«Менің әдістемелік қоржыным» облыстық қашықтық байқауының қорытындысы
ШҚО білім басқармасымен 2021 жылдың 13 наурыз - 09 сәуір аралығында колледждердің инженерлік-педагогикалық қызметкерлері арасында «Менің әдістемелік қоржыным» облыстық қашықтық байқауы өткізілді.
Байқаудың мақсаты: білім беру үдерісін оқу-әдістемелік қамтамасыз ету бойынша педагог қызметкерлерінің шығармашылық бастамаларын дамыту, педагогикалық тәжірибені тарату.
Байқау 2 номинация бойынша өткізілді:
- пәнді оқыту бойынша оқу-әдістемелік құрал;
- сабақ (оқу сабағы).
«Оқу әдістемелік құрал» номинациясында оқытушылар оқу үдерісінде пайдаланылатын оқу-әдістемелік құралдары мен жұмыс дәптерлерін ұсынды.
«Сабақ (оқу сабағы)» номинациясында оқытылатын пәннің оқу бағдарламасына сәйкес келетін кез келген тақырыпқа сабақ немесе оқу сабағын ұсынды.
Байқауға барлығы 200-ден астам жұмыс ұсынылды.
Қатысушылардың жұмыстары келесі критерийлер бойынша бағаланды:
- авторлық материалдың жаңашылдығы, бірегейлігі және шығармашылық бағыты;
- заманауи білім беру, оның ішінде ақпараттық технологияларды пайдалану;
- жұмысты безендіру мәдениеті (материалды ұсыну сапасы, материалдың құрылымы, қорытындылардың болуы) және т.б.
Байқау қорытындысы бойынша әр номинацияның жеңімпаздары мен жүлдегерлері және номинанттары анықталды.
Сондай-ақ, «Мазмұнды оқу-әдістемелік жұмыс», «Креативті оқу-әдістемелік жұмыс», «Ақпараттық сабақ», «Өзекті сабақ» және т.б. номинациялар бойынша жұмыстар атап өтілді.
Байқау жүлдегерлерін, жеңімпаздар мен номинанттарды құттықтаймыз!