Сәулет, қала құрылысы және құрылыс саласындағы мемлекеттік қызметтер «Құрылыс саласында құрылыс салуды ұйымдастыру және рұқсат беру рәсімдерінен өту қағидаларын бекіту туралы» Қазақстан Республикасы Ұлттық экономика министрінің 2015 жылғы 30 қарашадағы № 750 бұйрығына сәйкес көрсетіледі.
Қазақстан Республикасы цифрлық даму, инновациялар және аэроғарыш өнеркәсібі министрінің м. а. 2020 жылғы 31 қаңтардағы № 39/Н бұйрығымен бекітілген мемлекеттік көрсетілетін қызметтер Тізіліміне сәйкес облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, аудандық маңызы бар қалалардың, кенттердің, ауылдардың, ауылдық округтердің әкімдері, сондай-ақ сәулет, қала құрылысы және құрылыс саласындағы уәкілетті органдар 8 мемлекеттік қызмет көрсетеді.
- Құрылыс және реконструкциялау (қайта жоспарлау және қайта жабдықтау) жобаларын әзірлеу кезінде бастапқы материалдарды ұсыну
- Эскизді (эскиздік жобаны) келісу.
- Жылжымайтын мүлік объектісінің мекенжайын тағайындау/ жою.
- Объектілерді кейіннен кәдеге жарату (ғимараттар мен құрылыстарды бұзу) жөніндегі жұмыстар кешенін жүргізуге шешім беру.
- Үлескерлердің ақшасын тартуға рұқсат беру.
- Тұрғын үй құрылысына үлестік қатысу туралы шарттың есептік жазбасы туралы үзінді көшірме беру.
- Қауіпті өндірістік объектілерді салуға, кеңейтуге, реконструкциялауға, жаңғыртуға, консервациялауға және жоюға арналған жобалау құжаттамасын келісу
- Аудандық маңызы бар қалалардың, ауылдардың, кенттердің, ауылдық округтердің аумағы шегінде, елді мекендерден тыс үй-жайлардан тыс ашық кеңістікте және жалпыға ортақ пайдаланылатын автомобиль жолдарының бөлінген белдеуінен тыс сыртқы (көрнекі) жарнаманы орналастыруды келісу.