Ұлытау облысының дене шынықтыру және спорт басқармасы

"Ұлытау облысының дене шынықтыру және спорт басқармасы" мемлекеттік мекемесі, Ұлытау облысының дене шынықтыру және спорт саласындағы мемлекеттік саясатты іске асыру мақсатында тиімді мемлекеттік басқаруды және салааралық, өңіраралық үйлестіруді қамтамасыз етеді.

Мемлекеттік органның міндеттері:

1) облыста дене шынықтыру мен спортты дамыту, спорт резервін және халықаралық дәрежедегі спортшыларды даярлау;

2) дене шынықтыру мен спорттың материалдық-техникалық базасын құру және нығайту, олардың инфрақұрылымын дамыту;

3) бұқаралық ақпарат құралдары арқылы халықтың кең тобын дене шынықтырумен және спортпен шұғылдануға тарту жөнінде ақпараттық-насихаттау жұмыстарын жүргізу;

4) дене шынықтыру мен спортты дамыту жөніндегі мемлекеттік саясатты іске асыру мәселелері бойынша ведомстволық бағынысты ұйымдардың қызметін үйлестіру, сондай-ақ саланың өзекті мәселелерін тиімді шешуге қатысты мәселелер бойынша олармен өзара бірлесіп жұмыс  жасау.