Абай облысында 2025 жылғы өрт қауіпті маусымның басталуы туралы хабарландыру

Орман шаруашылығы және жануарлар дүниесі комитеті Төрағасының м.а. 2025 жылғы 9 наурыздағы № 24.03/61-к бұйрығына сәйкес «Семей Орманы» мемлекеттік орман табиғи резерватының және «Тарбағатай» мемлекеттік ұлттық табиғи паркінің аумағында өрт қауіпті маусымның 2025 жылғы 14 сәуірден басталатын күні белгіленді.

Осы кезеңде сақтық шараларын сақтау өте маңызды. Өрттің алдын алу үшін облыс тұрғындарынан өте мұқият болуды және өртке қарсы қауіпсіздік ережелерін сақтауды сұраймыз:

• Орман қорының аумағында от жағуға болмайды.
• Жанып тұрған сіріңкелерді, темекі тұқылдарын және жануды тудыруы мүмкін шыны заттарды тастамаңыз.
• Орман аймақтарының жанында пиротехникалық бұйымдарды қолдануға болмайды.

 

Жер учаскелері орманды алқаптарға іргелес жатқан шаруа қожалықтары:

• Өрттің алдын алу үшін ауыл шаруашылығы техникасына ұшқын сөндіргіштерді орнату.
• Құрғақ өсімдіктердің, сабандардың және қоқыстардың бақыланбайтын күйдірілуін болдырмау.
• Ауыл шаруашылығы жұмыстарын жүргізу орындарында алғашқы өрт сөндіру құралдарының болуын қамтамасыз ету.