Пайдаланылмайтын жерлерді қайтару бойынша жүргізіліп жатқан жұмыстар туралы.

Пайдаланылмайтын жерлерді қайтару бойынша жүргізіліп жатқан жұмыстар туралы.

Ағымдағы жылы ведомствоаралық кіші топ жеткізілген жерді мемлекеттік меншікке қайтару жоспарынан 253,6 мың га пайдаланылмайтын жер қайтарылды, жалпы ауданы 409,3 мың га 362 жер учаскесі анықталды.

Барлық анықталған фактілер бойынша материалдар кейіннен мемлекеттік меншікке қайтару үшін заңнамада көзделген тиісті шараларды қабылдау үшін Абай облысының Жер ресурстарын басқару департаментіне берілді.

Қайтарылған жер учаскелерін кейіннен жергілікті атқарушы органдар заңнамада көзделген тәртіппен, негізінен ауыл халқының қажеттіліктерін қанағаттандыру үшін, өз малын жаю үшін жайылымдар беру жолымен қайта бөлетін болады.

Облыс бойынша мемлекет меншігіне қайтарылған жерлерден ауыл шаруашылығы мақсатында 46,2 мың гектар жер берілді.

Мәселен, ағымдағы жылы Ақсуат ауданында 31,0 мың га аумақты мемлекеттік меншікке қайтарған жерлер ауыл шаруашылығы тауарын өндіру үшін 113 Жергілікті агроқұрылымға берілді, ал 13,0 мың га әкімдіктерге халықтың мал басын жаю үшін бекітілді (резервтелген).

Жарма ауданында өңір шаруашылықтарының бірінің пайдаланылмайтын жерлері мемлекеттік меншікке қайтарылғаннан кейін инвестициялық жобаларды іске асыру шеңберінде агроқұрылымдарға берілді:

• «Алтын Қазан» ЖШС-не күнбағыс майын одан әрі өңдей отырып, тамшылатып суару әдісімен дәнді және басқа да дақылдардың алқаптарын ұлғайту жөніндегі жобаны іске асыру шеңберінде жалпы ауданы 242,0 га учаскелер берілді;
• «Нұркелді» АШК түйіршіктелген жемшөп өндіру және қайта өңдеу кешенін салу жобасын іске асыру шеңберінде жалпы ауданы 980,1 га, оның ішінде 337,0 га егістік жер учаскелерін берді.