Агенттік тауарларды бөлшек саудада өткізу мақсатында электрондық сауда алаңдарына кіруді қамтамасыз ету қызметтері нарығындағы бәсекелестіктің жай-күйіне талдау жүргізді.
Географиялық шекаралары-Қазақстан Республикасының аумағы болып белгіленді.
Электрондық сауда алаңдарының қызметі «Сауда қызметін реттеу туралы» Заңмен (бұдан әрі - Заң) реттеледі.
Заңның 1-бабының 58-тармақшасына сәйкес Электрондық сауда алаңы – бұл электрондық саудаға қатысушыларды инфрақұрылыммен, оның ішінде ақпараттық-коммуникациялық технологияларды пайдалана отырып, олардың арасында жұмыстар мен қызметтер көрсетуге арналған шарттар жасасуды қамтамасыз ететін интернет-ресурс.
Шоғырлану коэффициентінің мәндеріне сәйкес зерттелетін қызметтер нарығы дамымаған әрі бәсекелестікпен жоғары шоғырланған.
Нарық субъектілерінің құрамына Қазақстан Республикасында орналасқан бөлшек саудагерлерге ақылы қызмет көрсететін 9 электрондық сауда алаңы кірді.
1) «Kaspi Магазин» ЖШС;
2) «Halyk Finservice» ЖШС (Halyk Market);
3) «Интернет Решения» ЖШҚ (Ozon);
4) «INDEX» ЖШС (Forte Market);
5) «Jusan Mart» ЖШС (Jusan Market);
6) «Купишуз» ЖШҚ (Lamoda);
7) «ИМВБКЗ (Wildberries)» ЖШС;
8) «Amazon»;
9) «AliExpress».
Талдау қорытындысы бойынша 2023 жылдың бірінші жартыжылдығында «Каспи Магазин» ЖШС және «Wildberries» (ИМВБКЗ ЖШС) жиынтық үлесі бойынша 50% - дан астам үстем жағдайға ие екені анықталды.
Талдамамен толығырақ мына сілтеме бойынша танысуға болады: https://www.gov.kz/memleket/entities/zk/documents/details/613231?lang=ru