ХАБАРЛАНДЫРУ
Құрметті қала тұрғындары!
Төлеби ауданы әкімдігінің веб-сайтында «Халық хатысатын бюджет» сілтемесі ашылған, Ленгір қаласын көркейту және абаттандыру мақсатында өз жобаларыңызды ағымдағы жылдың 10 ақпанынан 1 наурызына дейін (www.gov.kz/memleket/entities/turkestan-tolibi-audany) сайтына жүктей алатындарыңызды хабарлаймыз. Өз жобаларын кәмелетке толған кез келген қала тұрғыны ұсына алады.
Жобаны ұйымдастыру туралы ережесі сайтқа жарияланады.
«Халық қатысатын бюджет» шеңберінде мынадай іс-шаралар дауыс беруге шығарылады және әкімдік (әкім аппараты) іске асырады:
1) аумақты көгалдандыру;
2) тротуарларды жайластыру;
3) тротуарларды, пандустарды, арықтарды салу және жөндеу;
4) ортақ пайдалану орындарын құру, жөндеу және жарықтандыру (саябақтар,
скверлер, жаяу жүргіншілер аймақтары, көшелер және өзге де объектілер);
5) бордюрларды, брусчаткаларды, тіреуіш қабырғаларды жөндеу;
6) қоқыс тастайтын жерлерді жою;
7) ортақ пайдалану орындарында күркелер, орындықтар, урналар және балалардың ойнауы және ересек тұрғындардың демалуы үшін жабдықтар мен конструкциялар орнату және жөндеу;
8) аула аумақтарында және ортақ пайдалану орындарында спорттық (жаттығу алаңдарын, футбол, баскетбол, волейбол алаңдарын), балалар ойын алаңдарын орнату, жөндеу және жарықтандыру;
9) санитарияны қамтамасыз ету.
Жобалық ұсыныстарға болжамды сметалық есептеулер, сондай-ақ қазіргі күйдің фотосуреттері мен жобаның фотосуреті / эскизі / макеті / схемасы / қалауыңыз бойынша презентация (оларды интернет-ресурстан пайдалануға болады) қоса тіркеу қажет.
Егер жобалық ұсынысты дауыс беру процесінде басқа тұрғындар қолдаса, қалалық бюджет қаражаты есебінен іске асыру ұсынылады.
Сараптамалық кеңес шешімінің нәтижелері қала әкімдігінің интернет-ресурсында орналастырылады.