Солтүстік қазақстан облысы әкімдігінің кәсіпкерлік және индустриялық-инновациялық даму басқармасы (бұдан әрі-Басқарма) 2021 жылғы «Жомарт жүрек» конкурсына қатысу үшін өтінімдерді облыстық деңгейде қабылдау басталғаны туралы хабарлайды.
Қатысуға өтінімдер келесі номинациялар бойынша қабылданады:
1) «Жыл тұлғасы» — белсенді филантропиялық қызметі үшін (тек жеке тұлғалар үшін);
2) «Жыл меценаты» — белсенді меценаттық қызметі үшін (тек жеке тұлғалар үшін);
3) «Туған өлке» — кіші отанды қолдау жөніндегі әлеуметтік маңызы бар жобаларды іске асырғаны үшін (жеке және заңды тұлғалар үшін);
4) «Жылдың үздік ұйымы» — қайырымдылық бағдарламасын тиімді іске асырғаны үшін беріледі (тек заңды тұлғалар үшін — жеке мекеменің, қоғамдық бірлестіктің, акционерлік қоғамның, қордың, қауымдастық нысанындағы заңды тұлғалар бірлестігінің ұйымдық-құқықтық нысанында құрылған коммерциялық емес ұйымдар үшін);
5) «Жылдың үздік қамқоршысы» — әлеуметтік маңызы бар елеулі өзгерістер мен қайта құруларға әкеп соққан кешенді қайырымдылық қызметі, қайырымдылық көмегі үшін (тек кәсіпкерлік қызмет субъектілері үшін).
Конкурсқа қатысу үшін өтініш беруші Басқарманың интернет-ресурсында жарияланған қосымшаға сәйкес нысан бойынша мемлекеттік органға өтінім береді.
«Жомарт жүрек» конкурсына қатысуға өтінімдерді қабылдау 2021 жылғы 20 шілдеден бастап 15 тамызға дейін (қоса алғанда) o.soldatova@sko.gov.kz электронды поштаға жүзеге асырылады.
Анықтама телефондары: 8 (7152) 36-13-62.