Құрылыс жұмыстары

         Құрылыс жұмыстарының көлемі  1524,9 млн. теңгені құрап, өткен жылдың осы кезеңімен салыстырғанда 149,7 пайызға өсіп, жеке секторда  6565 шаршы метр  49 тұрғын үйлер пайдалануға  беріліп, өткен жылдың осы кезеңімен  салыстырғанда  107,1    пайызға артты.

         Бүгінгі таңда ауданда  тұрғын үй кезегінде 206 адам тұр.Оның ішінде  көп балалы отбасы  61 адам, Халықтың әлеуметтік жағынан осал топтарына жататын азаматтар 87 адам, мемлекеттік қызметшілер, бюджеттік ұйымдар қызметшілері  50 адам, жетім балалар, ата-анасының қамқорлығынсыз қалған балалар 8 адам .

         Аудан орталығында екі қабатты екі сегіз пәтерлі жалдамалы-коммуналдық  тұрғын үй құрылысын бастауға аудандық бюджеттен 40,0 млн.теңге бөлініп,  жеңімпаз мердігер «АймарСтройСервис» ЖШС құрылыс жұмыстары жүргізілуде. Аяқталу мерзімі 2021 жылдың тамыз айы. 

         Сонымен қатар, аудандық бюджеттен бөлінген 3,0 млн.теңгеге аудан орталығында тағы да екі сегіз пәтерлік тұрғын үй құрылысын салу үшін  жобалау-сметалық құжаттары жасалып, құрылыс жұмыстарын бастауға аудандық бюджеттен 5,0 млн.теңге қаржы бөлініп, ашық конкурс берілді. Нәтижесі қараша айының соңына белгілі болады.

        Облыстық бюджеттен 159,853 млн.теңге бөлініп, жаңа тұрғын үй құрылысы алаңында ауыз су құбыры құрылысын жүргізу жұмыстары аяқталып, пайдалануға берілді

        Аз қамтылған, көп балалы отбасыларға елді мекендерден тұрғын үй сатып алып беру мақсатында Республикалық бюджеттен                          бөлінген 16,7 млн. теңгеге  Ойыл селосынан 3 тұрғын үй, Ш.Берсиев ат.ауылдық округі Қаратал ауылынан 1 үй сатып алынды.

       Сонымен қатар, аудандық бюджеттен 14,0 млн. теңге бөлініп , Ойыл селосынан 1 тұрғын үй сатып алынды, екінші тұрғын үйді сатып алуға конкурс берілді.