#@TazaQazaqstan

Өскеменде «Таза Қазақстан – ортақ іс және ортақ құндылық» тақырыбында жастармен кездесу өтіп, экологиялық мәдениет пен қоғамдық жауапкершілікті арттыру мәселелері талқыланды.

Қоршаған ортаны қорғау – тек сенбілік өткізу немесе аумақты тазалаумен шектелмейтін, күнделікті өмір салтына айналуы тиіс ортақ құндылық. Осы бағытта Өскемен қаласында жастардың қатысуымен «Таза Қазақстан – ортақ іс және ортақ құндылық» тақырыбында мазмұнды кездесу ұйымдастырылды.

Іс-шараны Өскемен қаласының Жастар ресурстық орталығы өткізді. Кездесуге еріктілер, студенттер және қаланың белсенді жастары қатысып, экологиялық мәдениетті қалыптастыру, табиғи ресурстарды ұқыпты пайдалану және туған өлкенің тазалығына жауапкершілікпен қарау мәселелері бойынша пікір алмасты.

Кездесудің басты назарында – Мемлекет басшысы Қасым-Жомарт Тоқаевтың бастамасымен жүзеге асырылып жатқан «Таза Қазақстан» жалпыұлттық бастамасының қоғамдағы маңызын арттыру және жастарды экологиялық бастамаларға кеңінен тарту болды.

– Экологиялық мәдениетті қалыптастыруда осындай кездесулердің маңызы зор. Бұл мәселелер үнемі талқыланып, жастардың ұсыныстары мен бастамаларына қолдау көрсетілсе, қоғамның экологиялық сауаттылығы да арта түседі. Бүгінгі кездесудің негізгі мақсаты – «Таза Қазақстан» бастамасының мәнін жастармен бірге талқылап, қоршаған ортаға жауапкершілікпен қарау мәдениетін қалыптастыруға үлес қосу, – деді «Қоғамның экологиялық даму орталығы» қоғамдық бірлестігінің жетекшісі Тәнір Ясса.

Жиын барысында қатысушылар өзекті экологиялық мәселелер жөніндегі ойларын ортаға салып, қаланың тазалығы мен абаттандырылуына жастардың қосар үлесі туралы ұсыныстарын айтты. Сонымен қатар табиғатты ластамау, тұрмыстық қалдықтарды дұрыс басқару, жасыл желекті қорғау және қоғамдық орындарға ұқыпты қарау мәдениетін қалыптастырудың маңызы атап өтілді.

Жастардың пікірінше, экологиялық жауапкершілік ең алдымен қарапайым күнделікті әрекеттерден басталады. Қоқысты белгіленген орынға тастау, табиғатты таза ұстау, сенбіліктер мен волонтерлік акцияларға қатысу – қоршаған ортаға деген жауапкершіліктің нақты көрінісі.

«Таза Қазақстан» – тазалық акциясы ғана емес, қоршаған ортаға деген көзқарасты өзгертуге бағытталған ортақ құндылық. Ал бұл құндылықты қалыптастыруда жастардың белсенділігі айрықша маңызды.

Өскемендегі кездесу осы бағыттағы жұмыстарды жалғастыруға және жастардың экологиялық бастамаларын қолдауға мүмкіндік беретін ашық пікір алаңына айналды.

#ТазаҚазақстан #тазаел #экология #TazaChallenge #ТазаОрта #ТазаАула @TazaQazaqstan

Өскеменде республикалық «Таза Қазақстан» бастамасы аясында ұйымдастырылған «Қала көркін сақтайық» жастар акциясы шеңберінде «Сәулетай» қалалық саябағының аумағында тазалық жұмыстары жүргізілді.

«Сәулетай» – облыс орталығы тұрғындарының сүйікті демалыс орындарының бірі. Мұнда балалар көп жүреді, әсіресе көктем мен жаз мезгілдерінде тұрғындар отбасыларымен келіп, таза ауада уақыт өткізеді.

Экологиялық акцияға студенттер, Жастар ресурстық орталығының еріктілері және қалалық волонтерлердің Фронт-офисі қатысты.

Акция барысында қатысушылар аумақты қоқыстан тазалап, құрғақ бұтақтарды жинады. Сонымен қатар ойын алаңдары мен ашық аспан астындағы жаттығу құрылғыларын шаңнан тазартып, ретке келтірді.

«Біздің басты мақсатымыз – қаланың тазалығын сақтау, қоршаған ортаға ұқыпты қарау мәдениетін қалыптастыру және тұрғындарды экологиялық бастамаларға тарту», – деді Өскемен жоғары медициналық колледжінің студенті, ерікті Байдаулет Әшімов.

Ұйымдастырушылардың айтуынша, мұндай акциялар қаланы таза ұстауға ғана емес, жастарды қоршаған ортаға жанашырлықпен қарау идеясы төңірегінде біріктіруге де ықпал етеді.

#ТазаҚазақстан #тазаел #экология #TazaChallenge #ТазаОрта #ТазаАула

@TazaQazaqstan

ШҚО-да табиғатты қорғау мәдениетін қалыптастыруға бағытталған «Таза Қазақстан» экологиялық тұжырымдамасы сәтті жүзеге асырылуда.

Бұл бағдарлама экологиялық ойлау қабілетін қалыптастыруға, табиғатқа сақтықпен қарау дағдыларын дамытуға және қоршаған ортаны қорғау іс-әрекеттеріне тартуға бағытталған.
2025 жылы өңірде 127 экологиялық іс-шара өткізілді: әртүрлі акциялар, байқаулар мен челлендждер ұйымдастырылды. Өскелең ұрпаққа экологиялық тәрбие беруге ерекше назар аударылды. 17 мектепке дейінгі ұйымда «Жасыл балабақша» жобасы интерактивті сабақтар мен ойын бағдарламалары арқылы жүзеге асырылып, балабақшадағы балаларды табиғатқа сүйіспеншілікке, қоршаған ортаны қорғауға баулу жолында маңызды қадам жасалды. Сонымен қатар аудандық және облыстық «Мен зерттеушімін» байқаулары республикалық кезеңге қатысқан үздік жас зерттеушілерді анықтап, олардың шығармашылық еңбектері республика деңгейінде таныстырылды.
Экологиялық білім мектеп бағдарламасына кіріктірілген: оқушылар «Табиғат тану» және «Әлемді тану» пәндерін оқып, «Біртұтас тәрбие» бағдарламасы аясында эко-сабақтарға қатысады. Энергияны үнемдеу, суды тиімді пайдалану, суды тазалау бойынша шеберлік сыныптары мен тамшылатып суару жүйелерін көрсету сияқты практикалық сабақтарға 86 мыңнан астам мектеп оқушысы тартылды. 5–8 сынып оқушыларына арналған ProEco байқауы, «Табиғатты аяла» жас өлкетанушылар мен жас экологтар форумы 1000-нан астам қатысушыны біріктіріп, балалар мен жасөспірімдердің экологиялық білімін арттыруға үлкен үлес қосты.
Білім беру ұйымдары деңгейінде облыс жоғары көрсеткіштерге қол жеткізді: «Үздік экологиялық білім беру ұйымы» ұлттық байқауының жеңімпаздары болып Өскемен және Алтай қалаларының мектептері, Глубокое, Шемонаиха, Тарбағатай, Марқакөл аудандары анықталды.
Басқа маңызды бағыт – абаттандыру және көгалдандыру. 2025 жылы 138 мың көшет егілді, бұл жылдық жоспардың 119,5%-ын құрады. Мемлекеттік орман қоры аумағында 15,9 млн көшет отырғызылды. Қоғамдық ұйымдар мен студенттік экологиялық клубтар белсенді қатысып, өз үлестерін қосты. Өскемен және басқа аудандарда жасыл аллеялар салынды, қала жағдайына бейімделген шырша, терек және көшеттер егілді.
Сонымен қатар тұрғындардың ауласы мен қоғамдық кеңістіктерді таза ұстау тәжірибесі жалғастырылды. «Үлгілі ауыл» және «Таза аула» байқаулары үздік аумақтарды анықтап, тұрғындарды экологиялық тәртіпке тәрбиеледі. Табиғатты қорғау акциясы «Саябақтар шеруі – 2025» 10 мыңнан астам қатысушыны біріктіріп, ағаш отырғызу, аумақтарды жинау, құстарға ұя мен жем орнату секілді шараларды қамтыды.
Бизнестің экологияға қосқан үлесі де айқын. «Парыз» байқауының қорытындысы бойынша 2025 жылы «Өскемен ЖЭО» ЖШС ірі кәсіпорындар арасында «Экологияға қосқан үлесі үшін» номинациясында үшінші орынға ие болды. Өңір тұрғындарының 150 мыңнан астамы сенбіліктерге қатысып, 231 техника пайдаланылып, 3,8 мың тонна қоқыс шығарылды. Жүздеген аула, саябақтар мен су объектілері тазартылды.
2025 жылғы нәтижелер ШҚО-да экологиялық мәдениетті қалыптастыру бойынша кешенді жұмыс нақты нәтижелер беретінін айқын көрсетті. Жасыл аймақтар саны артып, экология жағдайы жақсарып, балалар, ересектер мен бизнес бұл іс-шараларға белсенді қатысуда. «Таза Қазақстан» бағдарламасы өңірдің тұрақты дамуы мен тұрғындардың өмір сүру сапасын арттырудағы негізгі құралға айналды.

«Таза Қазақстан» жалпыұлттық бағдарламасы аясында Ұлан ауданында жастармен мазмұнды әрі шабытқа толы кездесу өтті. Іс-шара белсенді жастарды, волонтерлерді және жастар ұйымдарының өкілдерін туған өлкенің табиғатын сақтау жолындағы ортақ мақсатта біріктірді.

Кездесу форматы дәстүрлі жиын шеңберінен шығып, өңірдің болашағы, жеке жауапкершілік және ШҚО-ның экологиялық жағдайын өзгертіп жатқан нақты істер туралы ашық диалог алаңына айналды. Қатысушылар тұрмыстық қалдықтарды бөлек жинау, табиғи ресурстарды ұқыпты пайдалану және жастардың экологиялық бастамаларға қатысуы мәселелерін талқылады.

Спикерлер ретінде Ұлан ауданы Жастар ресурстық орталығының директоры Биғалиев Бауыржан және волонтер Заманбек Малика сөз сөйледі. Олар жыл бойы атқарылған жұмыстардың нәтижелерін ұсынып, өңірдегі экологиялық өзгерістердің басты қозғаушы күші – жастар екенін атап өтті.

Жыл қорытындылары көңіл қуантады. Жыл басынан бері ауданда 50-ден астам экологиялық акция ұйымдастырылып, жүздеген тұрғынды қамтыды. «Таза Қазақстан» акциясы мен Құстардың халықаралық күні аясында оқушылар құстарға арналған ұялар жасап, оларды ағаштарға іліп, өңірдің биологиялық алуандығына қамқорлық танытты.

Өңірдің табиғи нышандарының бірі саналатын Шалқар көліне ерекше назар аударылды. Мұнда емен, қайың және терек ағаштарын қоса алғанда 300 көшет отырғызылды. «Таза бұлақ» акциясы аясында Алғабас ауылында және Шалқар көлі аумағында 150 адамның қатысуымен ауқымды сенбілік өтті.

Ал «Таза жағалау» акциясы барысында Сартынбет жағалауы мен Шалқар көлінің маңы 200-ден астам волонтер мен «Жасыл ел» жасақтарының күшімен тазартылды.

Өңірдегі экологиялық бастамалар жалпыұлттық деңгейде айқындалған саясатпен толық үндес. 2025 жылғы 21 сәуірде Қазақстан Республикасының Президенті Қасым-Жомарт Тоқаев «Таза Қазақстан» экологиялық фестивалінде сөйлеген сөзінде қоршаған ортаға қамқорлық бірреттік шара емес, әрбір қазақстандықтың өмір салтына айналуы тиіс екенін атап өткен болатын. Бұл қағидат бүгінде Шығыс Қазақстан облысында жүйелі түрде жүзеге асырылып келеді.

Кездесу барысында қатысушылар өз ұсыныстарын білдіріп, елді мекендерді абаттандыру және экологиялық жобаларды одан әрі дамыту мәселелерін көтерді. Жастардың жоғары қызығушылығы мен белсенділігі өңірде экологиялық мәдениеттің қалыптасып қана қоймай, нақты нәтиже беріп жатқанын көрсетті.

Өткен кездесу экологиялық жауапкершілікті нығайту жолындағы тағы бір маңызды қадам болып, Шығыс Қазақстанның тазалықты, саналы таңдауды және орнықты болашақты таңдағанын айқындады.

Шығыс Қазақстан облысы Алтай қаласында «Табиғат тазалығы - ел болашағы» тақырыбында дөңгелек үстел өтті. Іс-шараны Алтай ауданының Жастар ресурстық орталығы ұйымдастырды.

Кездесудің мақсаты - «Таза Қазақстан» ұлттық жобасы аясында жастардың экологиялық мәдениетін қалыптастыру және қоршаған ортаны қорғауға деген жауапкершілігін арттыру.

Дөңгелек үстел жұмысына білім беру мекемелерінің өкілдері, мемлекеттік органдар, қоғамдық ұйымдар мен жастар бірлестіктерінің мүшелері қатысты. Қатысушылар өңірдегі өзекті экологиялық мәселелерді талқылап, қоршаған ортаның жағдайын жақсартуға бағытталған идеялармен бөлісті және жастарды экологиялық бастамалар мен волонтерлік жобаларға тарту жолдарын қарастырды.

Шара барысында табиғатқа ұқыпты қарау құндылықтарын насихаттау және экологиялық мәдениетті қоғам арасында кеңінен дәріптеу мәселелеріне ерекше назар аударылды.
Дөңгелек үстел соңында қатысушылар болашаққа қамқорлық пен жасыл ел құруға үлес қосу нышаны ретінде ағаш отырғызу акциясына қатысты.

Күтілетін нәтиже ретінде жастардың экологиялық сауаттылығын арттыру, табиғатты қорғау мәселелеріне деген саналы көзқарас қалыптастыру, сондай-ақ білім беру ұйымдары, мемлекеттік құрылымдар мен қоғамдық ұйымдар арасындағы ынтымақтастықты нығайту көзделуде.

Ұйымдастырушылар мұндай бастамалар басқа өңірлерге де үлгі болып, азаматтарды «Таза Қазақстан» бағдарламасына белсенді қатысуға ынталандырады деген сенім білдірді.

Өскемен қаласында ауқымды экологиялық акция – World Cleanup Day («Дүниежүзілік тазалық күні») ұйымдастырылды.

Қатысушылар мектептердің, ұйымдар мен кәсіпорындардың бекітілген аумақтарын тазалады. Эковолонтерлер мен мемлекеттік құрылымдардың негізгі аймағы Шмелев Лог аумағы болды.

Еске сала кетейік, экологиялық бастама Глубокое ауданын да қамтып, КММ «Мало-Уба орман шаруашылығының» аумағында 113 мың сібір шыршасының көшеті отырғызылды.

Жалпы облыс бойынша өткен акцияларға шамамен 1000 адам қатысты: мемлекеттік органдар мен кәсіпорын қызметкерлері, оқушылар, студенттер, ҮЕҰ өкілдері, еріктілер және белсенді қала тұрғындары.

Акция «Таза Қазақстан» бастамасы аясында ШҚО әкімдігінің, Өскемен қаласы әкімдігінің, Табиғи ресурстар және табиғат пайдалануды реттеу басқармасының, ШҚО Экология департаментінің және қоғамдық экологиялық қозғалыстардың қолдауымен өтті.

Айта кетейік, ҚР Экология және табиғи ресурстар министрлігі шара қорытындысын Қазақстан рекордтар кітабы – «ҚАЭА»-ға енгізуге өтінім берді.

Дүниежүзілік тазалық күні жыл сайын 190-нан астам елді біріктіреді, ал Қазақстан бұл бастаманы дәстүрлі түрде белсенді қолдап келеді.

Бүгін Шығыс Қазақстан облысының Белоусовка ауылында республикалық экологиялық «Таза Қазақстан» акциясы аясында сенбілік өтті. Іс-шараға мекеме және кәсіпорын қызметкерлері, мемлекеттік органдар өкілдері, жастар ұйымдары, еріктілер мен ауылдың белсенді тұрғындары қатысты.
Таңғы сағат 10:00-ден бастап қатысушылар қоқыс жинап, қоғамдық аумақтарды абаттандырумен және тұрғын үй аумақтарының маңайын тазартумен айналысты. Акцияның мақсаты – елді мекендердің санитарлық жағдайын жақсарту ғана емес, сонымен қатар халық арасында экологиялық мәдениетті қалыптастыру.
Ұйымдастырушылар жастар мен еріктілердің белсенділігін ерекше атап өтті. Көптеген қатысушылар қолғап, қоқыс салатын қап, күрек сияқты қажетті құрал-жабдықтарын өздерімен бірге ала келген.
Аудандық жастар орталығының жастар ісі жөніндегі маманы Мария Пяткова мұндай бастамалар қоршаған ортаға деген жауапкершілікті қалыптастыруда және жастардың азаматтық белсенділігін арттыруда маңызды рөл атқаратынын айтты.
Жергілікті тұрғындар ұйымдастырушыларға алғыстарын білдіріп, алдағы уақытта да осындай акцияларға қатысуға дайын екендіктерін жеткізді.