Биыл «Жайық сазы» дәстүрлі өнер фестивалі алтыншы мәрте өтпек. Өнер фестивалі 10 қыркүйек сағат 20.00-де Қадыр Мырза Әли атындағы мәдениет және өнер орталығының амфитеатрында өтеді. Шараның мақсаты - дәстүрлі ән, күй, өнерін насихаттау арқылы ұлттық мәдениетке деген сүйіспеншілікті қалыптастырып, қазақ халқының рухани байлығы дәстүрлі өнерді келешек ұрпаққа жеткізу, дәстүрлі ән мен күй өнерін кеңінен насихаттау. Фестивальде өңірлік, республикалық, халықаралық байқаулардың лауреаттары, көршілес Ақтөбе, Атырау қалаларының өнерпаздары өнер көрсетеді.