Онлайн көрсетілім:
2026 жылдың II тоқсанында сәулет, қала құрылысы және цифрландыру бөлімі тарапынан келесі жұмыстар атқарылды.
Қазіргі уақытта Абай облысында елді мекендердің аумақтық жоспарлануы мен дамуы бағытында кешенді жұмыстар жүргізілуде.
Атап айтқанда, ағымдығы жылы 5 қала құрылысы бойынша жұмыстары жүргізілуде. Сонымен қатар, 2025 жылғы 18 қала құрылысы жобалары бойынша бекіту жұмыстары жүргізілуде.
Ағымдағы жылдың басында Бақты және Қабанбай ауылдарының жер асты және жер үсті инженерлік коммуникацияларын цифрландыру жұмыстары аясында далалық жұмыстар толық аяқталды, камералдық өңдеу жұмыстары басталды. Жұмыстар ағымдағы жылдың қараша айының соңына дейін аяқталады.
Бүгінгі таңда Абай облысы бойынша МҚҚК ААЖ толықтырылу деңгейі:
сәулет-жоспарлау тапсырмалары бойынша – 60,8 %;
эскиздік жобаларды келісу бойынша – 63,6 %;
объектілерді пайдалануға қабылдау актілері бойынша – 52,6 %.
Аталған жұмыстар қала құрылысы саласындағы деректердің бірыңғай цифрлық базасын қалыптастыруға, рәсімдердің ашықтығын арттыруға және аумақтық даму саласында басқарушылық шешімдердің сапасын жақсартуға бағытталған.