Зайсан аудандық мәслихат аппараты

Мәслихат қызметінің толық сипаттамасы.

"Зайсан аудандық мәслихатының аппараты" мемлекеттік мекемесі Зайсан аудандық мәслихаты мен оның органдарын ұйымдастырушылық, құқықтық, материалдық - техникалық және өзге де қамтамасыз етуді жүзеге асырады, депутаттарға олардың өкілеттіктерін жүзеге асыруға көмек көрсетеді. "Зайсан аудандық мәслихат аппараты" мемлекеттік мекемесінің құрылтайшысы Зайсан аудандық мәслихаты болып табылады. Мәслихат аппараты өз қызметін Қазақстан Республикасының Конституциясына, Қазақстан Республикасының заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, аудандық мәслихат регламентіне, сондай-ақ мәслихат Ережесіне сәйкес жүзеге асырады.Аудандық мәслихат аппараты туралы ереже, оның құрылымы, оны ұстауға және материалдық-техникалық қамтамасыз етуге арналған шығыстарды Зайсан аудандық мәслихаты заңнамада белгіленген сан мен қаражат лимиті шегінде бекітеді.Мәслихат аппараты өз атынан азаматтық-құқықтық қатынастарға түседі. Мәслихат аппараты өз құзыретінің мәселелері бойынша заңнамада белгіленген тәртіппен өкімдермен ресімделетін шешімдер қабылдайды. Мәслихат аппараты мемлекеттік тіркелген сәттен бастап заңды тұлға мәртебесіне ие болады. Мәслихат өкілеттігінің мерзімі өткеннен кейін, мәслихат өкілеттігі мерзімінен бұрын тоқтатылған және оның депутаттарының жаңа құрамы сайланған жағдайларда, мәслихат аппараты мемлекеттік қызметшілерінің қызметі тоқтатылмайды. Мәслихат аппаратының қызметі үздіксіз жүзеге асырылады.Мәслихат өкілеттігі мерзімінен бұрын тоқтатылған жағдайда мәслихат аппаратының қызметіне кезекті шақырылған мәслихат төрағасы  сайланғанға дейін мәслихат аппаратының басшысы басшылық етеді.

Ереже