Отбасы институтын нығайту және гендерлік теңдік: тұрақты қоғамның негізі
Қазіргі заманда қоғамның тұрақты дамуы мен әлеуметтік бірлігін қамтамасыз етудің негізгі тетіктерінің бірі — отбасы институтын нығайту мен гендерлік теңдікті қамтамасыз ету. Бұл екі бағыт бір-бірімен тығыз байланысты және үйлесімді дамығанда ғана әділетті, толерантты және өркениетті қоғам қалыптасады.
Отбасы – адамзаттың ең алғашқы және маңызды әлеуметтік институты. Ол адамның дүниетанымын, құндылықтарын, мінез-құлқын қалыптастыратын алғашқы орта. Тәрбиелі ұрпақ, тату қоғам, сауатты азамат — бәрі де отбасындағы тәрбие мен қарым-қатынасқа тәуелді.
Бүгінде жаһандану мен урбанизация үдерістері отбасылық құндылықтарға, ұлттық дәстүрлерге айтарлықтай әсер етуде. Отбасы мүшелері арасындағы өзара түсіністік пен қолдаудың әлсіреуі, ажырасу деңгейінің артуы, бала тәрбиесінде жауапкершіліктің төмендеуі — бұл еліміз үшін өзекті мәселелердің бірі.
Сондықтан мемлекет тарапынан отбасылық институтты нығайту мақсатында кешенді әлеуметтік, құқықтық және тәрбиелік бағдарламалар жүзеге асырылуда. Оның ішінде:
Гендерлік теңдік — қоғам дамуының алғышарты
Гендерлік теңдік — әйел мен ер адамның құқықтары мен мүмкіндіктерінің теңдігі. Бұл тек әйелдердің құқығын қорғау ғана емес, жалпы қоғамдағы әділеттілікті, әлеуметтік тұрақтылықты орнатудың маңызды шарты.
Қазақстанда бұл бағытта маңызды қадамдар жасалып келеді. ҚР Конституциясы мен заңдары әйелдер мен ерлерге тең құқықтар мен мүмкіндіктер береді. Әйелдердің саясатқа, бизнеске, ғылым мен білімге белсенді араласуы — ел дамуының бір айғағы.
Алайда, іс жүзінде әйелдердің тұрмыстық зорлық-зомбылыққа ұшырауы, еңбек нарығындағы кемсітушілік, шешім қабылдау деңгейіндегі өкілдіктің төмендігі сынды түйткілдер әлі де бар. Осыған байланысты елімізде «Гендерлік теңдік стратегиясы», «Әйелдерге қатысты зорлық-зомбылықтың алдын алу» секілді маңызды құжаттар қабылданып, жүзеге асырылуда.
Тең құқық — үйлесімді отбасының кепілі
Отбасында әйел мен ер адамның тең құқығы мен жауапкершілігі сақталған кезде ғана шынайы сыйластық пен түсіністік орнайды. Бала тәрбиесінде де ата-ананың тең үлесі — ұрпақтың толыққанды дамуының кепілі.
Қазақы дәстүріміз де әйел мен ерді бірін-бірі толықтыратын, тең дәрежелі тұлға ретінде қарастырған. «Отағасы» мен «отанасы» ұғымдары — бірліктің, өзара құрмет пен сенімнің белгісі.
Отбасы институтын нығайту мен гендерлік теңдікке қол жеткізу — ұзақ мерзімді, бірақ аса маңызды міндет. Бұл бағыттағы әрбір қадам — тұрақты қоғам құруға қосылған үлес. Бәріміз бірлесе отырып, берекелі отбасы, тең құқықты қоғам, жарқын болашақ қалыптастыра аламыз.