Ел тарихында алғаш рет дзюдодан халықаралық оқу-жаттығу жиыны өтіп жатыр. 5-15 тамыз күндері Алматы облысындағы Олимпиадалық даярлау базасында әлемнің 30 елінен келген 700-ден астам спортшы бірлескен дайындық жұмыстарын жүргізуде.
Халықаралық оқу-жаттығу жиынына әлемдік рейтингтің көшбасшылары, Олимпиада чемпиондары мен жүлдегерлері, сондай-ақ әлем чемпионаттарының жеңімпаздары мен жүлдегерлері қатысып жатыр.
Қатысушылар қатарында Олимпиада чемпиондары Елдос Сметов (Қазақстан) пен Лаша Шавдатуашвили (Грузия), Олимпиаданың қола жүлдегері Ғұсман Қырғызбаев (Қазақстан), әлем чемпиондары Рюдзю Нагаяма, Санширо Мурао (Жапония), Инал Тасоев, Тимур Арбузов (Ресей), Тато Григалашвили (Грузия), Мими Хух (Корея) және әлемдік дзюдоның басқа да танымал шеберлері бар.
Бүгін, 5 тамызда, «Болашақ ойындары 2026» (GOTF 2026) powered by Samruk-Kazyna бағдарламасында:
💻 MOBA PC (3-орын үшін матч және Финал)
🕐 13:00-22:00
📍 Ж. Үшкемпіров атындағы Жекпе-жек сарайы
13:00 - 3-орын үшін матч (Bo3): Team resilience vs 🇰🇿 Rune Eaters
17:00 - Финал (Bo5): PlayTime vs Yakult Brothers
⚽ Фиджитал футбол (Топтық кезең, 2-айналым)
🕚 11:00-21:00
📍 «Qazaqstan» жеңіл атлетика спорт кешені
8 матч:
A тобы: 🇰🇿 UEL team vs FC 10, NS Team vs Club Holcattes
B тобы: Noname Club vs Tamo Junto, FC OLYMPIC PHYGITAL vs ORLANDO PIRATES FIVES
C тобы: KMF TITOGRAD vs The Vicious, Quetzales-Armadillos vs FFK “ROTOR CISS”
D тобы: Oeste SP vs LOS TRONCOS FC, 🇰🇿 ACF x Allur vs Penarol
🎯 Phygital Shooter (Топтық кезең)
🕙 10:00-21:00
📍 Beeline Arena
4 матч:
10:00 - 🇰🇿 Team KZ vs Liga Pro Team
13:05 - MIRAGE TEAM vs Klan Pedrajas
16:10 - 🇰🇿 NOVAQ vs Minsk House
19:15 - Eternal Fire vs Team Hybrids
*Уақыт кестесі өзгертілуі мүмкін
📱 MOBA Mobile (Топтық кезең, 2-айналым)
🕑 14:00-22:00
📍 The Hood (кіруге болмайды)
8 матч (Bo3):
A тобы: Team Spirit vs Loser 3, Team Falcons vs Winner 3
B тобы: TEAM VAMOS vs Bushido Wildcats, Bigetron by Vitality vs FUT Esports
C тобы: Aurora Gaming vs The MongolZ, Selangor Red Giants vs 🇰🇿 Rune Eaters
D тобы: PRO ESPORTS vs ALPHA7, ONIC vs Geekay Esports
*Уақыт кестесі өзгертілуі мүмкін
📅 Матчтардың толық кестесі турнирдің ресми сайтында қолжетімді: https://astana2026.gofuture.games/kz
🎟️ Билеттер - Ticketon.kz сайтында.
Қыркүйек айында Астанада Францияның әйгілі «Пари Сен-Жермен» клубының ресми академиясы – PSG Academy Kazakhstan футбол академиясы ашылады. Осылайша Қазақстан PSG Academy халықаралық желісіне қосылған 24-ші ел атанды.
Академияның алғашқы оқу-жаттығу орталығы елордадағы Air Arena спорт кешенінде орналасады. FIFA талаптарына сәйкес келетін жабық футбол алаңы жас спортшыларға ауа райына қарамастан жыл бойы тұрақты жаттығу өткізуге мүмкіндік береді.
Алғашқы маусымда академия 6-14 жас аралығындағы 300-ге жуық ұл-қызды қабылдайды. Футболшылар жас ерекшелігі мен дайындық деңгейіне қарай топтарға бөлініп, «Пари Сен-Жермен» академиясының ресми оқу-жаттығу әдістемесі бойынша дайындалады.
PSG Academy Kazakhstan жобасының негізін қалаушы Алмас Әлсеновтың айтуынша, академияның басты мақсаты – балаларға әлемдік деңгейдегі футбол даярлау жүйесін қолжетімді етіп, олардың спорттық және тұлғалық дамуына жағдай жасау.
Жоба балалар футболын дамытып, отандық жаттықтырушылардың кәсіби біліктілігін арттыруға да мүмкіндік бермек. Академияда еңбек ететін барлық бапкер PSG Academy бағдарламасы бойынша арнайы даярлықтан өтіп, ПСЖ клубының техникалық мамандарынан тұрақты әдістемелік қолдау алып отырады.
Кейінгі жылдары Қазақстанда балалар футболына қызығушылық артып, спорт инфрақұрылымы қарқынды дамып келеді. Академияның алғашқы орталығы Астанада жұмысын бастайды. Болашақта жобаны еліміздің басқа өңірлеріне де ашу жоспарланып отыр.
Айта кетейік, 2005 жылы құрылған PSG Academy бүгінде әлемдегі ең ірі футбол академияларының бірі саналады. Бүгінде әлемнің 24 елінде 200-ден астам оқу-жаттығу орталығы жұмыс істейді. Жыл сайын академияда 50 мыңнан астам жас футболшы тәлім алады.
Баянауыл ұлттық табиғи паркінде заманауи Vizit Bayanaul «Сарыарқа сыры» визит-орталығы ашылды. Жаңа нысан туристерге арналған негізгі ақпараттық және бағдарлау орталығы ретінде қызмет етеді. Мұнда келушілер туристік бағыттар, табиғи көрікті орындар, көрсетілетін туристік қызметтер мен ұлттық паркке кіру қағидалары туралы толық ақпарат ала алады.
Визит-орталықтың ашылуы Баянауыл курорттық аймағының туристік инфрақұрылымын дамыту және келушілер үшін қолайлы жағдай жасау бағытындағы жүйелі жұмыстың маңызды кезеңдерінің бірі болды.
Астанада өтіп жатқан халықаралық мультиспорттық «Болашақ ойындары – 2026» турнирі әлемдік аудиторияның жоғары қызығушылығын тудырып, көрермен саны бойынша жаңа рекордтық көрсеткіштерге қол жеткізуде. Кеше жарыс трансляцияларының жалпы қаралымы 85 миллион болса, бүгін бұл көрсеткіш 185 миллионға жетті. Осылайша, небәрі бір тәулік ішінде аудитория 100 миллион қаралымға артты. Мұндай қарқын турнирге деген халықаралық қызығушылықтың жоғары екенін және фиджитал форматындағы жарыстардың әлемдік деңгейде сұранысқа ие бола бастағанын көрсетеді.
Турнирдің кең ауқымды халықаралық қамтылуы Қазақстанның спорт пен заманауи технологияларды ұштастыратын ірі жарыстарды жоғары деңгейде ұйымдастыра алатынын тағы бір мәрте дәлелдеп отыр. Мемлекет басшысы Қасым-Жомарт Тоқаевтың бастамасымен 2026 жыл Жасанды интеллект жылы болып жарияланды. Ал «Болашақ ойындарының» елімізде өткізілуі Қазақстанның цифрлық және технологиялық даму бағытымен толық үндеседі.
Бүгінде киберспорт жастар арасында кеңінен танымал. Бұл ретте басты мақсат – цифрлық спорт түрлері мен дәстүрлі спорттың бір-біріне қарсы емес, керісінше өзара толықтырып, жастарды белсенді өмір салтына тартудың тиімді құралы екенін көрсету.
«Болашақ ойындары» – халықаралық ынтымақтастықты нығайтатын, тәжірибе алмасуға мүмкіндік беретін және Қазақстанды спорт, инновация мен жаңа технологиялардың заманауи орталығы ретінде әлемге танытатын маңызды алаң.
Астанада өтіп жатқан халықаралық мультиспорттық «Болашақ ойындары – 2026» турнирі көрермен қызығушылығы бойынша жоба тарихындағы ең жоғары көрсеткішке жақындап келеді.
Жарыстың алғашқы төрт күнінің өзінде трансляциялар 85 миллионнан астам қаралымға қол жеткізді. Қазіргі қарқын сақталса, турнир аяқталғанға дейінгі жалпы аудитория көлемі 430-490 миллион қаралымға жетуі мүмкін.
Мұндай нәтижеге халықаралық медиасеріктестер желісінің айтарлықтай кеңеюі ықпал етіп отыр. Мәселен, биыл турнирдің медиасеріктестері саны 27-ден 54-ке, ал жарысты көрсететін стримерлердің саны 58-ден 120-ға дейін артты. Сонымен қатар трансляциялар 16-дан астам тілде жүргізіліп жатыр.
Турнир контенті Қытай, ТМД елдері, Латын Америкасы, Үндістан және әлемнің өзге де өңірлеріндегі жетекші телевизиялық және цифрлық платформалар арқылы таратылып жатыр. Негізгі серіктестер қатарында HUYA, BIGG TV, Play TV, XP Esports, VK, bilibili, Rutube және Douyu платформалары бар.
Көрермен аудиториясының артуына цифрлық платформалар да айтарлықтай ықпал етіп отыр. Алдыңғы турнирде барлық қаралымның шамамен 82 пайызы стримингтік сервистерге тиесілі болса, биыл бұл көрсеткіштің одан әрі өсіп келе жатқаны байқалады. Бұл фиджитал-форматтың жастар мен технологиялық аудитория арасында жоғары сұранысқа ие екенін көрсетеді.
Турнирдің ең жоғары көрермен көрсеткіштері алдағы финалдық жарыстар кезінде күтілуде. 5 тамызда Dota 2 турнирінің финалы өтсе, 8-9 тамызда Counter-Strike 2, Mobile Legends: Bang Bang және фиджитал-футбол жарыстарының жеңімпаздары анықталады. Сарапшылар дәл осы бәсекелер жалпы аудитория өсімінің негізгі драйверіне айналады деп болжап отыр.
«Болашақ ойындары – 2026» турнирінің Астанада ұйымдастырылуы Қазақстанның халықаралық деңгейдегі спорттық әрі технологиялық іс-шараларды жоғары деңгейде өткізе алатын ел екенін тағы бір мәрте дәлелдеп отыр. Миллиондаған шетелдік көрерменді қамтыған трансляциялар Қазақстанның халықаралық деңгейдегі танымалдылығын арттырып, еліміздің жаһандық фиджитал индустриясындағы позициясын нығайтуға ықпал етіп жатыр.
Еске сала кетейік, «Болашақ ойындары» – дәстүрлі спорт пен цифрлық технологияларды ұштастыратын халықаралық мультиспорттық турнир. Биылғы жарыс 29 шілде мен 9 тамыз аралығында Астана қаласында өтуде.
Қазақстан ұлттық құрамасы Таиландтың Бангкок қаласында өткен су спорты түрлерінен жас ерекшеліктері бойынша XII Азия чемпионатында табысты өнер көрсетіп, жалпыкомандалық есепте 3-орынға тұрақтады.
Құрлық біріншілігінде Қазақстан спортшылары 21 алтын, 19 күміс және 9 қола медаль жеңіп алып, жалпы 49 жүлдені қоржынға салды. Медальдық есепте Қазақстан құрамасы Жапония мен Қытайдан кейінгі үшінші орынға тұрақтады.
Чемпионат барысында қазақстандық спортшылар су спортының барлық төрт бағыты – жүзу, суға секіру, әртістік жүзу және су полосы бойынша жүлделі орындарға ие болып, ұлттық құраманың жан-жақты дайындығын дәлелдеді.
Чемпионаттағы ең жарқын жетістіктердің бірі – әртістік жүзуден Қазақстан құрамасының тарихи жеңісі болды. Ұлттық құрама жас ерекшеліктері бойынша өткен XII Азия чемпионатының командалық трофейін жеңіп алып, Азияның үздік құрамасы атанды. Бұл нәтиже елімізде әртістік жүзудің қарқынды дамып келе жатқанын және қазақстандық спортшылардың құрлықтағы көшбасшылар қатарына көтерілгенін айқын көрсетті.
Қазақстан Республикасы Туризм және спорт министрлігінің атынан ұлттық құраманы Дене шынықтыру және спорт істері комитетінің төрағасы Руслан Есеналин қарсы алды. Ол спортшылар мен жаттықтырушылар құрамын тарихи жетістікпен құттықтап, бұл жеңіс семсерлесуді жүйелі дамытуға бағытталған жұмыстың, спортшылар мен бапкерлердің жоғары кәсібилігінің, сондай-ақ мемлекет пен ұлттық федерация арасындағы тиімді өзара іс-қимылдың нәтижесі екенін атап өтті.
Гонконг қаласында өткен әлем чемпионатында Ерлік Сертай, Руслан Курбанов және Вадим Шарлаимов бастаған Қазақстан құрамасы турнир барысында Финляндияны (45:39), Өзбекстанды (28:27), Данияны (45:36), Мысырды (41:32) жеңіп, финалда Украина құрамасын 45:40 есебімен тізе бүктіріп, Қазақстан тарихында тұңғыш рет әлем чемпионатының алтын медалін жеңіп алды.
Бұл тарихи жеңіс – отандық семсерлесу мектебінің кезең-кезеңімен дамуының заңды нәтижесі. Соңғы жылдары дәл осы құрам халықаралық жарыстарда тұрақты түрде жоғары нәтиже көрсетіп келеді. Қазақстандық шпагашылар 2023 жылы Ыстанбұлдағы Әлем кубогы кезеңінің жеңімпазы атанса, 2025 жылы Эр-Риядта өткен Ислам ынтымақтастығы ойындарында алтын медаль жеңіп алды. Биыл Нью-Делиде өткен Азия чемпионатында да топ жарды. Сонымен қатар өткен жылы әлем чемпионатында Франция құрамасын жеңіп, қола жүлдеге ие болды.
Әлем чемпионатының қорытындысы бойынша Қазақстан құрамасы әлемдік рейтингте Швейцария мен Франциядан кейінгі үшінші орынға көтерілді.
Құраманың дайындығында жаттықтырушылар штабын күшейтуге бағытталған жүйелі жұмыс маңызды рөл атқарды. Ұлттық құраманың бәсекеге қабілеттілігін арттыру мақсатында Қазақстан семсерлесу федерациясы Туризм және спорт министрлігінің қолдауымен әлемдік семсерлесудегі беделді мамандардың бірі – украиналық бапкер Александр Горбачукті арнайы шақырды. Ол Жапония құрамасымен жұмыс істеген жылдары Олимпиада чемпиондарын даярлауға елеулі үлес қосты.
Осындай деңгейдегі маманды тарту заманауи дайындық әдістемелерін енгізуге, оқу-жаттығу процесінің сапасын арттыруға және Қазақстан құрамасының әлемдік аренадағы позициясын нығайтуға мүмкіндік берді.
Бүгінгі тарихи жетістік олимпиадалық спорт түрлерін дамытудың кешенді тәсілінің тиімділігін тағы бір мәрте дәлелдеді. Бұл бағыт спортшыларды даярлау жүйесін жетілдіруді, жаттықтырушылар құрамын күшейтуді және халықаралық аренада жоғары нәтижелерге қол жеткізу үшін қажетті жағдай жасауды қамтиды.
Қазақстан Республикасы Туризм және спорт министрлігі ұлттық құраманы, жаттықтырушылар штабын, Қазақстан семсерлесу федерациясын және барша қазақстандықтарды семсерлесуден әлем чемпионатындағы тұңғыш тарихи жеңіспен құттықтайды.
Әзірбайжан астанасы Баку қаласында өтіп жатқан 17 жасқа дейінгі спортшылар арасындағы күрестен әлем чемпионатында Қазақстан құрамасының өкілдері Дияр Аманәлі мен Бақдәулет Ағабек алтын медаль иеленді.
Еркін күрестен 48 келіге дейінгі салмақ дәрежесінде сынға түскен Бақдәулет Ағабек финалда Үндістан өкілі Аарьян Аарьянды 10:0 есебімен техникалық басымдық арқылы мерзімінен бұрын жеңіп, әлем чемпионы атанды.
Чемпиондыққа дейінгі жолында қазақстандық палуан бес белдесудің барлығында жеңіске жетті. Іріктеу кезеңінде Тәжікстан өкілі Муслихиддин Ходжиевті (10:0), 1/8 финалда Болгария балуаны Эмир Джеватовты (10:0) мерзімінен бұрын ұтты. Ширек финалда Моңғолия өкілі Тэмүүлэн Усухбаярды небәрі 36 секундта 10:0 есебімен жеңсе, жартылай финалда 2026 жылғы U17 Азия чемпионы, өзбекстандық Фаррух Махмудовтан 7:3 есебімен басым түсті.
Қазақстан қоржынына тағы бір алтын медальды 28 шілде күні грек-рим күресінен 55 келіге дейінгі салмақта өнер көрсеткен Дияр Аманәлі салды.
Турнирдің алғашқы белдесуінде ол Грекия өкілі Николаос Зинисисті 8:0 есебімен мерзімінен бұрын жеңді. Кейін Ресей спортшысы Эдем Пайзиевтен 3:1 есебімен басым түсті. Ширек финалда грузиялық Георгий Кеделидзені 2:1 есебімен жеңсе, жартылай финалда Болгария өкілі Данимир Йордановты 8:1 есебімен айқын ұтып, финалға жолдама алды.
Алтын медаль үшін өткен шешуші белдесуде Дияр Аманәлі Венгрия өкілі Кеве Ковачпен кездесті. Негізгі уақыт 1:1 есебімен аяқталды. UWW ережесіне сәйкес, алғашқы нәтижелі әдісті орындаған қазақстандық балуанға жеңіс берілді.
Осылайша, Дияр Аманәлі мен Бақдәулет Ағабек әлем чемпионатының жеңіс тұғырының ең биік сатысына көтеріліп, Қазақстан құрамасына 17 жасқа дейінгі спортшылар арасындағы әлем чемпионатының екі алтын медалін сыйлады.
Ертең, 2 тамыз күні, Samruk-Kazyna қолдауымен өтетін «Болашақ ойындары 2026» (GOTF 2026) бағдарламасында:
💻 MOBA PC (Іріктеу кезеңі)
🕙 10:00–19:00
📍 Үшкемпіров атындағы Жекпе-жек сарайы
*Ойындардың өту уақыты өзгеруі мүмкін
🎯 Battle Royale (PUBG) ФИНАЛ
🕑 14:00–16:55
📍 Beeline Arena
5 матч (11–15)
🏀 Фиджитал баскетбол (Жартылай финал)
🕕 18:00–18:50
📍 «Qazaqstan» жеңіл атлетикалық спорт кешені
📅 Матчтардың толық кестесі турнирдің ресми сайтында қолжетімді: https://astana2026.gofuture.games/kk
🎟️ Билеттер – Ticketon.kz сайтында.