Жалпы орта білім беруді дамыту

Жалпы білім беру мекемелер жүйесі – 49 мекемемен қамтылған: 19 - мемлекеттік жалпы білім беретін мектептер, 10 балабақша, 2 қосымша білім беру. Оның ішінде: Мемлекеттік тілде білім беретін–18, оқыту екі тілде білім беретін - 1. 2022-2023 оқу жылында 1-11 сыныптар аралығында 4081 оқушы білім алады. Ақсуат ауданы бойынша  11 –шағын жинақталған  мектеп, олардың ішінде 6- орта,  5 бастауыш мектептер.

«Білімді ұлт- сапалы білім беру» ұлттық жобасында алдымызға қойылған міндеттердің бірі:

-орта білім беру  сапасын арттыру;

-өңірлер, қалалық және ауылдық мектептер арасында оқыту сапасындағы алшақтықты қысқарту.

Оқушылардың оқу үлгерімі мен білім сапасы күнделікті сабаққа қатысуына байланысты, мектеп жасындағы барлық балаларды жалпы орта білім берумен қамту міндетті. Аталған сұрақ үнемі бақылауда, білім бөлімі жергілікті полиция қызметімен бірлескен жұмыс жүргізеді.

Білім саласындағы басты көрсеткіш – білім сапасы десек, 2022-2023 оқу жылын 60% көрсеткішпен аяқтадық.

Қазіргі уақытта білім алушыларды білім беру ұйымдарының әлеуметтік процестеріне тартуды күшейтуге бағытталған республикалық деңгейдегі жобалар әзірленіп, білім беру мекемелерінде:

-«Мектеп Парламенті» өзін-өзі басқару моделі;

-Оқушылар арасында дебаттық қозғалысы;

-Оқуға құштар мектеп жобалары  іске асырылуда.