Кентау қаласында 2019 жылғы бойынша кәсіпкерлік саласындағы атқарылған жұмыс жоспары туралы
Өнеркәсіп және кәсіпкерлік саласы
2019 жылдың 10 айында өнеркәсіп кәсіпорындарында 23233,8 млн. теңгенің өнімін өндіріп, өндірілген өнімнің нақты көлем индексі 2018 жылдың сәйкес кезеңімен салыстырғанда 101,6 пайызды құрады. (2018 жылы 10 айы – 100,9%)
Өңдеу өнеркәсібінде 21338,3 млн.теңгенің өнімі өндіріліп, нақты көлем индексі 100,1 пайызды құрады.
Шағын және орта кәсіпкерлік
2019 жылғы 10 айында қолданыстағы шағын орта кәсіпкерлік субъектілерінің саны 8590 бірлікті, белсенді 8417, ал, 2018 жылдың осы кезеңіне 6784 бірлік, белсендісі 6567 бірлікті құрап, 2019 жыл 2018 жылдың 9 айлық кезеңімен салыстырғанда тіркелгендер 126,6%-ға, белсенділер 128,1 %-ға ұлғайды.
Шағын және орта бизнес субъектілерінің 2019 жылдың 10 айында өндірген өнімдері мен жасаған қызметтерінің соммасы 70 566,2 млн.теңгеге, өткен 2018 жылдың осы кезеңіне өндірген өнімдері (61134,8 млн.тенге) деңгейіне шаққанда 115,4% өсімді құрап отыр.
Инвестиция
Қаланың негізгі капиталына тартылған инвестиция көлемі (бюджеттік инвестиция кірмейді) 2019 жылғы 10 айында 16517,8 млн. теңге құрап, 2018 жылдың сәйкес кезеңімен салыстырғанда (12315,4 млн. теңге) өсімі 124,0 % құрады.
Кентау қаласы бойынша инвестициялық жобалар.
Кен өндіру
Бүгінгі таңда жер қойнауын пайдаланушы тарапынан №4816-ҚПҚ келісімшарты бойынша Қазақстан Республикасы инвестициялар және даму министрлігінен қосымша келісімшартты алу жұмыстары жүргізілуде.
Алайда, «ЭКОсплав» ЖШС тарапынан қаржылық қиындықтарына байланысты кен орнын барлау бойынша келісім-шартты сатылымға қойылған.
Кентау қаласы бойынша 2015-2019 жылдары өңірлер кәсіпкерлігін қолдау картасы.
Кентау қаласы бойынша 2015-2019 жылдары өңірлер кәсіпкерлігін қолдау картасына жалпы құны – 52290,9 млн. теңге 6 жоба енгізіліп, 4 жоба толығымен іске асырылды. Оның ішінде:
Индустриялды аймақ.
Кентау қаласындағы индустриялық аймақтың (бұдан әрі - ИА) жалпы ауданы 25 га., 5,15 га-на 5 жобаны іске асыру жоспарланып, 4,3 га-на инженерлік инфрақұрылым орналасқан, 15,55 га жер телімі бос.
Бүгінгі таңға Индустриялық аймақта 2 жоба толық іске асырылған, атап айтқанда:
Индустриялды аймаққа орналасып, 2019 жылы іске қосылатын жобалар. Атап айтқанда.
«Бесқасқа» ЖШС «Асфальт-бетон қоспасын өңдеу зауыт құрылысы» жобасы, жоба құны 189,5 млн,теңге. Жер көлемі 1 га. Жылдық қуаттылығы 200 мың тонна асфальт-бетон қоспасын шығару. Зауыт құрылысы толығымен аяқталған. Бүгінгі таңда жоба әзірленіп, сараптамадан өткізу жұмыстары жүргізілген. Алайда 2018 жылда әзірленген жоба(проект) дұрыс болмауына байланысты сараптамадан өткізілмей кері қайтарылған.
Сонымен қатар жер телімінің мерзімі өтуіне байланысты, «ОҚО Бизнесі» Өңірлік үйлестіру кеңесінің кезекті отырысыныда қарау үшін құжаттар қайта жолднып, оң шешімі алынды. 2018 жылдың 5 қазанда №8 хаттама.
Кәзіргі таңда жобының іске қосу мақсатында «Бесқасқа» ЖШС-нің басшылары өтініші қайта қаралып және Кентау қала әкімдігінің жер қатынастары бөліміне өткізілді. Жоба толығымен іске асқанда 20 адам жұмыспен қамтылатын болады.
ЖК Е.Ауэзов «Оттегі шығаруды ұйымдастыру» жобасы, жоба құны 45 млн,теңге. Жер көлемі 0,25 га. Жылдық қуаттылығы 25 мың дана оттегі баллонын толтыру көзделуде. Цех құрылысы толығымен аяқталған. Сонымен қатар жер телімінің мерзімі өтуіне байланысты, «ОҚО Бизнесі» Өңірлік үйлестіру кеңесінің кезекті отырысыныда қарау үшін құжаттар қайта жолдап, оң шешімі алынды. 2018 жылдың 5 қазанда №8 хаттама.
Кәзіргі таңда құжаттарын Кентау қала әкімі қаулысының оң шешімі шығып, мемлекеттік актісі алынды.
Жоба толығымен іске асқанда 10 адам жұмыспен қамтылатын болады.
Сонымен қатар аймаққа қызығушылық танытқан 6 жобамен келіссөздер жүргізіліп, тиісті жұмыстар атқарылуда. Атап айтқанда:
-«ЭХТ» ЖШС, «Гипохлорид өндіру цех» жобасы, жоба құны 56 млн.теңге. қажетті жер телімі 0,5 га. Жылдық қуаттылығы 5 мың тонна гипохлорид. Ашылатын жұмыс орын саны 12 адам. Өңірлік үйлестіру кеңесінің қорытындысы алынып, Кентау қала әкімдігінің жер қатынастары бөлімінен мемлекеттік актісі берілді. Бүгінгі таңда қала әкімі қаулысының оң шешімі алынып, мемлекеттік актісі азірленді.
-ЖК Таженов Е, «Штукатурка торын шығару цехі» жобасы, жобаның болжамдық құны 55 млн.теңге, қажетті жер телім 0,3 га. Ашылатын жұмыс орын саны 10 адам. Жоба бойынша тиісті құжаттар жинақталып, өңірлік үйлестіру кеңесінің қарауынан оң шешімі алынып Кентау қала әкімінің қаулысының оң щешімі қаралып, мемлекеттік актісі алынды.
«ATSGroupLTD» ЖШС «Асфальт-бетон қоспасын өңдеу зауыт құрылысы» жобасы, жобаның болжамдық құны 66,1 млн.теңге, қажетті жер телім 2,2 га. Ашылатын жұмыс орын саны 20 адам. Жоба бойынша тиісті құжаттар өңірлік үйлестіру кеңесінің қаралуынан оң шешімі алынып Кентау қалалық жер қатынастар бөлімінде мемлекеттік актісі алынды.
«МЖ-Алихан» ЖШС «Темірбетон бұйымдарын жасау» жобасы, жобаның болжамдық құны 92 млн.теңге, қажетті жер телім 0,8 га. Ашылатын жұмыс орын саны 25 адам. Жоба бойынша тиісті құжаттар өңірлік үйлестіру кеңесінің қаралуынан оң шешімі алынды.
«Rich Investment» ЖШС «Техногендік-минералды түзілімдердің өрескел қорғасын өндіру тау-кен металлургия кешенінің құрылысы» (Строительство горно-металлургического комплекса по производству чернового свинца на базе техногенных-минеральных образований) жобасы, жобаның болжамдық құны 1 млдр 888 млн.теңге, қажетті жер телім 1 га. Ашылатын жұмыс орын саны 267 адам. Жоба бойынша тиісті құжаттар өңірлік үйлестіру кеңесінің қаралуынан оң шешімі алынды.
«Сим Тас» ЖШС «Керамзит кирпішін өндеу завод құрылысы» (Строительства керамзитово-кирпичного завода) жобасы, жобаның болжамдық құны 458 млн.теңге, қажетті жер телім 2 га. Ашылатын жұмыс орын саны 29 адам. Жоба бойынша тиісті құжаттар өңірлік үйлестіру кеңесінің қаралуынан оң шешімі алынды.
«Береке-Жол-Д» ЖШС «Жол битумдарын өндіруге арналған зауыт құрылысы» (СТРОИТЕЛЬСТВО ЗАВОДА ДЛЯ ВЫПУСКА ДОРОЖНОГО БИТУМА) жобасы, жобаның болжамдық құны 200 млн.теңге, қажетті жер телім 1 га. Ашылатын жұмыс орын саны 25 адам. Жоба бойынша тиісті құжаттар өңірлік үйлестіру кеңесінің қаралуынан оң шешімі алынды.
Шағын және орта кәсіпкерлік секторының дамуы.
Кентау қаласы және оған қарасты елді мекендерде Кәсіпкерлікті дамыту мақсатында Кәсіпкерлікті қолдау орталығының мамандарының қатысуымен ауыл тұрғындарымен «Бизнес жол картасы – 2020» мемлекеттік бағдарламасы мен «Еңбек» нәтижелі жұмыспен қамту және жаппай кәсіпкерлікті дамытудың» арқылы берілетін жеңілдіктер бойынша әр ай сайын кездесулер өткізілуде.
Мемлекеттік гранттар алуға арналған конкурс ағымдағы жылдың мамыр айында құжаттар қабылданып, ЖК «Асыл Қазына»-Утепова Гульзейнеп Аманбаевнаның «Тігін шеберханасы» жобасына 3,0 млн теңге және ЖК «Демеу» Д.Утебаева «Тігін шеберханасы» жобасына 1,0 млн теңге мемлекеттік гранттар ұсынылды.
«Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы» Қазақстан Республикасы Үкіметінің 2018 жылғы 11 желтоқсандағы № 820 қаулысына сәйкес, «Қарапайым заттар экономикасы» Мемлекеттік бағдарламасы шеңберінде Кентау қаласы бойынша 13 жоба қатысуға ниет білдірді. 13 жобаның 3 жоба мақұлданып, несиелендірді. Атап айтқанда «Яссы құс» ШҚ өндірісті ұлғайту мақсатына 115 млн. тнг., «Сауле» бөбекжай балабақшасы» ЖШС ғимаратты күрделі жөндеу өткізуге 30,0 млн. тг., «Тастай» ШҚ жылқы басының ұлғайтуға 15 млн. тнг.
«Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасының» екінші бағыты шеңберінде жыл басынан «Ырыс» МҚҰ арқылы жалпы соммасы 236,6 млн теңге құрайтын 79 жоба қаржыландырылды.
«Яссы-несие» НС жыл басынан кәсіпкерлікті қолдау мемлекеттік бағдарламалары аясында 380,9 млн.теңге соммасын несиелендірген.
Сонымен қатар, аталған бағдарлама аясында «Бастау-бизнес» және жас кәсіпкер жобасы арқылы 243 адам сертификат алды.
Әлеуметтік маңызы бар азық-түлік тауарларының
бағасын тұрақтандыру мәселелері
2019 жылдың 10 айында әлеуметтік маңызы бар азық-түлік бағаларынан 2 тауар түрі арзандаған (жұмыртқа 10,7% -ға, құмшекер 8,3% -ға)
16 тауар түрі қымбаттаған (күріш 36,0%-ға, 1 сұрыпты ұн(2 кг) 35,7%-ға, қарақұмық жармасы 13,3%-ға, нан 16,6%-ға, макарон өнімі 12,5%-ға, сиыр еті 22,5%-ға, тауық еті 6,6%-ға, 2,5 пайыздық пастертленген сүт 7,1%-ға, 2,5 пайыздық айран 6,3%-ға, сүзбе 7,6%-ға, 72,5 пайыздық сары май 5,5%-ға, күнбағыс май(1л) 2,4%-ға, қырыққабат 30,0%-ға, сәбіз 37,5%-ға, картоп 20,0%-ға.
1 тауар түрінің бағасы тұрақты (тұз).
№ |
Тауар атауы |
01.01.2019 ж |
01.11.2019 ж |
Өсу/төмендеу % |
1 |
Күріш |
250 |
340 |
+36,0 |
2 |
1 сұрыпты ұн(2 кг) |
280 |
380 |
+35,7 |
3 |
Қарақұмық жармасы |
150 |
170 |
+13,3 |
4 |
1 сортты ұннан ж-н нан |
120 |
140 |
+16,6 |
5 |
Макарон өнімі |
160 |
180 |
+12,5 |
6 |
Сиыр еті |
1550 |
1900 |
+22,5 |
7 |
Тауық еті |
750 |
800 |
+6,6 |
8 |
Сүт 2,5% майлылықпен |
280 |
300 |
+7,1 |
9 |
Айран 2,5% майлылық |
235 |
250 |
+6,3 |
10 |
Сүзбе |
650 |
700 |
+7,6 |
11 |
Жұмыртқа |
22-28 |
28-29 |
+27,2 |
12 |
Сары май 72,5 |
900 |
950 |
+5,5 |
13 |
Күнбағыс май (1 л) |
410 |
420 |
+2,4 |
14 |
Қырыққабат |
100 |
130 |
+30,0 |
15 |
Пияз |
110 |
80 |
-27,7 |
16 |
Сәбіз |
80 |
110 |
+37,5 |
17 |
Картоп |
100 |
120 |
+20,0 |
18 |
Құмшекер |
240 |
220 |
-8,3 |
19 |
Тұз |
50 |
50 |
0,0 |
Әлеуметтік маңызы бар азық-түлік тауарларының бағасын тұрақтандыру мақсатында қаланың «Ынтымақ» орталық алаңында әр сенбі күні жәрменке ұйымдастырылады, тұрғындар бір апталық мерзімге тұтынуға сатып алуда. Азық-түлік және ауылшаруашылық тауарларының шекті бағаларын қою мақсатында, «Береке», «Нұрлығайын», «БайСалКерім», «Нұргелді» сауда базарларындағы бөлшек сауда, көтерме сауда және қаладағы ірі сауда дүкендердегі бағаларға тұрақты мониторинг жүргізіліп, жәрмеңкеге шекті баға ұсынылып, бекітіледі. Жәрмеңкеге 12 ауылдық округтері ішінен қалаға жақын шаруа қожалықтары белсенді қатысуда.
Кентау қаласы және оған қарасты ауылдарда 2019 жылдың 10 ай қорытындысымен ұйымдастырылған жәрмеңкелердің жалпы саны 34 құрады. Әр жәрмеңкеде әлеуметтік маңызды ауыл шаруашылық тауарлардың ішінде картоп 440-600 кг 10 айда 17,7 т.), басты пияз 300-460 кг (10 айда 12,9 т.), сәбіз 220-320 кг (10 айда 9,2 т.), қызылша 80-120 кг (10 айда 3,4 т.), қызанақ 60-120 кг (10 айда 3,6 т.), қияр 25-40 кг (10 айда 1,2 т.), құс еті 60-130 кг (10 айда 3,2 т.) қой еті 80-95 кг (10 айда 2,9 т.), сиыр 350-420 кг (10 айда 13,1 т.), жылқы еті 320-400 кг (жыл басынан 12,2 т.) шамасында сатылып келеді.
Әлеуметтік маңызды азық-түлік тауарларының (ӘМАТТ) тізбесі Үкіметтің №145 қаулысына өзгерістер енгізіліп, 19 тауар түріне күнделікті мониторинг жүргізіліп, салалық басқармаға жолданып келеді. ӘМАТТ –ның бағасын тұрақтандыру мақсатында, дәрі-дәрмектер бағаларының себепсіз көтерілуінің алдын-алу үшін қалалық кәсіпкерлермен екі жақты меморандумдар, тауар өтімділігі жоғары 4 қала кәсіпкерлерімен меморандумдар түзілген.
Туризм саласы
Кентау қаласының аумағында туристік нысандарға барар жолдардың бойында заманауи талаптарға сай келетін 4 әжетхана жұмыс істеуде, туристік нысандарға барар жолдар қанағаттанарлық жағдайда және су, электро-энергия көздері тартылған. Қала аумағында жалпы 4 қонақ үй жұмыс жасауда. Кентау қаласында ішкі туризмді дамытуға арналған. Жас туристер станциясы жұмыс істейді. Кентау қаласының аумағында орналасқан 3 туристік нысандарға (Шаммат-Ишан мұражайы, 1000 жылдық Тұт ағашы, Кентау қалалық мұражайы) барар жолдардың бойында 3 тілде сілтемелер және туристік нысандардың төлқұжаты орналастырылған. Жалпы қала бойынша 7 сілтеме және төлқұжат: 3 төлқұжат, 4 сілтеме (Қаратау табиғи қорығы үшін 1 сілтеме). 2017 жылы Имам Бахили Мазаратына Үккәш ата көшесінен баратын Желдірмен көшесін орташа жөндеуге 14 370 мың теңге бөлініп, жөндеу жұмыстары аяқталды. «Тұт ағашына» баратын Күндала көшесін абаттандыруға 8 285 мың теңгеге асфальт төселіп, Шаммат Ишан, Имам Бахилий мазаратында орналасқан Тұт ағашының алдына автотұраққа асьфалт төселіп жөндеуден өтті. Кентау қаласының «Қаратау мемлекеттік табиғи қорығы» республикалық мемлекеттік мекемесінің экоағарту және туризм бөлімінің көрсететін қызметтері үшін 2019 жылдың 10 айында 416 адамға туризм бойынша қызмет көрсетілген. Кентау қалалық музейіне және қалаға қарасты Қарнақ ауылында орналасқан Шаммат Ишан мешітіне 2019 жылдың 10 айында келушілер саны 6277 адамға қызмет көрсетілген. 2019 жылдың 10 айында қалада орналасқан қонақ үйлерде 1491 адамға қызмет көрсетілгені тіркелді.
Қазіргі таңда 1 туристік маршрут дайындалған. Бұл маршрутта «Хантағы Кемпіртас»; ғылыми танымдық кешені «Қаратау табиғаты», Ханның тағы, Жасарбұлақ, Күлжабай сайы, Тастын бауы, Кемпіртас экскурсиялық соқпақты тамашалау қарастырылған. Қарнақ елді мекеніндегі «Шаммат Ишан» мешіті және «Имам Бахли» мазарындағы 1000 жылдық тарихы бар Тұт ағашын тарихи-танымдық «Түркістан-Укаш ата» туристік маршруты облыстың туристік маршрутына енгізілді.
Кентау қаласы аумағына қосылған ауылдық округтердегі туристік нысандар бойынша:
Бабайқорған ауылдық округі аумағында орналасқан Үкаш ата мазары – ел есінде аңыз болып қалған киелі орын. Үкаш ата дегенде ең әуелі жұрттың есіне тау басындағы құдық еске түседі. Қаратау бөктерінде Ислам дінін таратушы Үкаш сахабаның кесенесі мен құдығы орналасқан. Кесене мен құдықтың екі арасы шамамен алғанда бір шақырымдай. Мұнда келген әрбір адам бірінші Үкаш атаның қабірі орналасқан кесенеге кіріп құран оқиды. Онан кейін барып тау басындағы құдықтың басына барып су алады. Қазіргі уақытта Үкаш ата қабірі басына тұрғызылған кесене тарихи-мәдени ескерткіш ретінде мемлекет қарауына алынған. Түркістан қаласынан 42 шм жерде орналасқан. Үкаш ата туристік нысанына бүгінгі таңда абаттандыру жұмыстары толығымен жүргізіліп алыс жақын шет елдерден келетін туристерге қолайлы жағдай жасалған.
Қалалық кәсіпкерлік және
туризм бөлімінің басшысы К.Тулепбергенов