Қазақстан Республикасының Тұңғыш Президенті күні – 1 желтоқсанда атап өтілетін Қазақстандағы мемлекеттік мереке. Мереке Нұрсұлтан Әбішұлы Назарбаевтың жетістіктерін мойындау мақсатында ұйымдастырылған болатын.
1991 жылғы 1 желтоқсанда бірінші бүкілхалықтық сайлауда Нұрсұлтан Әбішұлы Назарбаев Қазақ КСР Президенті лауазымына сайланды.
Нұрсұлтан Әбішұлы Назарбаев жалғыз үміткер болып, 98,7 пайыз дауыспен сайлауда жеңіске жетті.
Қазақстан Республикасы Парламенті Сенатының бір топ депутаттары мереке құру туралы ұсынысты алға тартпайынша, көп жылдар бойы 1 желтоқсан күнтізбеде әдеттегі күн болатын. Мәселен, 2011 жылғы 10 желтоқсанда Қазақстан Республикасы Парламенті Сенатының пленарлық отырысында «Қазақстан Республикасындағы мерекелер туралы» Қазақстан Республикасының Заңына толықтыру енгізу туралы» Заңы қабылданды. 2011 жылғы 14 желтоқсанда Қазақстан Республикасының Президентімен заңға қол қойылды.
2012 жылғы 1 желтоқсаннан бастап Қазақстан Республикасының Тұңғыш Президенті күні бүкіл Қазақстан бойынша атап өтіледі. Бұл атаулы күні бүкіл елде мәдени-бұқаралық іс-шаралар өткізіліп, концерттер, тұсаукесерлер, форумдар мен кездесулер ұйымдастырылады, олардың басты мақсаты елдегі бейбітшілік пен келісімді нығайту болып табылады.
Тәуелсіз Қазақстанның тарихы Нұрсұлтан Әбішұлы Назарбаевтың есімімен тығыз байланысты. Тұңғыш Президенттің көпвекторлы саясаты Қазақстанға өзін тұрақты дамуы бар демократиялық ел ретінде бүкіл әлемге танытуға мүмкіндік берді.
Біз бүгін, Нұрсұлтан Әбішұлы Назарбаев барлық жағдайды жасады және Қазақстанның болашағы үшін жақсы іргетас қалады деп нық сеніммен айта аламыз.
Ақмола облысы
Әділет департаментінің
нормативтік құқықтық
актілерді тіркеу бөлімінің
жетекші маманы
А.Қ. Жангулина