16-17 қаңтар аралығында Шүлбі кентінде "Жас Сарбаз» әскери-патриоттық қозғалысы тәрбиеленушілері арасында Республикалық «Қалқан» қысқы спартакиадасының облыстық кезеңі өтті. Іс-шараға қала мен аудандардан жиналған 11 команда қатысты.
Тартысты спорттық шара Ұлы Отан соғысындағы Жеңістің 80 жылдығына арналды. Қатысушыларға арнайы «Отан үшін отқа түскендер» атты деректі фильмі көрсетіліп, тарихи жады мен патриотизмнің маңыздылығы насихатталды.
Спартакиада барысында қатысушылар спорттық және әскери дайындық бағытында бірнеше сайыстарда бақ сынады. Қорытынды бойынша жеке біріншілік пен командалық есепте жеңімпаздар анықталып, олар марапатталды.