«Ақындары өз өлкесін жыр еткен» тақырыбында шығармашылық байқауы өткізілді

Ақтөбе облысының тілдерді дамыту басқармасының ұйымдастыруымен өзге ұлт жастары арасында «Ақындары өз өлкесін жыр еткен» атты шығармашылық байқауы өткізілді.

Жергілікті ақындардың шығармашылығына арналған байқаудың мақсаты:

этнос жастары арасында мемлекеттік тілдің қолдану аясын кеңейту  мен оны дамыту, өңірден шыққан ақындардың шығармашылығын насихаттау арқылы қазақ тілі мен әдебиетіне деген ықылас-ынтаны жандандыру, қазақстандық рухани бірлікті қалыптастыру болды.

 Байқауға 16-25 жас аралығындағы қаламыздағы ЖОО және колледж студенттерінен құралған 10 Сайыскер  қатысып, өз бақтарын сынап көрді.

• Өзін таныстыру
• Көркемсөз оқу шеберлігі – жергілікті ақындардың шығармаларын қазақ тілінде жатқа оқу 
• Жергілікті ақындар туралы сұрақтарға жауап беру кезеңдерінен құралған байқауға «Қазақ тілі» қоғамының ақтөбе облыстық филиалының төрағасы Р.Рахиев , Жазушылар одағының мүшелері ақын Г.Әбішқызы мен Г.Қалдина төрелік етті.

         қазылар алқасы үміткерлер өнерін бағалау кезінде, олардың:

• көркем мәтінді, өлеңді оқу шеберлігіне;
• қазақ тілінде орфоэпиялық тұрғыдан таза сөйлеуіне;
• сахналық мәдениетіне назар аударады.

Сайыс Қорытындысы бойынша:

1-орын Пухальская Аида, 2 орын Юлдашбаева Сугдиана, 3-орын Клименко Руслан және Хитрук Канат ынталандыру жүлдесін иеленді.

         Байқау жеңімпаздары мен жүлдегерлері арнайы дипломдармен және бағалы сыйлықтармен марапатталады.