Алматы облысының Полиция департаментінде Тұңғыш Президент күніне орай суреттер көрмесі ұйымдастырылды, – деп хабарлайды Polisia.kz.
Алматы облысының Полиция департаментінің ғимаратында Қазақстан Республикасының Тұңғыш Президенті күні мерекесіне орайластырылған суреттер көрмесі ұйымдастырылды.
Көрмеге Елбасының суреттері, оның туған жерінің көріністері, оқыған және қызмет атқарған орындарында түсірілген фотолар қойылды.
– Бүгінгі көрме жас қызметкерлерге патриоттық тәрбие беру мақсатында ұйымдастырылды. Бұл жерде Елбасының тұлғасын кеңінен ашатын, оның тәуелсіз еліміздің дамуына қосқан сүбелі үлесінен сыр шертетін суреттер қойылды. Көрмені тамашалауға облыстық Полиция департаментінің қызметкерлерімен қатар, жақын орналасқан аудандық және қалалық полиция бөлімшелерінің жас қызметкерлері шақырылды. Оларға мемлекетіміздің даму жолындағы тұңғыш Президент рөлі туралы ақпарат берілді, – деді Алматы облысы ПД бастығының орынбасары Ораз Жолдасов.
Жас қызметкерлер Тұңғыш Президент Нұрсұлтан Назарбаевтың Алматы облысында туғанын мақтан тұтатындарын жеткізді. Елбасының өмірімен жете танысқан олар еңбек пен табандылық, асқақ арман биіктерді бағындыруға мүмкіндік беретіні туралы ой түйді.
Германия Республикасының тұрғыны Светлана Бейтель Успен ауданы полиция бөлімінің учаскелік инспекторлары Ардақ Жапарханов пен Нығмат Қабиевке алғысын білдірді, – деп хабарлайды Polisia.kz.
Германия Республикасының тұрғыны полиция қызметкерлеріне жедел әрекеттері мен кәсіби шеберлігі үшін алғысын білдірді.
– Қиын жағдайда қол ұшын созған тәртіп сақшыларына үлкен рахмет айтқым келеді. 27 қарашада ағаммен бірге Павлодар облысының Успенка ауылында тұратын анамның үйінде жанжал болды. Басқа елде жүргендіктен полиция шақыртудан басқа амалым қалмады. Мен Ардақ Жапархановтың жеке телефонына қоңырау шалдым, ол серігімен бірге бірнеше минуттан кейін мен айтқан мекенжайға барып, жанжалды тоқтатты, – деді Светлана Бейтель.
Светлана Бейтельдің айтуынша, оның аталған қызметкерлерден көмек сұрауы бірінші рет емес және олар оған қажетті көмекті дереу әрі сапалы көрсетіп отырған.
– Ардақ Жапарханов пен Нығмат Қабиевке шын жүректен алғысымды білдіремін, оларға мықты денсаулық, отбасылық амандық, тыныш кезекшіліктер және еңбектеріне табыс тілеймін! – деді ол.
Бүгін сағат 11:00-де Ішкі істер министрлігінің апталық брифингі өтеді, – деп хабарлайды Polisia.kz.
Ұлттық қоғамдық сенім кеңесінің мүшелері онлайн режимде Ішкі істер министрі Ерлан Тұрғымбаевпен кездесті, – деп хабарлайды Polisia.kz.
Кездесуді Президент көмекшісі, Ұлттық кеңестің хатшысы Ерлан Қарин жүргізді.
Ол өз сөзінде Мемлекет басшысының тапсырмасы бойынша диалог процесіне көптеген қоғам өкілдерінің тартылатынын еске салды. Осындай кездесулер барысында ұлттық кеңес мүшелері мемлекеттік органдардың басшыларымен онлайн-форматта мемлекет қабылдап жатқан шараларды белсенді талқылайды. Бұл “Халық үніне құлақ асатын мемлекет” тұжырымдамасын іске асыруға ықпал етеді.
– Біз Ішкі істер министрімен кездескенімізге қуаныштымыз. Еліміздің бас полицейі Ішкі істер министрлігін реформалау барысы туралы айтып, жұртшылықты қызықтыратын мәселелерді талқылауды жоспарлап отыр. Бұл кездесу өте нәтижелі болатынына сенімдімін, – деп атап өтті Ерлан Қарин.
Ерлан Тұрғымбаев қоғам белсенділеріне министрліктің жұмысына қызығушылық білдіргені үшін алғыс білдіріп, аталған алаңның сындарлы диалог орнатуға мүмкіндік беретініне және ІІМ жүйесінің ашықтығына ықпал ететініне сенім білдірді.
Ол елдегі криминалдық жағдай, қылмыс санының төмендеуі және қылмыстардың бірқатар түрлерінің ашылуы жақсарып келе жатқаны туралы да айтып өтті. Министр Президенттің елдегі құқықтық тәртіп пен қауіпсіздікті қамтамасыз ету бойынша берген тапсырмаларының іске асырылу барысына, сондай-ақ ішкі істер органдарында жүргізіліп жатқан жаңғырту жұмыстарына арнайы тоқталды.
Ерлан Тұрғымбаев сондай-ақ жеке тұлғаны қорғауды күшейту, оның ішінде жыныстық зорлық-зомбылық, педофилия, балаларға қарсы қылмыстар үшін жауапкершілікті қатаңдатуға қатысты заңнаманы жетілдіру туралы мәлімдеді.
Ұлттық кеңес мүшелеріне Бас прокуратурамен бірлесіп іске асырылып жатқан қылмыстық процестің үш буынды моделін және басты басымдық – азаматтардың құқықтарын қамтамасыз ету болып табылатын сотқа дейінгі іс жүргізуді бақылау алгоритмін апробациялау жұмысы туралы айтылды.
Ведомство басшысы адам саудасына, есірткінің заңсыз айналымына, оның ішінде синтетикалық есірткілерге қарсы күреске байланысты қылмыстарды тергеу практикасын жетілдіру, қоғамдық және жол қауіпсіздігін қамтамасыз ету, бейнебақылау жүйелерін дамыту бойынша шаралар туралы да әңгімеледі.
Ол жұмыстың ашықтығын қамтамасыз ету және “Жұртқа жақын полиция” қағидаты, “Халық үніне құлақ асатын мемлекет” тұжырымдамасы шеңберінде халықпен кері байланыс орнату бойынша атқарылып жатқан жұмыстарға ерекше назар аударды.
Сонымен қатар министр қазіргі таңда орын алып отырған проблемалық мәселелерге де тоқталды.
Кездесу соңында Ерлан Тұрғымбаев ұлттық қоғамдық сенім кеңесі өкілдерімен бірге полиция жұмысының тиімділігін арттыру, азаматтардың құқықтары мен мүдделерін қорғау, құқық тәртібі органдарының ашықтығы мен есептілігіне қатысты айтылған ұсыныстарды талқылап, олардың барлық сұрақтарына жауап берді.
Ұлттық ұланда азаматтарды бірыңғай қабылдау күні өтті, – деп хабарлайды Polisia.kz.
Ішкі істер министрінің тапсырмасы бойынша Ұлттық ұланның барлық өңірлік қолбасшылықтары мен әскери бөлімдерінде азаматтарды онлайн режимінде бірыңғай қабылдау күні өтті.
Елордада азаматтардың үндеуіне Ұлттық ұлан Бас қолбасшысы Руслан Жақсылықов жауап берді. Онлайн қабылдау кезінде азаматтар мен әскери қызметшілер негізінен әскери қызмет пен әлеуметтік сипаттағы сұрақтарды айтты.
Атап айтқанда, азаматтарды әскери қызметке орналасу және тұрғын үй төлемдері бойынша берешекті өтеу мәселелері қызықтырды. Барлық өтініштер бойынша Руслан Жақсылықов тиісті қызметтер басшыларына нақты тапсырмалар беріп, оларды тез арада шешу үшін шұғыл шаралар қабылдауды бұйырды.
– Мен Ұлттық ұлан Бас қолбасшысының блогына келіп түсетін барлық өтініштерді үнемі қадағалап отырамын. Олардың әрқайсысы үшін тиісті қызметтер талдау жүргізеді және заң шеңберінде белгіленген мерзімде жауап береді. Ішкі істер министрлігі басшылығының тапсырмасы бойынша бүгін біз онлайн форматта кездесу өткізіп жатырмыз. Менің ойымша, бұл платформа нақты уақытты ескере отырып, азаматтар мен әскери қызметшілерге әскер басшылығына тікелей жүгінуге және олардың өзекті мәселелерін шешуге жақсы мүмкіндік береді. Тұрғын үй төлемдерінің проблемаларына келетін болсақ, мен келесілерді баса айтамын, бұл мәселе бүгінгі таңда шешімін тапты, барлық қарыздар келесі аптада толығымен жабылатын болады, – деді Руслан Жақсылықов.
Осындай онлайн-қабылдауды Ұлттық ұланның барлық өңірлік қолбасшылық қолбасшылары және әскери бөлімдер командирлері өткізді.
Әскер басшылығы мен әскери бөлімдердің қолбасшылығы шамамен 40 адамды қабылдады.
Алматы полициясы ұрланған смартфондардың үлкен мөлшерін тәркіледі, – деп хабарлайды Polisia.kz.
Жедел қызметкерлер бір күн бұрын арнайы іс-шара өткізді. Жеке үйлердің бірінен қылмыстық жолмен алынған 464 мобильді құрылғы табылып, тәркіленді.
– Криминалдық полиция қызметкерлері арнайы жасақ сарбаздарының көмегімен 1997 және 2000 жылы туған екі ағайынды К.азаматтары ұстады, олар жедел және арнайы іс-шараларының мәліметтеріне сәйкес ұрланған ұялы телефондар мен басқа да құралдарды сатып алған. Бұл партия Қырғызстан мен Өзбекстанға жөнелтілуге дайын болған. Бірақ бекер. Күдіктілердің тұрғылықты жерінен рұқсат етілген тінту барысында 464 смартфон, бір ноутбук және төрт қол сағаттары табылып, процессуалдық тәртіпте тәркіленді. Сотқа дейінгі тергеу ҚР ҚК 196-бабы 2-бөлімі жүргізілуде. Қазіргі уақытта осы ұялы телефондардың шын иелерін анықтау бойынша шаралар қабылдануда, – деді Алматы қалалық Полиция департаменті бастығының орынбасары Берік Әбілбеков.
Павлодар облысында баласын далада қалдырған ана ұсталды, – деп хабарлайды Polisia.kz.
– Павлодарда учаскелік полиция инспекторларының жедел іс-қимылдарының арқасында жас баланың өмірін қатерге тіккен 33 жастағы ана ұсталды. 2020 жылғы 26 қарашада сағат 20.40-та полицияға Павлодар қаласындағы “Автовокзал” трамвай аялдамасының орындығынан 8-9 айлық азиат типтес бала табылғаны туралы хабарлама келіп түсті. Көзбен шолып қарау кезінде балада көзге көрінетін дене жарақаттары анықталған жоқ. Дереу табылған бала туралы бағдар жасалып, барлық аумақтық және шекара маңындағы аудандарға таратылды. Жақын маңдағы барлық көшелер тексерілді, куәгерлер мен көрген адамдар сұралды. Жедел қызметкерлер мен учаскелік полиция инспекторлары қыс мезгілінде үлкен жұмыс атқарды. Нәтижесінде учаскелік инспекторлар 32 жастағы жергілікті тұрғын басқарған “Toyota Camry” автокөлігін анықтады. Оның айтуынша, ол “InDriver” мобильді қосымшасы арқылы жолаушылар тасымалымен айналысады. 26 қарашада ол ШҚО Семей қаласынан Павлодар қаласына баласы бар әйелді алып келіп, қалаға келген бойда әйелді автовокзалға қалдырған. Екі сағаттан астам уақыт аралығында күдікті әйел ұсталды. Оқиға бойынша ҚР ҚК 119 – бабының 1-бөлігі (Қауіпті жағдайда қалдыру) бойынша сотқа дейінгі тергеу басталды, – деді Павлодар облысы Полиция департаментінің бастығы Нұрлан Мәсімов.
Полиция қызметкерлері әйелдің жалғызбасты ана екенін, асырауында кәмелетке толмаған екі ұлы (9 жас, 1,2 жас) бар екенін түсіндірді.
Үлкен ұлы әжесімен Екібастұз қаласында тұрады. Соңғы жылдары әйел Тараз қаласында тұрған. Ұлын тастап кетуді алдын ала жоспарлапты.
Тауып алынған жас баланы жедел жәрдем дәрігерлері тексеріп, ол Павлодар қаласының ауруханасына жатқызылды.
Қостанай облысында бірыңғай азаматтарды қабылдау күні аясында 100-ден астам азамат проблемалық сұрақтарына жауап алды, – деп хабарлайды Polisia.kz.
Бүгін Қостанай облысының ПД аумақтық бөлімшелерінің басшылығына түрлі мәселелер бойынша 100-ден астам азамат жүгінді. Сұрақтардың басым көпшілігі қылмыстық істерді тергеу және қоғамдық қауіпсіздікке қатысты болды.
Қостанай облысының ПД бастығы Бекет Аймағамбетов “Халық үніне құлақ асатын мемлекет” тұжырымдамасын іске асыру аясында халықпен кері байланысты қамтамасыз етудің маңызды екенін атап өтті.
Құқықтық тәртіп азаматтардың осы мәселелерге қатысуына тікелей байланысты және полиция жұмысының форматын өзгертеді.
Мысалы, Қарабалық аудандық полиция бөлімінің бастығы Нұржан Ахметовке аудан тұрғыны Сергей Дядик жүгініп, биылғы жылдың шілде айында оның үйінен ұялы телефон ұрланғанын айтты. Қараша айында полиция ұрланған затты қайтарған.
– Мен полицияға ұрлық туралы арыз жаздым. Полицейлер менің телефонымды Қостанай қаласының тұрғындарынан ұрланған заттардың базасына енгізілген код арқылы тапқандарын айтты, – деді С.Дядик.
Ғанижамал Отобраева Денисов ауданының полициясына жүгінген. Полицейлер биылғы жылдың қазан айында табыннан жоғалып кеткен жылқыны тауып, ауыл тұрғынына табыстаған.
Қостанай облысының ПД бастығына түрлі мәселелер бойынша онлайн қабылдауға 20 адам жазылған. Қабылдау барысында жол-көлік оқиғаларын, алаяқтықты және басқа да қылмыстық істерді тергеуге қатысты сұрақтар талқыланды.
Мысалы, адвокат Сәмет Саламатов екі әйел зардап шеккен жол-көлік оқиғасын тергеу барысына шағымданды. Ол тергеу әрекеттері толық көлемде жүргізілген жоқ деп санайды.
Ал облыс тұрғыны Күлтай Демисенова алаяқтардың құрбанына айналғанын айтты.
– Барлық істер бақылауға алынды. Қазіргі уақытта барлық қылмыстық істердің жартысынан астамы электрондық форматта тергелуде, бұл процестің ашықтығын қамтамасыз етеді, – деп атап өтті Бекет Аймағамбетов.
Бүгін Ішкі істер министрі Ерлан Тұрғымбаевтың басшылығымен ZOOM интернет алаңында онлайн режимде ішкі істер органдарының барлық өңірлік бөліністерінде азаматтарды қабылдау ұйымдастырылды, – деп хабарлайды Polisia.kz.
Аталған іс-шара ел тұрғындарының проблемалық мәселелерін шешуге және ішкі істер органдарының өкілеттілігі шегінде тұрғындарға түрлі кеңестер беруге бағытталған.
– Азаматтардың қауіпсіздігіне, олардың заңды құқықтары мен мүдделерін қорғауға байланысты проблемалық мәселелер барлық деңгейлерде шұғыл шешуді талап етеді. Бұл бағыттағы жұмыстар жалғасуда. Эпидемиологиялық жағдайды ескере отырып, біз заманауи технологияларды пайдалану арқылы ведомствоның барлық басшылығы және оның аумақтық бөлімшелерінің, оның ішінде аудандық полиция бөлімдері мен ҚАЖ мекемелері басшыларының қатысуымен онлайн режимде азаматтарды қабылдауды жүргізуді бастадық”, – деп атап өтті Ерлан Тұрғымбаев.
Тіркелушілердің бәрін қабылдап үлгеру үшін Министрмен бірге оның орынбасарлары және ІІМ-нің өңірлік құрылымдардың басшылары да қабылдау жүргізді.
Министрлік басшылығы бірнеше сағат ішінде 70-ке жуық адамды қабылдады. Келіп түскен барлық өтініштерге байланысты Ерлан Тұрғымбаев тиісті қызметтердің басшыларына нақты тапсырмалар берді. Қосымша зерттеуді қажет ететін материалдарды Министр жеке бақылауына алды. Бұл материалдар бойынша тиісті ден қою шаралары қабылданып, тексерулер жүргізілетін болады.
– Министрлік халықпен кері байланыс орнату бойынша барлық шараларды қабылдауда. Сонымен қатар қабылдауға жазылғандардың саны жергілікті жерлерде халықтың проблемаларының құқықтық шешімін таппай отырғанын көрсетеді. Мемлекет басшысының Жолдауда айтылған тапсырмасын орындау аясында және “Халық үніне құлақ асатын мемлекет” тұжырымдамасын іске асыру барысында бірде-бір өтініш пен арыз назардан тыс қалмауы және оған тиісінше ден қойылуы тиіс. Бүгін біз тұрғындардан келіп түскен өтініштер мен арыздарды қарау бойынша жұмысты саралаймыз, біздің бөлімшелердің басшыларының бұл бағыттағы жұмыстарына тиісті баға берілетін болады, – деп нақтылады ІІМ басшысы.
Азаматтарды қабылдау өңірлерде де өтуде. Облыстық, қалалық және аудандық аумақтық полиция органдары мен қылмыстық-атқару жүйесі бөліністерінің басшылары мен олардың орынбасарларына қабылдауға 500-ден астам адам жазылды.
Азаматтарды осындай форматта қабылдау тұрақты түрде жүргізілетін болады.
Алматыда патрульдік полицияның бірыңғай бөлінісі болды, – деп хабарлайды Polisia.kz.
Бүгін патрульдік полиция Полкі жеке құрамының бірыңғай бөлінісі Алматы қалалық полицияның бастығы Қанат Таймерденовтің қатысуымен ПД автошаруашылық базасында өтті.
– Патрульдік полиция – бұл қаладағы тәртіп пен жол қауіпсіздігін қамтамасыз ететін негізгі бөлімшелердің бірі. “Ізін суытпай” қылмыстардың көпшілігін тәулік бойы жұмыс істейтін осы қызметтің қызметкерлері ашады. Бүгін, бірыңғай бөліністе, мен, ең алдымен қызметте ерекшеленген полк қызметкерлерін жігерлендірдім. Олар жас патрульшілердің тәлімгерлері және өздерінің кәсіби тәжірибелерімен бөліседі. Сонымен қатар, сарбаздарға сыбайлас жемқорлықтың кез-келген көрінісіне қатысты бітіспес позициясын еске түсіру өте маңызды болды. Біз олардан азаматтардың қауіпсіздігі мен өмірі үшін адал және жанқиярлықпен жұмыс істеуді талап етеміз. Өз кезегінде мемлекет мінсіз жұмыс жасау үшін барлық жағдайларды жасайды: бүгінде патрульдік полиция – бұл жақсы материалдық-техникалық жабдықталған қызметтердің бірі; ішкі істер Министрінің бастамасымен осы бөлімше қызметкерлері пәтер жалдағаны үшін ай сайын ақшалай өтемақы алады; патрульдік полицияның лауазымдары сержанттардан жүз пайыз офицерлерге ауыстырылды, – деді Қанат Таймерденов.
Бірыңғай бөлінісу кезінде Алматы қаласы ПД басшылығы патрульдік полиция автопаркінің жағдайын тексеріп, жаттығу жұмыстарын жүргізді.
Естеріңізге сала кетейік, осы күндері Алматы қаласының полициясы “Құқықтық тәртіп” жедел-профилактикалық іс-шарасына байланысты күшейтілген нұсқада жұмыс істеп жатыр.