Ақтау қаласында, Ш. Есенов атындағы университеттің базасында халықаралық ғылыми-практикалық конференция өтті. Конференцияның тақырыбы: «Жаһандық сын-қатерлер және құқықтық трансформациялар: конституционализм, цифрландыру және жасанды интеллект дәуіріндегі адам құқықтары».
Бұл маңызды ғылыми шараға отандық және шетелдік ғалымдар, құқық саласының мамандары, профессорлық-оқытушылық құрам, сондай-ақ шамамен 70 студент қатысты.
Конференция барысында заманауи қоғамдағы ең өзекті мәселелер — цифрландыру және жасанды интеллектті қолдану арқылы жасалатын қылмыстар жан-жақты талқыланды. Студенттер мен университет оқытушылары үшін интернет алаяқтықтан қорғану жолдары, интернетті қауіпсіз пайдалану ережелері және цифрлық сауаттылықты арттырудың маңыздылығы туралы ақпараттық сессиялар өткізілді.
Ұйымдастырушылар атап өткендей, мұндай ғылыми шаралар адам құқықтарын қорғау, құқықтық мемлекет механизмдерін жетілдіру және жаңа жаһандық сын-қатерлер жағдайында цифрлық қауіпсіздікті қамтамасыз ету бағытында маңызды қадам болып саналады.
Қазақстан бойынша 2026 жыл «Балалар жылы» деп жарияланып, жас ұрпақтың қауіпсіздігі мен құқықтарын қорғауға ерекше мән берілуде.
Осыған орай құқық қорғау органдары балалардың қауіпсіздігін қамтамасыз ету, олардың құқықтарын қорғау және құқықбұзушылықтардың алдын алу бағытындағы жұмыстарды күшейтуде.
Полиция қызметкерлері профилактикалық іс-шаралар өткізіп, білім беру ұйымдарымен және ата-аналар қауымымен бірлесіп түсіндіру жұмыстарын жүргізуде.
Құқық қорғау органдары ата-аналарды балалардың бос уақытын бақылауға, олардың қауіпсіздігіне жауапкершілікпен қарауға шақырады.
Сондай-ақ жасөспірімдерге заң талаптарын сақтау, өз әрекеттеріне жауапкершілікпен қарау және қауіпсіз мінез-құлық қағидаларын ұстану қажеттігі ескертіледі.
👨👩👧👦 Балалардың амандығы – қоғамның басты құндылығы!
Бірге қауіпсіз болашақ құрайық!
https://www.instagram.com/reel/DWTdiAkjaas/?utm_source=ig_web_copy_link
Маңғыстау ауданы аумағында мектеп оқушыларының демалыс кезеңінде құқық бұзушылықтарының алдын алу мақсатында «Демалыс» жедел-профилактикалық іс-шарасы өткізілуде.
Аталған іс-шара кәмелетке толмағандар арасындағы құқық бұзушылықтардың алдын алуға, отбасылық қолайсыздықты анықтауға және балалардың түнгі уақытта заңды өкілдерінсіз жүруін бақылауға бағытталған.
Іс-шараның негізгі бағыттары:
- балалардың қауіпсіздігін қамтамасыз ету, қаңғыбастық пен үйден кетудің алдын алу;
- кәмелетке толмағандар арасындағы құқық бұзушылықтарды азайту;
- қолайсыз отбасыларды анықтау және ата-аналардың жауапкершілігін арттыру;
- сауда орталықтары, ойын-сауық орындары мен компьютерлік клубтарға тексеріс жүргізу.
Полиция қызметкерлері білім беру ұйымдары және жастар орталығы өкілдерімен бірлесіп, профилактикалық жұмыстар жүргізуде.
Іс-шара аясында кәмелетке толмағандардың сағат 23:00-ден кейін заңды өкілдерінсіз қоғамдық орындарда жүру деректері бақылауға алынады.
👨👩👧👦 Балалардың қауіпсіздігі – қоғамның ортақ міндеті!
Маңғыстау облысы аумағында көктемгі демалыс кезеңінде балалардың қауіпсіздігін қамтамасыз ету мақсатында профилактикалық жұмыстар күшейтілуде.
Көктемгі демалыс – балалар үшін демалыс пен серуен уақыты болғанымен, осы кезеңде олардың қауіпсіздігі ерекше назарда болуы тиіс.
Полиция қызметкерлері күшейтілген режимде қызмет атқарып, құқықбұзушылықтардың алдын алу бағытында тиісті шараларды жүзеге асыруда.
Құқық қорғау органдары ата-аналарды балалардың бос уақытын бақылауға, кешкі уақытта қараусыз қалдырмауға және қауіпсіздік ережелерін түсіндіруге шақырады.
Сондай-ақ оқушыларға жол қозғалысы ережелерін сақтау, қауіпті ойындардан аулақ болу және заң талаптарын қатаң ұстану қажеттігі ескертіледі.
👨👩👧👦 Балалардың қауіпсіздігі – баршамыздың ортақ міндетіміз!
Бөлімнің криминалдық полиция бөлімшесі жедел уәкілдері Наурыз мерекесіне орай тұрғындар арасында профилактикалық түсіндіру жұмыстарын жүргізді.
Іс-шараның негізгі мақсаты – интернет алаяқтық, есірткі қылмыстары және ұрлық сияқты құқық бұзушылықтардың алдын алу. Азаматтарға сақтық шаралары кеңінен түсіндіріліп, құқық бұзушылықтардың алдын алу бойынша нақты ұсыныстар берілді.
Тәртіп сақшылары тұрғындарды:
🔹 күмәнді интернет сілтемелерге өтпеуге,
🔹 жеке деректерді бөгде адамдарға бермеуге,
🔹 заңсыз әрекеттерден аулақ болуға шақырды.
Бұл шаралар қоғамда қауіпсіздікті күшейтіп, азаматтарды қырағылыққа шақыруға бағытталған.
Мұнайлы ауданы аумағында Әз-Наурыз мерекесі кең көлемде ұйымдастырылып, жоғары деңгейде атап өтілді.
Мерекелік іс-шара Маңғыстау облысы Полиция департаменті бастығы, полиция генерал-майоры С. Аяғановтың нұсқауына сәйкес өткізілді. Бөлімнің жеке құрамы мен көліктегі полиция бөлімінің қызметкерлері бірлесе отырып, ұлттық мейрамның мазмұнын арттыра түсті.
🎉 Іс-шараға Маңғыстау облысы әкімдігі атынан облыс әкімі Н. Қилыбаев, департамент бастығының бірінші орынбасары, полиция полковнигі И. Жұмағұлов, сондай-ақ аудан әкімі қатысты.
🎶 Мерекелік бағдарлама аясында концерт ұйымдастырылып, өнерпаздар ұлттық әндер мен билерден шашу шашты. Қонақтарға ұлттық тағамдар ұсынылып, дәстүрлі Наурыз көже таратылды.
🤝 Іс-шараның басты мақсаты – ұлттық құндылықтарды насихаттау, қызметкерлер арасындағы бірлікті нығайту және қоғамда мерекелік көңіл-күй қалыптастыру.
Әз-Наурыз мерекесіне орай ұйымдастырылған іс-шара барысында көпшілік назарына полиция бөлімінің арнайы құрал-жабдықтары көрме ретінде ұсынылды.
Көрмеде тәртіп сақшыларының қызметінде қолданылатын заманауи техникалар мен жабдықтар таныстырылып, олардың жұмыс істеу ерекшеліктері жан-жақты түсіндірілді.
Әсіресе, қызметтік автокөліктер балалардың ерекше қызығушылығын тудырды. Кішкентай қонақтар көліктерді жақыннан көріп, олардың құрылымымен танысып, естелік суреттерге түсіп, көтеріңкі көңіл-күйге бөленді 🚓✨
Мұндай іс-шаралар жас ұрпаққа құқық қорғау органдарының қызметін таныстырып қана қоймай, олардың мамандыққа деген қызығушылығын арттыруға және құқықтық мәдениетті қалыптастыруға зор ықпал етеді 👮♂️
Маңғыстау облысы Полиция департаменті қызметкерлері Ақтау қаласындағы сауда орындары мен жәрмеңкелерде интернет алаяқтықтың алдын алу мақсатында профилактикалық түсіндірме жұмыстарын жүргізді.
Іс-шара барысында тұрғындарға:
🔹 интернет арқылы жасалатын алаяқтық түрлері
🔹 күмәнді сілтемелер мен хабарламалардан сақтану жолдары
🔹 жеке деректерді қорғау тәсілдері
🔹 банк карталарының мәліметтерін бөгде адамдарға бермеу қажеттілігі түсіндірілді
Полиция қызметкерлері азаматтарды қырағы болуға, күмәнді ұсыныстарға сенбеуге және жеке ақпаратты қорғауға шақырды.
⚠️ Есіңізде болсын: алаяқтар үнемі жаңа тәсілдер ойлап табады. Өз қауіпсіздігіңіз – өз қолыңызда!
Шымкент қаласында 2025 жылы азаматша А. Сойынова алаяқтық әрекеттердің салдарынан 1 800 000 теңге көлемінде материалдық шығынға ұшырады.
2026 жылы ол Мұнайлы ауданы аудандық полиция бөліміне жүгінді. Аталған факт бойынша қылмыстық іс тіркеліп, жедел-тергеу шаралары жүргізілді. Нәтижесінде күдікті тұлға анықталып, оның кінәсі дәлелденді.
Тергеу барысында келтірілген материалдық шығын толық көлемде өтелді. Қазіргі уақытта қылмыстық іс заңнама талаптарына сәйкес аяқталды.
А. Сойынова құқық қорғау органдарының кәсіби және жедел әрекеттерін атап өтіп, тергеуші А. Жанабердиевке көрсеткен көмегі үшін алғыс білдірді.
Ішкі істер министрлігі жаңа «Хулиган-ка» атты деректі фильмін таныстырды. Фильмде өмірі зорлық-зомбылық, орта қысымы және ересектердің бақылауының жоқтығынан өзгерген жасөспірімдердің нақты оқиғалары көрсетіледі.
Басты кейіпкер Дарина – қасақана ауыр дене зақымын келтіру фактісі бойынша ҚР ҚК-нің 106-бабы бойынша сотталған жасөспірім. Оның тарихы көрсетіп тұрғандай, орта әсері мен өзін дәлелдеу талпынысы трагедиялық салдарға әкелуі мүмкін. 14 жасында ол үлкен құрбысының ықпалына түсіп, мектепке бармай, алкоголь қолдана бастаған және төбелестерге қатысқан. Қиын жағдай Даринаның құрбысын қатал түрде ұруымен ушығып, соттық жауапкершілікке алып келді.
Фильм жасөспірімдер арасындағы агрессияның көбінесе өзін дәлелдеу, өмірлік бағдардың жоқтығы және қолдаушы ортаның жоқтығы арқылы қалыптасатынын көрсетеді. Жасөспірімдер өз әрекеттерінің салдарын әрдайым түсінбейді, ал қарапайым дауласу ауыр жарақаттарға немесе өлімге әкелуі мүмкін. Фильмде сотталған басқа жасөспірімдердің оқиғалары да көрсетіліп, жас кезіндегі қателіктің бағасы мен жоғалтылған мүмкіндіктер туралы ойлары ұсынылады.
МВД мәліметтері бойынша, 2026 жылғы ақпан айының қорытындысы бойынша жасөспірімдер жасаған құқық бұзушылықтар саны 24,3% төмендеді. Алайда ІІД-де есепте 2,9 мыңнан астам жасөспірім және 6 мыңнан астам бала тәрбиесіне жауапсыз ата-ана бар. Әр мектепке учаскелік инспекторлар мен ювеналды және криминалды полиция қызметкерлері бекітілген – жалпы шамамен 8 мың адам. Оқу орындарында жасөспірімдерге құқықтық сабақтар тұрақты түрде өткізіліп, құқық бұзушылықтарды алдын алу және жауапкершілік қалыптастыруға бағытталған.
Деректі фильм «Хулиган-ка» – бұл тек нақты тағдырлар туралы әңгіме ғана емес, қоғамға ескерту: жасөспірімдердің агрессиясы өздігінен пайда болмайды. Ол орта әсерінен, салқынқандылық пен бақылаудың жоқтығынан қалыптасады. Оны тек отбасы, мектеп және қоғамның бірлескен күш-жігерімен алдын алуға болады.
Ақпарат көзі: Polisia.kz https://polisia.kz/ru/mvd-vypustilo-dokudramu-osnovannuyu-na-real-nyh-istoriyah-o-podrostkovoj-zhestokosti-i-bullinge/