Өскеменде 200 домбырашы оқушының қатысуымен флешмоб өтеді

Республика күні қарсаңында Өскемендегі Maxi Mall сауда-ойын-сауық орталығында «Ұлы Дала мұрагерлері» домбырашылар флешмобы өтеді.

Бір мезетте 200 зияткер оқушы домбыраның күмбіріне қосылып, ұлттық өнеріміздің құдіретін паш етеді. Қос ішекті қасиетті аспаптың үніне ұласқан жас домбырашылардың өнері – ұрпақтан-ұрпаққа жалғасқан рухани мұрамыздың жарқын көрінісі.

«Ұлы Дала мұрасы – ұрпаққа аманат!» деген ұстаныммен ұйымдастырылатын шарада NIS оқушылары өз өнерлерін ортаға салып, Республика күнінің мерекелік рухын көтереді.

Өткізу күні мен уақыты: 23 қазан, 14:00.

Баршаңызды жас домбырашылардың күмбірлеген күйін бірге тыңдап, ұлттық өнердің әсемдігін сезінуге шақырамыз!