Меню
Ақтау қалалық
сайлау комиссиясының
2025 ж. «06» тамыздағы
№5/1 қаулысымен бекітілген
Ақтау қалалық сайлау комиссиясының жанындағы
Жас сайлаушылар клубы туралы
Ереже
- Жалпы ережелер
- Ақтау қалалық сайлау комиссиясының жанындағы Жас сайлаушылар клубы (бұдан әрі – Клуб) жастар мен сайлау процесіне қатысушылардың еркін бірлестігі болып табылады.
Осы Ереже клуб қызметін жүзеге асыру тәртібін анықтайды.
- Клуб өз қызметін қоғамдық негізде, клубтың жұмыс жоспарларына, жас сайлаушылар мен сайлауды ұйымдастырушылардың құқықтық мәдениетін арттыруға бағытталған тиісті сайлау комиссияларының ақпараттандыру және түсіндіру бойынша іс-шаралар жоспарларына сәйкес жүзеге асырады.
- Клуб өз қызметін жүзеге асыру кезінде сайлау комиссиялары мүшелерімен, сондай-ақ өзге де органдар мен ұйымдармен, азаматтармен өзара іс-қимыл жасайды.
- Клубтың Ережесі Ақтау қалалық сайлау комиссиясының қаулысымен бекітіледі.
- Жас сайлаушылар клубының мақсаты мен міндеттері
- Клубты құрудың мақсаты жастардың назарын сайлау процесінің өзекті мәселелеріне аудару, олардың сайлау белсенділігі мен құқықтық мәдениетін арттыру болып табылады.
- Клубтың негізгі міндеттері:
1) жас азаматтарға консультативтік-әдістемелік көмек көрсету;
2) жастарды құқықтық тәрбиелеу, сайлау құқықтарын түсіндіру, сайлау мәдениетін көтеру;
3) жастардың сайлау процесіне қатысуының өзекті мәселелерін қарау;
4) жас сайлаушылардың сайлау процесіне қызығушылығын арттыру.
- Жас сайлаушылар клубының құрамы мен мүшелерінің құқықтары
- Клубтың қатысушылары студенттер, оқушылар және жұмыс істейтін жастар бола алады.
- Клуб мүшелері Клуб отырыстарының күн тәртібіне енгізілген мәселелерді талқылау кезінде тең құқықтарға ие.
- Клуб қатысушылары құқылы:
1) тиісті аумақтық сайлау комиссиясына ұсыныстар жасауға;
2) клуб қатысушыларының өзге пікірлерімен келіспеген жағдайда өз пікірін баяндауға құқылы, ол Клуб отырысының хаттамасына қоса тіркелуге тиіс.
- Жас сайлаушылар клубының қызметін ұйымдастыру
- Клубтың қызметі әртүрлі форматтағы отырыстар түрінде жүзеге асырылады.
- Клубтың отырыстарын Ақтау қалалық сайлау комиссиясының төрағасы (орынбасары) немесе басқа да мүшесі қажеттілікке қарай, бірақ жылына кемінде екі рет шақырады және өткізеді.
- Клубтың қызметін, іс қағаздарын жүргізуді және отырыстардың дайындалуын ұйымдастыруды қамтамасыз ететін жұмыс органы Ақтау қалалық сайлау комиссиясы немесе анықталған ұйым (колледж, мектеп) болып табылады.
- Жұмыс органы:
1) отырыстарды дайындау және өткізу жөніндегі ұйымдастыру жұмысын жүзеге асырады;
2) Клуб қатысушыларын кезекті отырыстың өтетін күні мен күн тәртібі туралы оны өткізгенге дейін бес жұмыс күнінен кешіктірмей, Клубтың іс-шараларының өтетін күні туралы оны өткізгенге дейін үш жұмыс күнінен кешіктірмей хабардар етеді;
3) Клуб отырысы барысында хаттама, оның ішінде аудио-, бейнежазба құралдарын пайдалана отырып жүргізеді.
- Қорытынды ережелер
- Осы Ережеге өзгерістер мен толықтырулар Ақтау қалалық сайлау комиссиясының қаулысымен енгізіледі.
- Клуб қызметі Ақтау қалалық сайлау комиссиясының қаулысымен тоқтатылады.