Алматыдағы Бітімгерлік операциялар орталығына Канаданың дипломатиялық делегациясы келді

ҚР Қорғаныс министрлігінің Бітімгерлік операциялар орталығында Канаданың Қазақстандағы Төтенше және Өкілетті елшісі Кристофер Дагган бастаған делегация болды.  

Тараптар кездесу барысында БҰҰ-ның бітімгерлік қызметі аясындағы ынтымақтастықтың алдағы мүмкіндіктерін талқылады.  

Канадалық делегация БҰҰ-ның бітімгерлік миссияларындағы міндеттерді сапалы орындау үшін әскери қызметшілердің кәсіби және бейімделу дағдыларын дамытуға бағытталған бітімгерлерді даярлауды ұйымдастыру деңгейін жоғары бағалады.