Қазақстан Республикасының Мәдениет және ақпарат министрлігі жанындағы Қоғамдық кеңестердің үйлестіру орталығының құрамын бекіту туралы

Қазақстан Республикасының

Мәдениет және ақпарат

министрлігі жанындағы Қоғамдық

кеңестердің үйлестіру орталығының

құрамын бекіту туралы

 

 

«Қоғамдық кеңестер туралы» Қазақстан Республикасы Заңының 2-1-бабына сәйкес БҰЙЫРАМЫН:

1. Осы бұйрыққа 1-қосымшаға сәйкес Қазақстан Республикасының Мәдениет және ақпарат министрлігі жанындағы Қоғамдық кеңестердің үйлестіру орталығының  құрамы бекітілсін.
2. Осы бұйрыққа 2-қосымшаға сәйкес Қазақстан Республикасының  Мәдениет және ақпарат министрлігі жанындағы Қоғамдық кеңестердің үйлестіру орталығы туралы ережесі бекітілсін.
3. Азаматтық қоғам істері комитеті осы бұйрықты Қазақстан Республикасының Мәдениет және ақпарат министрлігінің интернет-ресурсында орналастыруды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Мәдениет және ақпарат вице-министріне жүктелсін.
5. Осы бұйрық қол қойылған күнінен бастап күшіне енеді.

 

Министр                                                                                        А. Балаева

 

 

 

 

 

 

 

 

Қазақстан Республикасы Мәдениет және ақпарат       министрінің 2024 жылғы «___» ___________ № ____ бұйрығына 1-қосымша

Қазақстан Республикасының Мәдениет және ақпарат министрлігі жанындағы Қоғамдық кеңестердің үйлестіру орталығының

құрамы

 

Орталықтың төрағасы – мүшелерінің көпшілігінің бастамасымен сайланған республикалық немесе жергілікті деңгейдегі Қоғамдық кеңестің төрағасы;

Орталық төрағасының орынбасары – Қазақстан Республикасының Мәдениет және ақпарат вице-министрі;

Орталықтың хатшысы – Қазақстан Республикасы Мәдениет және ақпарат министрлігі Азаматтық қоғам істері комитетінің төрағасы;

Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің төрағасы;

Қазақстан Республикасы Қаржылық мониторинг агенттігінің Қоғамдық кеңесінің төрағасы;

Қазақстан Республикасы Бәсекелестікті қорғау және дамыту агенттігінің Қоғамдық кеңесінің төрағасы;

Қазақстан Республикасы Стратегиялық жоспарлау және реформалар агенттігінің Қоғамдық кеңесінің төрағасы;

Мемлекеттік қызмет істері органдары қызметінің мәселелері жөніндегі қоғамдық кеңестің төрағасы;

Мемлекеттік қаржы жөніндегі қоғамдық кеңестің төрағасы

Ішкі істер органдары қызметінің мәселелері жөніндегі қоғамдық кеңестің төрағасы;

Қазақстан Республикасы Мәдениет және ақпарат министрлігінің Қоғамдық кеңесінің төрағасы;

Әлеуметтік-еңбек саласының мәселелері жөніндегі қоғамдық кеңестің төрағасы;

Қазақстан Республикасы Туризм және спорт министрлігінің Қоғамдық кеңесінің төрағасы;

Қазақстан Республикасы Өнеркәсіп және құрылыс министрлігінің Қоғамдық кеңесінің төрағасы;

Қазақстан Республикасы Көлік министрлігінің Қоғамдық кеңесінің төрағасы;

Қазақстан Республикасы Денсаулық сақтау министрлігінің Қоғамдық кеңесінің төрағасы;

Отын-энергетика кешені мәселелері жөніндегі қоғамдық кеңестің төрағасы;

Қазақстан Республикасы Сыртқы істер министрлігі қызметінің мәселелері жөніндегі қоғамдық кеңестің төрағасы;

Оқу-ағарту және балалар құқығын қорғау мәселелері жөніндегі қоғамдық кеңестің төрағасы;

Ғылым, жоғары білім және тіл саясаты мәселелері жөніндегі қоғамдық кеңестің төрағасы;

Қазақстан Республикасы Су ресурстары және ирригация министрлігінің Қоғамдық кеңесінің төрағасы;

Қазақстан Республикасы Ұлттық экономика министрлігінің Қоғамдық кеңесінің төрағасы;

Әділет органдары қызметінің мәселелері жөніндегі қоғамдық кеңестің төрағасы;

Қазақстан Республикасы Цифрлық даму және аэроғарыш өнеркәсібі министрлігінің Қоғамдық кеңесінің төрағасы;

Агроөнеркәсіп кешенін дамыту мәселелері жөніндегі қоғамдық кеңестің төрағасы;

Сауда және интеграция мәселелері жөніндегі қоғамдық кеңестің төрағасы;

Азаматтық қорғаныс органдары қызметінің мәселелері жөніндегі қоғамдық кеңестің төрағасы;

Экология және табиғи ресурстар мәселелері жөніндегі қоғамдық кеңестің төрағасы;

«Самрұқ-Қазына» ұлттық әл-әуқат қоры» акционерлік қоғамының Қоғамдық кеңесінің төрағасы;

«Бәйтерек» ұлттық басқарушы холдингі» акционерлік қоғамының Қоғамдық кеңесінің төрағасы;

«Азық-түлік келісімшарт корпорациясы» ұлттық компаниясы» акционерлік қоғамының Қоғамдық кеңесінің төрағасы;

«Ұлттық ақпараттық технологиялар» акционерлік қоғамының Қоғамдық кеңесінің төрағасы;

«Қазақстан Инжиниринг» ұлттық компаниясы» акционерлік қоғамының Қоғамдық кеңесінің төрағасы;

«Қазақстан Ғарыш Сапары» ұлттық компаниясы» акционерлік қоғамының Қоғамдық кеңесінің төрағасы;

«QazExpoCongress» ұлттық компаниясы» акционерлік қоғамының Қоғамдық кеңесінің төрағасы;

«Қазгеология» акционерлік қоғамының Қоғамдық кеңесінің төрағасы;

«ҚазАвтоЖол» ұлттық компаниясы» акционерлік қоғамының Қоғамдық кеңесінің төрағасы;

«KAZAKH INVEST» ұлттық компаниясы» акционерлік қоғамының Қоғамдық кеңесінің төрағасы;

«KazakhExport» экспорттық сақтандыру компаниясы» акционерлік қоғамының Қоғамдық кеңесінің төрағасы;

«KazakhTourism» ұлттық компаниясы» акционерлік қоғамының Қоғамдық кеңесінің төрағасы;

Астана қаласының Қоғамдық кеңесінің төрағасы;

Алматы қаласының Қоғамдық кеңесінің төрағасы;

Шымкент қаласының Қоғамдық кеңесінің төрағасы;

Ақмола облысының Қоғамдық кеңесінің төрағасы;

Алматы облысының Қоғамдық кеңесінің төрағасы;

Ақтөбе облысының Қоғамдық кеңесінің төрағасы:

Атырау облысының Қоғамдық кеңесінің төрағасы;

Шығыс Қазақстан облысының Қоғамдық кеңесінің төрағасы;

Жамбыл облысының Қоғамдық кеңесінің төрағасы;

Батыс Қазақстан облысының Қоғамдық кеңесінің төрағасы;

Қарағанды облысының Қоғамдық кеңесінің төрағасы;

Қостанай облысының Қоғамдық кеңесінің төрағасы;

Қызылорда облысының Қоғамдық кеңесінің төрағасы;

Маңғыстау облысының Қоғамдық кеңесінің төрағасы;

Павлодар облысының Қоғамдық кеңесінің төрағасы;

Солтүстік Қазақстан облысының Қоғамдық кеңесінің төрағасы;

Түркістан облысының Қоғамдық кеңесінің төрағасы;

Абай облысының Қоғамдық кеңесінің төрағасы;

Жетісу облысының Қоғамдық кеңесінің төрағасы;

Ұлытау облысының Қоғамдық кеңесінің төрағасы.

 

 

 

 

 

 

 

 

 

 

 

 

 

 

 

 

 

 

 

 

 

	Қазақстан Республикасы Мәдениет және ақпарат министрінің 2024 жылғы «___» ___________ № ____ бұйрығына 2-қосымша

 

Қазақстан Республикасының Мәдениет және ақпарат министрлігі жанындағы Қоғамдық кеңестердің үйлестіру орталығының

ережесі

 

1-тарау. Жалпы ережелер

 

1. Осы Қазақстан Республикасының Мәдениет және ақпарат министрлігі жанындағы Қоғамдық кеңестердің үйлестіру орталығы туралы ереже (бұдан                                                             әрі – Орталық) «Қоғамдық кеңестер туралы» Қазақстан Республикасының Заңы                  2-1-бабының негізінде, сондай-ақ Қазақстан Республикасы Үкіметінің 2023 жылғы 4 қазандағы № 866 қаулысымен бекітілген Мәдениет және ақпарат министрлігі туралы ереженің 1-тармағына, 13-тармағының 22) тармақшасына сәйкес әзірленді.
2. Орталық Қазақстан Республикасының Мәдениет және ақпарат министрлігінің жанында құрылатын консультативтік-кеңесші орган болып табылады.
3. Орталық өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президентінің және Үкіметінің актілерін, Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.
4. Қазақстан Республикасы Мәдениет және ақпарат министрлігінің Азаматтық қоғам істері комитеті Орталықтың жұмыс органы болып табылады.

 

2-тарау. Орталықтың мақсаттары, міндеттері және өкілеттіктері

 

5. Орталық қызметінің мақсаты қоғамдық маңызы бар мәселелер жөніндегі қоғамдық кеңестер өкілдерінің шоғырландырылған пікірін айқындау болып табылады.
6. Орталықтың негізгі міндеттері:

1) қоғамдық бақылау жүргізу және орталық атқарушы органдар, жергілікті мемлекеттік басқару және өзін-өзі басқару органдары, сондай-ақ квазимемлекеттік сектор субъектілері қызметінің ашықтығын қамтамасыз ету кезінде қоғамдық кеңестердің қызметін үйлестіру;

2) республикалық және жергілікті деңгейде шешімдерді талқылау және қабылдау кезінде жұртшылықтың пікірін есепке алу;

3) қоғамдық маңызы бар мәселелерді шешуде мемлекеттік органдар мен қоғамдық кеңестердің өзара іс-қимыл деңгейін арттыру;

4) қоғамдық маңызы бар мәселелерді шешуге, сондай-ақ қоғамдық кеңестер қызметінің тиімділігін арттыруға бағытталған келісілген іс-қимылдар мен ұсынымдар әзірлеу.

7. Орталықтың өкілеттіктеріне:

1) Мемлекет басшысының, жоғары тұрған мемлекеттік органдардың қоғамдық кеңестер мәселелері жөніндегі тапсырмаларын орындау мақсатында қоғамдық кеңестер жұмысындағы негізгі бағыттарды айқындау;

2) үкіметтік емес ұйымдармен, Қазақстанның Азаматтық альянсымен бірлесе отырып, орталық мемлекеттік және жергілікті өкілді органдармен өзара іс-қимыл жасасу үшін бірлескен іс-шараларды жүргізу;

3) Орталықтың отырыстарында барлық деңгейдегі қоғамдық кеңестер басшыларының белгілі бір кезеңдегі жұмыс қорытындылары туралы ақпаратын тыңдауды қамтамасыз ету;

4) қоғамдық кеңестер институтын одан әрі дамытуға бағытталған қажетті ұйымдастыру шараларын қарау және қабылдау;

5) барлық деңгейдегі қоғамдық кеңестердің сапалық және сандық құрамын талдау қорытындыларын талқылау;

6) мемлекеттік органдардың, ҮЕҰ-ның өкілдерін, жастар мен белсенді азаматтарды қоса алғанда, әртүрлі нысаналы топтармен жұмыс жөніндегі қоғамдық кеңестердің жұмысын жандандыру мәселелерін қарау;

7) өз құзыреті шеңберінде дайындалған уәкілетті органның ұсынымдарын орындау жөніндегі жұмыстың нәтижелерін талқылау;

8) қоғамдық кеңестердің қызметі туралы халықты кеңінен хабардар ету және жариялылықты арттыру, оның ішінде ашық тыңдаулар өткізу және қоғамдық кеңестердің отырыстарын тікелей трансляциялау арқылы шаралар қабылдау;

9) барлық деңгейдегі қоғамдық кеңестерге берілген уәкілетті органның азаматтарға қоғамдық консультацияларды ұйымдастыру және өткізу, азаматтарды қабылдау жөніндегі ұсынымдарының орындалу қорытындыларын қарау;

10) заңнамамен жүктелген өкілеттіктердің орындалуы, оның ішінде заңдылық пен құқықтық тәртіптің қамтамасыз етілуі бойынша, сондай-ақ бюджеттің қаралуы және мемлекеттік жобалардың іске асырылуы бойынша қоғамдық кеңестердің басшыларын тыңдау;

11) қоғамдық кеңестердің қызметіне қатысты өзге де өкілеттіктерді жүзеге асыру кіреді.

 

3-тарау. Үйлестіру орталығының құрамы

 

8. Орталықтың құрамына төраға, төрағаның орынбасары, хатшы, республикалық және жергілікті деңгейдегі қоғамдық кеңестердің басшылары кіреді.
9. Орталықтың қызметіне жалпы басшылықты Қоғамдық кеңестер қызметінің мәселелері жөніндегі уәкілетті орган жүзеге асырады.
10. Орталықтың төрағасы уәкілетті органмен келісу бойынша оның мүшелері – барлық деңгейдегі қоғамдық кеңестердің басшылары арасынан сайланады.
11. Төраға Орталықтың отырыстарын жүргізеді, Орталықтың мүшелерімен және уәкілетті органмен келісу бойынша отырыстардың күн тәртібін айқындайды, Орталықтың атынан құжаттарға қол қояды, өзге де өкілеттіктерді орындайды.
12. Орталықтың отырыстарында төрағалық ету Орталық мүшелерінің арасында кезектілік ретімен және отырысқа қатысып отырған Орталық мүшелерінің көпшілігінің шешімі бойынша қазіргі құрамдағы мүшеге жүктелуі мүмкін.
13. Төраға өзі болмаған кезде міндеттерін орындауды төрағаның орынбасарына жүктейді.
14. Орталық хатшысының функцияларына Орталықтың отырыстарын ұйымдастыру және олар қабылдайтын шешімдерді ресімдеу мәселелері кіреді.
15. Төраға, төрағаның орынбасары және хатшы өз өкілеттіктерін жүзеге асыру шеңберінде мемлекеттік органдар мен қоғамдық кеңестерден қажетті ақпаратты және тиісті материалдарды сұратуға құқылы.

 

4-тарау. Үйлестіру орталығының жұмысын ұйымдастыру

 

16. Орталық жұмысының негізгі нысаны отырыстар болып табылады. Орталықтың отырыстары жұмыс органының бастамасы бойынша қажеттілігіне қарай өткізіледі. Отырыстарды офлайн режимде және бейнеконференцбайланыс арқылы өткізуге жол беріледі.
17. Орталықтың шешімдері орталық мемлекеттік органдардың, жергілікті мемлекеттік басқару органдарының, квазимемлекеттік сектор субъектілерінің, сондай-ақ барлық деңгейдегі қоғамдық кеңестердің қарауы үшін міндетті болып табылады.

 

 

 

 

 

 

Дата публикации

05 апреля 2024