Созақ аудандық мәслихатының сегізінші шақырылымындағы кезекті отыз тоғызыншы сессиясын шақыру туралы
Созақ аудандық мәслихат төрағасының 03.03.2026 жылғы №38 шешімі
Созақ аудандық мәслихатының
сегізінші шақырылымындағы
кезекті отыз тоғызыншы
сессиясын шақыру туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 10-бабының 2-тармағына сәйкес, Созақ аудандық мәслихатының сегізінші шақырылымындағы кезекті отыз тоғызыншы сессиясы 2026 жылғы 17 наурыз, сағат 11.00-де, Шолаққорған ауылында шақырылсын.
Созақ аудандық мәслихатының
төрағасы О.Жәмиев
Созақ аудандық мәслихатының депутаттары мен аудан халқының назарына
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 10-бабына сәйкес, Созақ аудандық мәслихатының сегізінші шақырылымындағы кезекті отыз тоғызыншы сессиясы 2026 жылғы 17 наурыз, сағат 11.00-де Шолаққорған ауылында шақырылатыны туралы Сіздерді хабардар етемін. Мекен-жайы: Шолаққорған ауылы, Жібек жолы көшесі, №16.
Депутаттарды тіркеу 17 наурыз, сағат 09.00-ден бастап аудандық мәслихатта өткізіледі.
Аудандық мәслихаттың тұрақты комиссияларының бірлескен мәжілісі 2026 жылғы 17 наурыз, сағат 09.00-де өткізіледі.
Сессияның қарауына мына мәселелер ұсынылады:
- Аудан әкімдігінің құрылыс, сәулет және қала құрылысы бөлімінің атқарған жұмыстары мен алда тұрған міндеттері туралы есебі.
- Аудандық орталық аурухананың атқарған жұмыстары мен алда тұрған міндеттері туралы есебі.
- Қыземшек кенті әкімінің есебі.
Сессия қарауына келіп түсуіне қарай өзге де мәселелер енгізілуі мүмкін.
Созақ аудандық мәслихатының
төрағасы О.Жәмиев