Ақтөбе облысы Мәртөк ауданы Родников ауылдық округі әкімінің аппараты

"Мәртөк ауданы Родников ауылдық округі әкімінің аппараты" ММ Родников ауылдық округі әкімінің қызметін қамтамасыз ететін және ҚР заңнамасында көзделген өзге де функцияларды жүзеге асыратын мемлекеттік мекеме болып табылады. Әкім аппараты өз қызметін ҚР Конституциясына және заңдарына, ҚР Президенті мен Үкіметінің актілеріне, өзге де нормативтік құқықтық актілерге және әкім аппараты туралы Ережеге сәйкес жүзеге асырады. Әкім аппараты ҚР заңнамасына сәйкес мемлекеттік мекеменің ұйымдық-құқықтық нысанындағы заңды тұлға болып табылады; өз атынан азаматтық-құқықтық қатынастарға түседі, заңнамаға сәйкес мемлекет атынан азаматтық-құқықтық тарап болуға құқығы бар. Ауылдық округ әкімі заңнамада белгіленген тәртіппен және ҚР заңнамасында көзделген басқа да актілермен шешімдер мен өкімдер қабылдайды. Әкім аппараты жергілікті бюджет және жергілікті өзін-өзі басқару қаражатының түсімдері есебінен ұсталады.