Ұлытау облысында ветеринария саласының дамуына сүбелі үлес қосып жүрген мамандар мен ардагерлер кәсіби мереке қарсаңында лайықты марапатқа ие болды. Бұл сала – ауыл шаруашылығының негізгі тіректерінің бірі ретінде өңір халқының саулығы мен азық-түлік қауіпсіздігін қамтамасыз етуде маңызды рөл атқарып келеді. Сала қызметкерлерін ұлықтауға арналған салтанатты жиын облыс орталығында өтті.
Марапаттарды Ұлытау облысы әкімі аппаратының басшысы Кеңгірбай Смағұлов салтанатты түрде табыс етті.
Сала мамандарына Қазақстан Республикасы Ауыл шаруашылығы министрлігінің және облыс әкімінің атынан төмендегідей марапаттар берілді:
• Қазақстан Республикасы Ауыл шаруашылығы министрлігінің «Ауыл шаруашылығы саласының үздігі» төсбелгісі;
• Қазақстан Республикасы Ауыл шаруашылығы министрлігінің «Еңбек ардагері» медалі;
• Ұлытау облысының Құрмет грамотасы;
• Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Құрмет грамотасы;
• Ұлытау облысы әкімінің Алғыс хаты.