Көлік министрі Марат Қарабаевтың Қытайға жұмыс сапары барысында Шыңжаң-Ұйғыр автономиялық ауданының ҚКП хатшысы Ма Синжуеммен ҚР мен ҚХР үшін алғашқы маңызды кездесу өткізілді.
Кездесу көлік-логистикалық әлеуеттің мүмкіндіктерін нығайту және кеңейту, тараптардың көлік компаниялары үшін жағдайларды жақсарту, сондай-ақ тығыз халықаралық байланыстар орнату шеңберінде ұйымдастырылды.
Іс-шараның маңыздылығы екі жақтың географиялық орналасуымен және экономикалық мүдделерімен байланысты.
Анықтама: Қазақстан аумағында осы өңірлер арасындағы көлік ағынын қамтамасыз ететін көптеген автожолдар мен темір жолдар өтеді.
Келіссөздер барысында қосымша шекаралық өткізу пункттерін ашу, екі елдің көлік компаниялары арасындағы жүйелі жұмысты күшейту, сондай-ақ халықаралық сауданы жеңілдету жолымен өзара іс-қимылды бірлесіп кеңейту бойынша бірқатар түйінді мәселелер әзірленді.
Алматы қаласында Қазақстан Республикасы мен Корея Республикасының авиациялық билігі арасында екіжақты келіссөздер жүргізілді. Қазақстан Республикасы Көлік министрлігі Азаматтық авиация комитетінің төрағасы Салтанат Томпиева Корея Республикасы Азаматтық авиация кеңсесінің бас директоры Йонг Коок Киммен кездесу өткізді.
Келіссөздер нәтижесінде тараптар елдер арасындағы рұқсат етілген рейстердің жалпы санын аптасына 10-нан 42-ге дейін ұлғайтуға келісті.
Сондай-ақ аптасына 40 жүк рейсін, оның ішінде «әуе еркіндігінің» бесінші дәрежесін пайдалану құқығын беру туралы келісімге қол жеткізілді.
Келіссөздер барысында бағыттар мен тағайындалған тасымалдаушылар санына қойылған шектеулер алынып тасталды, бұл бәсекелестікті арттыруға және елдер арасындағы ұшу географиясын кеңейтуге мүмкіндік береді.
Тараптар әуе тасымалдаушыларының екі елдің астаналары арасында тікелей әуе қатынасын орнату ниетін қолдады.
Қазақстан Республикасы Көлік министрлігі аппарат басшысының бұйрығымен Бақытжан Качаков пен Нұржан Келбуғанов Көлік министрлігіне қарасты Комитет төрағаларының орынбасарлары лауазымдарына тағайындалды
Бақытжан Качаков ҚР Көлік министрлігі Автомобиль көлігі және көліктік бақылау комитеті төрағасының орынбасары болып тағайындалды.
Б.Качаков 1982 жылы Алматы қаласында дүниеге келген. М. Х. Дулати атындағы Тараз өңірлік университетін және Қазақ-Американдық Университетін бітірген. Еңбек жолын 2003 жылы бастады. Әр жылдары «Компания Терра Холдинг ЛТД» ЖШС директорының қаржы мәселелері жөніндегі орынбасары, Медеу ауданы Салық комитетінің заңды тұлғалар аудиті бөлімінің маманы, салық инспекторы болып, Алматы қаласы Салық комитеті Халықаралық салық салу басқармасының бас маманы – бас салық инспекторы, Қазақстан Республикасы Қаржы министрлігі Салық комитеті салық аудиті басқармасының сарапшысы, ҚР Ұлттық экономика министрлігі Құрылыс және тұрғын үй-коммуналдық шаруашылық істері комитеті төрағасының орынбасары, Маңғыстау облысы әкімінің орынбасары, ҚР ИИДМ Құрылыс және тұрғын үй-коммуналдық шаруашылық істері комитеті төрағасының орынбасары, сондай-ақ «Қазақстандық тұрғын үй компаниясы» АҚ Басқарма Төрағасы аппараты Басқарма Төрағасының кеңесшісі жұмыс істеді.
Нұржан Келбуғанов ҚР Көлік министрлігі теміржол және су көлігі комитеті төрағасының орынбасары болып тағайындалды.
Н. Келбуғанов 1972 жылы Шығыс Қазақстан облысында дүниеге келген. Ол Алматы теміржол көлігі инженерлері институтын және М. О. Әуезов атындағы Семей университетін бітірген. Еңбек жолын «ҚТЖ «ҰК» АҚ – «Алматы жол бөлімшесі» филиалының паркі бойынша кезекші болып бастады. Әр жылдары тасымалдау құжаттарын өңдеу жөніндегі оператор, станция бойынша кезекші, орталықтандыру бекетінің аға операторы, жол диспетчері және бірқатар станциялардың бастығы болып жұмыс істеді. Сондай-ақ «ҚТЖ «ҰК» АҚ – «Ақмола жол бөлімшесі» филиалы директорының жедел жұмыс жөніндегі бірінші орынбасары, «ҚТЖ «ҰК» АҚ – «Шығыс Қазақстан жол бөлімшесі» филиалының директоры, «ҚТЖ-Жүк тасымалы» АҚ департаментінің директоры, «ҚТЖ-Жүк тасымалы» ЖШС бас директорының маркетинг және жоспарлау бойынша орынбасары болды.
Қазақстан Республикасы Көлік министрлігі «Ашық НҚА» порталында «Азаматтық авиациядағы ұшуды имитациялаудың тренажерлік құрылғыларын бағалау жөніндегі қағидаларды бекіту туралы» Қазақстан Республикасы Инвестициялар және даму министрінің 2017 жылғы 4 шілдедегі №436 бұйрығына өзгерістер енгізу туралы Қазақстан Республикасы Көлік министрінің бұйрық жобасының орналасқаны туралы хабарлайды.
Осы ретте аталған бұйрықтың жобасы бойынша қоғамдық талқылауға қатысуға шақырамыз.
Толығырақ ақпарат төмендегі сілтеме бойынша:
https://legalacts.egov.kz/npa/view?id=14985126
Қазақстан әлемнің 42 елімен автокөлікпен халықаралық жүк тасымалдауды жүзеге асырады, оның 40-ы рұқсат беру жүйесін көздейді. 2023 жылы осы мемлекеттермен 270,8 мың бірлік көлемінде шетелдік рұқсат бланкілерімен алмасу жүргізілді. Отандық тасымалдаушылар арасында шетелдік рұқсат бланкілері автоматтандырылған жүйе арқылы бөлінді.
Бланкілерді бөлу жүйесінің алгоритмі белгілі бір мемлекетке олардың жұмыс жолын ескере отырып, жекелеген тасымалдаушыларға жыл бойына құжаттардың белгілі бір санын бекітуді көздейді.
Осылайша, бұрын жасалған жүйе бәсекелестікті шектеу үшін жағдай жасайды. Бұл ретте пайдаланылмай қалған рұқсат бланкілерінің артылып қалуы байқалып, олар жыл соңында жүйеге қайтарылады. Мәселен, 2023 жылы пайдаланылмаған бланкілердің 53% қайтарылған.
Бұдан басқа, қолданыстағы әдістемеге сәйкес шетелдік рұқсат бланкілері тасымалдаушыларға 100 күнтізбелік күн мерзімге бос форматта беріледі. Бұл тәсіл көлеңкелі нарықта алыпсатарлық бағамен бланкілерді қайта сатуға қолайлы жағдай жасайды.
Бланкілерді бөлудің пайдаланылып келе жатқан жүйесінің жетілмегендігіне байланысты және жүк тасымалдау нарығында әділ жағдайлар жасау әрі әділ бәсекелестікті дамыту мақсатында ҚР Көлік министрлігінің Автомобиль көлігі және көліктік бақылау комитеті рұқсат бланкілерін бөлудің жаңа тәртібін әзірледі.
Ол қазақстандық тасымалдаушыларға қандай да бір шектеусіз рұқсат бланкілерін беруді көздейді. Сондай-ақ аталған механизм рұқсат беру процестерінен адами факторды және көлеңкелі нарықта құжаттарды қайта сатудың алғышарттарын алып тастайды.
Шетелдік рұқсат бланкілері тасымалдаушыларға ХҚКО арқылы, машиналарды рейске жібермес бұрын беріледі деп болжанып отыр.
Халықтың пікірін барынша қамту және ашықтықты қамтамасыз ету мақсатында биыл 11 қаңтар мен 2 ақпан аралығында еліміздің барлық өңірінен келген тасымалдаушылардың, сондай-ақ көлік прокуратурасы, Алматы қаласының сыбайлас жемқорлыққа қарсы қызметі органдары мен бұқаралық ақпарат құралдарының өкілдерінің қатысуымен Алматы қаласында кеңейтілген көшпелі кеңес өткізілген болатын.
Ашық талқылау туралы ақпарат Qazaqstan және Atameken Business телеарналары, Zakon.kz, Tengrinews.kz, DKNews.kz, KазТАГ интернет-басылымдарында, блогерлер мен қоғам қайраткерлерінің парақшаларында жарияланды.
2024 жылғы 16 наурызда бұйрықтың жобасы шетелдік рұқсат бланкілерін берудің жаңа тетігін енгізу бөлігінде ашық НҚА порталында орналастырылды.
Бүгін Көлік вице-министрі Талғат Ластаев Қытай Халық Республикасының Қазақстандағы Төтенше және Өкілетті Елшісі С.Чжаомен кездесті.
Кездесу Қазақстан мен Қытай арасындағы достық қарым-қатынастар мен ынтымақтастықты нығайту мақсатында әрі сондай-ақ қазақстандық делегацияның биыл наурыз айындағы Қытай Халық Республикасына сапары аясында өтті.
Кездесу барысында тараптар екі ел арасындағы өзара тиімді ынтымақтастықты тереңдетуге және кеңейтуге бағытталған бірқатар маңызды көлік және экономикалық мәселені талқылады. Атап айтқанда, теміржол және автомобиль маршруттарын дамыту, логистика және көлік технологиялары саласындағы ынтымақтастықты қоса алғанда, көлік инфрақұрылымы саласындағы бірлескен жұмыстың перспективалары әңгіме арқауына айналды.
Келіссөздердің қорытындысы бойынша тараптар Қазақстан мен Қытай арасындағы достық қарым-қатынасты нығайтуға ықпал ететін бірлескен бастамаларды одан әрі дамытуға ниетті екендерін білдірді.
2024 жылғы 14-15 наурызда Алматы қаласының әуежайында ауа райының күрт нашарлауына (қардың қалың түсуіне) байланысты бірқатар халықаралық және ішкі рейстер кешіктірілді және тоқтатылды.
2024 жылғы 14 наурызда ұшу қауіпсіздігін қамтамасыз ету мақсатында, сондай-ақ әуе кемелеріне бір мезгілде қызмет көрсетудің максималды мүмкіндігін назарға ала отырып, Алматы халықаралық әуежайының басшылығы әуе кемелерін қабылдауды сағат 19.00-ден 21.00-ге дейін тоқтату туралы шешім қабылдады. Әуежайдың барлық күштері ұшатын рейстерге жедел қызмет көрсетуге тартылды. Барлығы 50-ден астам рейс кейінге қалдырылды, 7 рейс тоқтатылды, 4 ұшақ қосалқы әуежайларға жіберілді.
Әуе компаниялары мен Алматы әуежайы кешіктірілген және тоқтатылған рейстердің жолаушыларына қажетті қызмет көрсету үшін қажетті шараларды қабылдады. Жолаушыларға сусындар мен ыстық тамақ берілді. Тоқтатылған рейстердің жолаушыларына әуе кемесінде жолаушыларды, багажды және жүкті тасымалдау ережелеріне сәйкес әуе билеттерін қайта брондау немесе ақшаны қайтару мүмкіндігі берілді.
Ағымдағы жылдың 15 наурызында сағат 17.00-дегі жағдай бойынша Алматы әуежайында 32 рейс кешігуде, оның 14-і ұшып келуге және 18-і ұшуға кешігуде. Кешігудің негізгі себебі 2024 жылдың 14 наурызында ауа-райының қолайсыздығына байланысты рейстер кестесінің бұзылуына байланысты. Ағымдағы жылдың 16 наурызында сағат 04.00-ге дейін ұшу кестесі толығымен қалпына келтіріледі деп күтілуде.
Сонымен қатар, Алматы әуежайындағы жағдай туралы ресми ақпарат беру мақсатында Қазақстан Республикасы Көлік министрлігінің тапсырмасы бойынша БАҚ өкілдері үшін бірлескен пресс-брифинг ұйымдастырылды. Пресс-брифингке Азаматтық авиация комитетінің, Қазақстанның авиациялық әкімшілігінің, Алматы халықаралық әуежайының, Air Astana және SCAT әуе компаниясының өкілдері қатысты.
2023 жылғы 19 сәуірде «ҚР ратификациялаған халықаралық шарттарға сәйкес ҚР тасымалдаушыларына шет мемлекеттің аумағы бойынша жол жүруге рұқсат беру» мемлекеттік қызмет көрсету жөніндегі пилоттық жобаны іске асыру туралы» Көлік министрлігі, ЦДИАӨМ және ҚР Қаржы министрлігінің бірлескен бұйрығы қабылданды.
Бірлескен бұйрық негізінде жүктерді тасымалдауға арналған қытайлық рұқсат бланкілері шекараны кесіп өту фактісі бойынша мемлекеттік шекарадағы қазақстандық тасымалдаушыларға беріле бастады.
Аталған механизм оң нәтижесін көрсетті. Пилоттық жоба адал қызмет етіп жүрген тасымалдаушыларға ҚХР-мен жүк тасымалын едәуір жеңілдетуге, сондай-ақ бланкілерді қайта сатуды және шекарадағы кезектегі орындар бойынша алыпсатарлықты 100% жоюға мүмкіндік берді. Сонымен қатар тасымалдаушылар рұқсат беру бланкілерін екі есе көп (113 мың бланк) алды.
Осыған байланысты биыл бірлескен бұйрықты 2025 жылғы 1 маусымға дейін ұзарту туралы шешім қабылданды. Шешім бүгін, 2024 жылғы 15 наурызда өзінің заңды күшіне енді.
Шетелдік рұқсат бланкілерін берудің осындай тетігі Өзбекстан Республикасы мен Қазақстан Республикасы арасындағы өткізу пункттерінде де енгізілетінін атап өткен жөн. Бұл ретте өзбек бланкілері электрондық форматта берілетін болады.
Сонымен қатар жыл көлемінде Қытай мен Қазақстан арасындағы өткізу пункттерінде берілетін рұқсат бланкілерін электрондық форматқа ауыстыру жоспарланып отыр.
Өз кезегінде мемлекеттік шекарада берілетін шетелдік рұқсат бланкі қайтаруға жатпайды.
Көлік министрі Марат Қарабаев Алматы әуежайында жаңа халықаралық жолаушылар терминалының құрылысының барысымен танысты. Мекеме президенті Альп Эр Тунга Ерсой жаңа терминалдың құрылысы туралы толық ақпарат берді.
Бүгінгі таңда жаңа халықаралық терминал ғимаратының дайындық деңгейі 93% құрайды. Альп Эр Тунга Ерсой терминал үшін барлық қажетті техника мен әуежай жабдықтары сатып алынғанын, оның бір бөлігі қазірдің өзінде орнатылғанын атап өтті.
Жолаушылардың жайлылығы үшін жаңа терминалда әр қабатта ана мен бала бөлмелері, мүмкіндігі шектеулі жандарға арналған қажетті жағдай, балаларға арналған ойын алаңы, сондай-ақ демалыс бөлмелері, бірлескен жұмыс аймақтары, VR-бөлме, үй жануарларына арналған дәретхана қарастырылған. Сонымен қатар жаңа терминалда көпшілік назарына қазақстандық авиация мұражайы ұсынылады.
Қолданыстағы терминалдың жаңартылуын ескере отырып, Алматы халықаралық әуежайының жалпы өткізу қабілеті жылына 14 млн жолаушыға дейін ұлғаяды. Нысандағы құрылыс материалдарының сапасын бақылау Tav Airports Holding компаниясы Анталья, Тунис, Анкара, Скопье, Загреб және т. б. әуежайларда іске асырған жобалардың стандарттары негізінде жүргізіледі.
Әуежай президенті алдағы 50 жылға арналған шеберлік жоспары аясында компанияның жоспарлары туралы да айтып өтті.
Тұжырымдамаға сәйкес, жаңа терминал іске қосылғаннан кейін қолданыстағы терминал ғимараты жаңартылып, ішкі рейстерге қызмет көрсету үшін толығымен қайта жабдықталады. Сонымен қатар екі терминал арасында ыңғайлы транзитті қамтамасыз ететін жер үсті өткелі салынды.
ҚазжолҒЗИ ғалымдары нарыққа отандық полимерді шығарып жатыр
Бүгінгі таңда әлем бойынша асфальтбетонның құрамына полимерлі модификаторлар көбірек қосылып жатыр. Олар материалға механикалық және температуралық жүктемелерге төзімділігінің жоғарылауымен жаңа қасиеттер береді. Полимерлерді кәсіби ортада қолдану жол төсемінің пайдалану қасиеттерін жақсартудың ең тиімді және ұтымды әдісі болып саналады.
Нарықта өсіп келе жатқан сұранысқа байланысты отандық ғалымдар тобы өз полимерін жасап шығарды. Әзірленген құрам ұзақ мерзімді сынақтар мен өнеркәсіптік өндіріске енгізу кезеңдерінен сәтті өтті. Модификацияланған асфальтбетон механикалық тозуға және деформацияға аз ұшырайды, серпімді және пластикалық пішінге ие, сонымен қатар суға төзімділігі жоғары.
Ғалымдар бұл жаңалық Қазақстанның климаттық жағдайлары үшін жақсырақ екенін және шетелдік аналогтардан қолжетімді бағамен тиімді түрде ерекшеленетінін атап өтті.
«Жол сапасына қойылатын талаптар қазір күшейіп келеді, сондықтан мердігерлер жаңа әзірлемелерге көбірек қызығушылық таныта бастады. Модификаторды қолданатын полимербитум жұмсарту және сынғыштық температурасының көрсеткіштерінде жоғары нәтиже көрсетті. Бұл модификатордың елдің оңтүстік және солтүстік аймақтарына сәйкес келетіндігін дәлелдейді, яғни біздің континентальды климатымыз үшін өте маңызды. Жол құрылысы — бұл материалды қажет ететін сала, сондықтан қоспаның әр килограмының құны және оны тұтыну жол құрылысы экономикасы үшін үлкен маңызға ие. Бұл тұрғыда отандық материалдың артықшылығы көп», – дейді ҚазжолҒЗИ жол-құрылыс материалдары және жаңа технологиялар департаментінің директоры Мейрамгүл Қабдығалиева.
Қазақстандық QSmart PM полимері түрі бойынша қара ұсақ дисперсті ұнтақ болып табылады, оны тікелей асфальтбетон зауыттарының араластырғыштарына мөлшерлеуге болады. Бұл ретте қосымша қайта жабдықтау талап етілмейді.
Қазіргі уақытта ғалымдар қазақстандық кәсіпорында полимердің өнеркәсіптік өндірісі жүзеге асыру туралы келісті.