Жергілікті қоғамдастық өкілдерімен пікір алмасу үшін алаң ұйымдастыру

«Shygys - Adaldyq alany» жоспарын жүзеге асыру мақсатында «Borodyliha – Adaldyq alany» кеңселік жобасының жетекшісі жергілікті қауымдастық өкілдерімен пікір алмасу үшін WhatsApp арқылы онлайн алаңда болды.

Күн тәртібінде келесі мәселелер қаралды:

1) Сайлау және медиаторлар тізілімінде болу мерзімін ұзарту;

2) Округ көшелеріне атаулар беру және қолданыстағыларын қайта атау;

3) Әртүрлі.

Бірінші мәселе бойынша қазіргі медиатор Роза Бекетайқызы Асылбекованың мерзімін ұзарту туралы шешім қабылданды.

Екінші мәселе бойынша келесі көшелерді қайта атау ұсынылды:

- Бородулиха ауылындағы Пионерская көшесін Абылай хан немесе Песчанная; Октябрьская көшесін Приозерная немесе Кеңес Одағының Батыры Капорин есімімен;

- Успенка ауылындағы Отдельная көшесін Тәуелсіздік көшесіне.

- Знаменка ауылында екі көшенің атауы болмаған. Тұрғындардың талқыға салуы бойынша Бейбітшілік және Абай көшелері деп атау ұсынылды.

Сондай-ақ басқа да маңызды мәселелер айтылды.

Бородулиха ауданы әкімінің кеңесшісі, «Бородулиха – Адалдық алаңы» жобалық кеңсесінің жетекшісі Темірлан Асылжанұлы Әскенов.