сомасының 20%.
- Өткізілмеген мемлекеттік сатып алулар бойынша шарттар өзгертілді.
- Шарттың орындалуын қамтамасыз ету және авансты қамтамасыз ету ретінде сақтандыру шарты тек электрондық форматта қалыптастырылады.
Бұдан бөлек, 2025 жылғы 1 қаңтардан бастап 2024 жылғы 9 қазандағы № 687 Мемлекеттік сатып алу қағидалары күшіне енді және келесі өзгерістер енгізілді:
|
Күшіне ену күні |
Бұйрық |
Негізгі өзгерістер |
|
2025 жылғы 4 шілде |
№306 |
Кепілдікті қайтару – толық орындаудан кейін 5 жұмыс күні ішінде. Кепілдікті ауыстыру кезінде оны қайтару мүмкін. |
|
2025 жылғы 12 шілде |
№321 |
Индустриялық сертификатқа сәйкестігі болған жағдайда 3% шартты жеңілдікті автоматты түрде беру. |
|
2025 жылғы 28 шілде |
№358 |
"Толық бітіріп берілетін құрылыс"конкурстарда өтінімді қамтамасыз ету-3%. Жобалау және ҚМЖ лицензиялары, салық берешегінің болмауы және қаржылық тұрақтылық қажет. Бағалық емес критерийлер тізімі қысқартылды және жаңартылды. Үлгілік шарттарға өзгерістер енгізілді, 39-1 Жаңа қосымша қосылды. |
|
2025 жылғы 11 тамыз |
№396 |
Жылдық сатып алу жоспары тек бекітілген бюджет/даму жоспары бойынша қалыптастырылады. |
|
2025 жылғы 28 тамыз |
№425 |
Құрылыс жұмыстарына арналған Лицензия жұмыс түрлері мен лицензиялар сәйкес келген кезде құрылымдық емес жұмыстарды қоса алғанда, ресурстарды растайды.Демпинг автожолдарды жөндеуге де қолданылады.Тәжірибе бойынша 3 нысанға дейін есепке алынады; жеке тапсырыс берушілердің тәжірибесі – тек техникалық күрделі нысандарға; субмердігерлік тәжірибе есептелмейді.Жол жұмыстары бойынша шартты жеңілдіктер ережелері нақтыланды.Техникалық қадағалау бойынша талаптар нақтыланды.Қаржылық есептілікті орналастыру мерзімі – 30 қыркүйекке дейін; сол үшін берілетін жеңілдік мөлшері азайтылды.7-баптағы шектеулер тізбесі жаңартылды; шектеулер болған жағдайда шарт №2 қатысушыға беріледі. |
|
2025 жылғы 7 қыркүйек |
№456 |
Қаржылық тұрақтылық талабы нақтыланды. Егер жеткізуші 5 жыл ішінде жосықсыз қатысушылардың тізілімінде кемінде бір рет болса, оның шартты жеңілдігі 0,2% - ға азаяды. Алдын ала тапсырыс беру міндетті болып табылады. Әлеуметтік тапсырыс баллдарының есебіне 5 тармақша қосылды. Шағымды 3 жұмыс күні ішінде беруге болады. |
2025 жылғы 11 маусымда Алматы қаласы әкімі аппаратының Әдеп жөніндегі уәкілі Мамай Қаниұлы Ахетов Алматы қаласы Мемлекеттік активтер басқармасының қызметкерлері үшін сыбайлас жемқорлыққа қарсы іс-қимыл мәселелері бойынша оқыту іс-шарасын өткізді.
Мемлекеттік қызметшілермен профилактикалық жұмыс барысында мемлекеттік қызметтің әдеп қағидаттарын сақтауға назар аударылды: адалдық, шынайылық, әділдік, ашықтық, сыпайылық және клинетке бағдарлану.
Әдеп жөніндегі уәкіл "Сыбайлас жемқорлыққа қарсы іс-қимыл туралы" Қазақстан Республикасының Заңында көзделген сыбайлас жемқорлыққа қарсы шектеулер айтылды: мемлекеттік функцияларды орындаумен сыйыспайтын қызметті жүзеге асыру; жақын туыстарының, жұбайлары мен жекжаттарының бірлескен қызметіне жол бермеу; мүліктік және мүліктік емес игіліктер мен артықшылықтарды алу немесе алу мақсатында ресми таратылуға жатпайтын қызметтік және өзге де ақпаратты пайдалану; егер мұндай іс-әрекеттер қызметтік өкілеттіктерге кіретін болса, оларды ұсынған адамдардың пайдасына материалдық сыйақы, сыйлықтар немесе қызметтер алу; Қазақстан Республикасынан тыс орналасқан шетелдік банктерде шоттар ашу және иелену, Қазақстан Республикасынан тыс орналасқан шетелдік банктерде қолма-қол ақша мен құндылықтарды сақтау, мемлекеттік қызметшілердің қоғамдық орындарда алкогольдік және есірткілік, және (немесе) уытқұмарлық,мас күйде болуының алдын алу және оған жол бермеу бойынша профилактикалық жұмыс жүргізу, есірткі құралдардың, психотроптық заттарды, олардың аналогтарын, прекурсорларды медициналық емес мақсатта тұтыну, көлік құралын алкогольдік және (немесе) есірткілік, және (немесе) уытқұмарлық, мас күйде басқарудың алдын алу мақсатында профилактикалық түсіндіру жұмыстары жүргізілді. Сондай-ақ, мемлекеттік қызметшілерге Әдеп кодексінің талаптары, қызметтен тыс уақытта мемлекеттік қызметшілердің ойын мекемелеріне барудан және мінез-құлық ережелерін қатаң сақтау қажеттілігі туралы айтылды
Алматыда Ұлы Отан соғысындағы Жеңістің 80 жылдығына орайластырылған ауқымды жалпықалалық экоакция өтті. Іс – шара «Таза Қазақстан» және «Алматы-біздің ортақ үйіміз» бағдарламалары аясында 50 мыңнан астам қала тұрғындарын, бизнес өкілдерін, мәслихат депутаттарын, спортшыларды, әртістерді біріктірді.
Акцияның негізгі іс-шаралары қаланың сегіз ауданының әрқайсысында өтті. Акцияға 1 мыңнан астам техникамен қамтамасыз етілген коммуналдық қызметтердің 2 мыңнан астам қызметкері қатысты. Алматы әкімдігі қатысушыларға қажетті құрал-жабдықтарды: қолғап, сөмкелер, күректер мен тырмаларды, сондай-ақ көгалдандыру үшін ағаш көшеттерін ұсынды. Барлығы «Жеңіс» фирмалық кепкаларын, футболкаларын және естелік ленталарын алды, бұл іс-шараға ерекше бірлік пен патриотизм атмосферасын берді.
Бұл күні қала бойынша 16 жерде 439 ағаш отырғызылды, мысалы, липа, емен, алма ағашы, қайың, писсарди, каштан, терек, күл және шырша. Бұл жұмыс аясында отырғызудың заманауи әдістері мен технологиялары қолданылады, ағаштарды қолдау үшін қайың діңдерінің тіректері, жапырақты ағаштарға арналған базальды суару жүйелері орнатылады. Бұл тұқымдар кездейсоқ таңдалмайды: олар көшелерді безендіреді, барынша төзімді және күрделі күтімді қажет етпейді, тез тамыр алады.
Қала әкімінің орынбасары Бейбіт Шаханов бұл жыл басынан бергі екінші ауқымды экологиялық акция екенін және оның ерекше маңызы барын атап өтті. «Біз акцияны Ұлы Отан соғысындағы Жеңістің 80 жылдығына орайластырдық. Бұл батырларды еске алу ғана емес, сонымен қатар барлық қала тұрғындарын ортақ іске біріктіру шарасы – Алматыны таза, жасыл және жайлы ету мүмкіндігі» -, деді ол.
Іс-шараларға бизнес өкілдері, мектепоқушылары, колледждер мен университеттердің студенттері, мәслихат депутаттары, спортшылар, әртістер, жалпы алғанда 50 мыңнан астам қала тұрғындары қатысты.
№2 Балалар қалалық клиникалық ауруханасы сияқты медициналық ұйымдардың ұжымдары өз белсенділіктерін көрсетті, онда директор мен қызметкерлер мекеменің бүкіл аумағын тазалап, қоршауларды бояды және көгал шабды, бұл тек аурухана қабырғаларында ғана емес, сонымен қатар іргелес жерлерде де тазалықтың маңыздылығын атап өтті.
Акцияға бизнес өкілдері де қосылды. Мысалы, «Тастақ» базарының кәсіпкерлері өз аумақтарында ғана емес, Прокопьев көшесінен Түркебаев көшесіне дейінгі Төле би көшесі сияқты іргелес көшелерде де тазалау жұмыстарын ұйымдастырды. «Саламат» сауда базары да науқанға белсене араласты. Travellers Coffee тазалық пен тәртіпті сақтай отырып, көктемгі тазалау жұмыстарын жүргізді.
Түрксіб ауданының «Сейпа» ПКСК төрағасы Ольга Коршунова атқарылған жұмыстар туралы былай деді: «Біз әр тұрғын үйлер қызметкерлері мен тұрғындарының бірлескен күш-жігерімен аумақтарды тазалап, жеміс ағаштарын отырғызып, шөп шауып, барлық көршілеріміз үшін жайлы және жасыл кеңістік құрдық.»
Қазақстандық эстрада жұлдыздарының, спортшылар мен блогерлердің қатысуы ерекше назар аударды, олар өз үлгісімен басқаларды шабыттандырып қана қоймай, тазалауға белсенді қатысты.
«Тазалық бізден басталады. Біз, осы қаланың тұрғындарымыз, Алматыға қамқор болуымыз керек. Қонақтар оның таза әрі әдемі қала екенін көрсін», - деді Қазақстан Республикасының Еңбек сіңірген қайраткері Нұрлан Абдуллин.
Асылбек Еңсепов, музыканттың пікірі: «Алматы таза болсын, бүкіл Қазақстан таза болсын! Біз туған жерімізді таза ұстауымыз керек.»
Жанар Айжанова, қазақстандық әнші және актрисаның пікірі: «Бүгінгі күн ерекше-ол Жеңістің 80 жылдығына орайластырылған. Мен бірде-бір қалалық сенбілікті жіберіп алмауға тырысамын, өйткені Алматы-біздің ортақ үйіміз.»
Қазақстандық спортшылар Ислам Сәтбаев, 2024 жылғы Олимпиаданың қола жүлдегері ретінде белсенділік танытты.
«Біз «Таза Қазақстан» экологиялық науқанына қатысамыз. Біз спортшылар ретінде қазақстандықтарды нәтижелермен, жеңістермен қуантып қана қоймай, сүйікті Алматы қаласын жақсартуға тырысамыз. Өйткені, тазалық бізден басталады және бұл науқан қаламыздағы экологиялық жағдайды жақсартуға көмектеседі», - деп өз ойымен бөлісті.
Нариман Құрбанов пен Александра Ле де акцияны қолдап, туған қаласында тазалықты сақтаудың маңыздылығын атап өтті.
Қаланың барлық сегіз ауданында іс-шаралар тақырыптық безендірумен, шағын концерттермен және шеберлік сыныптарымен мерекелік атмосферада өтті. Акцияның патриоттық рухын көрсететін әскери әндер шырқалды. Бірлескен күш-жігердің нәтижесінде полигондарға шығарылған 10 мың текше метрге жуық қоқыс жиналды. Сондай-ақ, бағаналар мен қоршауларды сырлау, арық желісін тазарту, жасыл аймақтарды қалпына келтіру және ағаштар мен бұталарды санитарлық кесу жұмыстары жүргізілді.
Бұл күні Алматының барлық сегіз ауданында Жеңістің 80 жылдығына орай Ұлы Отан соғысы ардагерлерінің аллеялары салтанатты түрде ашылды. 28 панфиловшы-гвардияшылар атындағы саябақта өткен орталық іс-шараға қала әкімі Ерболат Досаев, Ұлы Отан соғысының ардагерлері, олардың туыстары, Қазақстанның еңбек сіңірген әртістері мен қоғам өкілдері қатысты. Салтанатты рәсім барысында биіктігі 6 метр липа ағашы тұқымының 29 атаулы ағашы отырғызылды, бұл бостандық үшін күрескен батырларды еске алуды білдіреді. Қала бойынша ашық аллеяларға барлығы 200 липа отырғызылды, бұл ардагерлердің ерлігін құрметтеудің символына айналды.
Ағымдағы жылдың 14 ақпанында Алматыда Мемлекеттік активтер басқармасы мемлекеттік сатып алулар туралы жаңа заңнама бойынша дөңгелек үстел ұйымдастырды. Іс-шараға Қазақстан Республикасының қаржы вице-министрі Кеңбейіл Дәурен Маратұлы, мемлекеттік органдардың, Кәсіпкерлер палатасының өкілдері, бизнес-қоғамдастық және қалалық мәслихаттың депутаттары қатысты.
Дөңгелек үстелге қатысушылар 2025 жылдың 1 қаңтарынан бастап күшіне енген заңнаманың негізгі тұстарын талқылады.
Д.Кеңбейіл Заңның артықшылықтары мен оның алғашқы нәтижелерін атап өтті. Осылайша, сатып алулардың жеңімпаздары енді 10 жұмыс күні ішінде, ал рейтингтік-балдық жүйесі бар конкурстар бойынша барлығы 5 жұмыс күні ішінде анықталады. Бұл ретте, жергілікті жеткізушілер үшін шартты жеңілдіктер 1% -дан 2% -ға дейін ұлғайтылды.
Қатысушылар жаңа Заңның бизнес-ахуалға, сатып алынатын тауарлардың сапасын арттыруға және отандық өндірушілерді қолдауға оң әсерін атап өтті.
2024 жылғы 28 маусымда Алматы қаласы әкімі аппаратының Әдеп жөніндегі уәкілі Мамай Қаниұлы Ахетов Алматы қаласы Мемлекеттік активтер басқармасының қызметкерлері үшін сыбайлас жемқорлыққа қарсы іс-қимыл мәселелері бойынша оқыту іс-шарасын өткізді.
Мемлекеттік қызметшілермен профилактикалық жұмыс барысында мемлекеттік қызметтің әдеп қағидаттарын сақтауға назар аударылды адалдық, шынайылық әділдік, ашықтық, сыпайылық және клинетке бағдарлану
Әдеп жөніндегі уәкіл "Сыбайлас жемқорлыққа қарсы іс-қимыл туралы" Қазақстан Республикасының Заңында көзделген сыбайлас жемқорлыққа қарсы шектеулер айтылды: мемлекеттік функцияларды орындаумен сыйыспайтын қызметті жүзеге асыру жақын туыстарының, жұбайлары мен жекжаттарының бірлескен қызметіне жол бермеу мүліктік және мүліктік емес игіліктер мен артықшылықтарды алу немесе алу мақсатында ресми таратылуға жатпайтын қызметтік және өзге де ақпаратты пайдалану; егер мұндай іс-әрекеттер қызметтік өкілеттіктерге кіретін болса оларды ұсынған адамдардың пайдасына материалдық сыйақы, сыйлықтар немесе қызметтер алу Қазақстан Республикасынан тыс орналасқан шетелдік банктерде шоттар ашу және иелену, Қазақстан Республикасынан тыс орналасқан шетелдік банктерде қолма-қол ақша мен құндылықтарды сақтау бойынша түсіндіру жұмысын жүргізді.
23 маусым – әлемнің барлық мемлекеттік қызметшілері үшін бірыңғай кәсіби мереке. 2002 жылдың 20 желтоқсанында БҰҰ Бас Ассамблеясының 57 сессиясы 23 маусымды БҰҰ Мемлекеттік қызмет күні деп жариялау туралы қаулы қабылдады және БҰҰ - ға мүше мемлекеттерді бұл күнді әр елде атап өтуге шақырды. 2013 жылы Президенттің Қазақстандағы Жарлығымен бұл күн мемлекеттік қызметшілер күнімен бекітілді. Осылайша, мемлекеттік қызметте жұмыс істейтін 90 мыңнан астам қазақстандық кәсіби мерекеге ие болды.
Мемлекеттік қызмет-бұл мемлекеттік жүйеде маңызды механизм, соның арқасында мемлекеттік басқару ұйымы қалыптасады. Мемлекеттік қызмет ашықтық, құзыреттілік, әдептілік, тиімділік, Қазақстан азаматтарының сұраныстарына бағдарлану сияқты негіздерде құрылатынын атап өту маңызды. Мемлекет басшысы мемлекеттік қызметшілердің кәсіби, тиімді жұмысы мемлекеттілікті нығайтудың және еліміздің барлық азаматтарының әл-ауқатын арттырудың маңызды факторы болуға тиіс екенін атап өтті.