Қобда ауданы бойынша барлығы 44 мәдениет ошағы жұмыс жасайды. Індет кезінде мәдениет нысандары жұмыстарын тоқтатқан жоқ. Жыл бойына 366 шара дәстүрлі түрде өтсе, 1079 шара онлайн режимде өткізілді.

Мәдениет мекемелерінің материалдық-техникалық базасын нығайтуға оның ішінде от жағу қазандығы, генератор, су сорғылары, музыкалық аппаратура, жиһаз, кеңсе жабдықтарын сатып алуға аудандық бюджет қаражаты есебінен 35,5 млн теңге, аудандық мәдениет үйі шатырының күрделі жөндеу жұмыстарына 11,3 млн. теңге, И.Білтабанов ат.ауылдық мәдениет үйінің және Егіндібұлақ ауылындағы Жастар Үйінің газдандыру жұмыстарына 14,5 млн теңге қаржы бөлініп, игерілді.

Сонымен қатар, И.Білтабанов және Ақырап ауылдық клубтарын күрделі жөндеуден өткізуге ЖСҚ дайындалды.

«Жұмыспен қамтудың жол картасы» бағдарламасы аясында Қызылжар ауылдық клубын күрделі жөндеуден өткізуге 56,1 млн.теңге, Терісаққан ауылдық клубының құрылысына 78 млн.теңге бөлініп, халық игілігіне қолдануға берілді.

Аудан кітапханаларында кітап қоры - 266 453 дананы құрап отыр. 2020 жылы жергілікті бюджеттен кітап қорын толықтыруға 2,7 млн теңге жұмсалды.

Қобда ауданды бойынша барлығы 44 мәдениет нысандары, оның ішінде 23 клубтық мекеме, 21 кітапхана қызмет етеді. Тұрақты түрде 110 клубтық әуесқой үйірмелер жұмыс жасап, оған 1134 адам қатысады.

Жеке үй-жайлармен және ғимараттармен қамтамасыз ету 69,6% құрайды.

4 халықтық шығармашылық ұжым қызмет етеді. Олар: "Қарлығаш" халықтық би ансамблі, "Гүл-М-Жан" вокалды ансамблі, "Айқаракөз" әжелер ансамблі, "Сынтас" жастар театры.