Қазақстан Республикасының Ішкі істер Министрі генерал-лейтенант Тұрғымбаев Ерлан Заманбекұлына. Алғысхат Құрметті Ерлан Заманбекұлы! Менін ұлым Қалмахан Бақбаев 1995 жылдын 7 сәуірінде тәжік-ауған шекарасында Отан алдындағы борышын өтеп жүріп апат болды. Осы күнге орайластырып, бүгінде Ұлттық ұлан Бас қолбасшылығы қапияда қаза тапқан жауынгерлер рухына арнап, түрлі еске алу шараларын ұйымдастрып келеді. Сондай игілікті істің бірі жақында ғана жүзеге асты. Ол Қазақстан Республикасы Ұлттық ұланының қолдауымен «KAZBAT» көркем фильмінің түсіріулі еді. Шымкент қаласында өткен фильмнің тусаукесеріне келінім Эльмира мен немерем Жанель – үшеуміз құрметті қонақ ретінде шақырылып, тамашаладық. Осы хатты мен айтып, немерем жазып Сізге жолдап отырмыз. Болған оқиға негізінде түсірілген аталған кинотуынды өзінің шынайылығымен өскелең ұрпаққа әскери-патриоттық рухты насихаттау жолында көп пайдасын тигізді деп ойлаймын. Ал енді осы мақсаттағы игілікті іске менің ұлым Қалмаханның өмірі, жүріп өткен жолы арқау болғаны – көңілге аз да болса медеу. Осылайша Отанын қорғау жолында апат болған боздақтарымызды ұмытпай, жас буынға үлгі-өнеге етудің арғы жағында терең ой, астарлы ақиқат жатқаны шындық. Он перзент сүйіп, тәрбиелеген «Батыр Ана» ретінде осындай кинотуындының жарыққа шығуына атсалысқан азаматтарға алғыс білдіремін. Құрметпен, старшина Қ.Бақбаевтың анасы –Ұрқия Бақбаева Шымкент қаласы, Ынтымақ ауданы, Қозы Көрпеш көшесі, № 5 үй